بالقاش اۋدانىنداعى قامىس وسىمدىكتەرى مەن ءشوپ ءورتىن ءسوندىرۋ جۇمىستارى جالعاستىرىلۋدا.

ەلدى مەكەندەرگە قاۋىپ جوق. سۋ اعىزۋ قۇرىلعىسى بار «قازاۆياقۇتقارۋ» اق-نىڭ تىكۇشاعىمەن ءورت وشاقتارىنا اۋەدەن 65 رەت جالپى كولەمى 195 توننا سۋ توگىلدى. اۆياتسيالىق تەحنيكانى پايدالانۋ جانە جەتۋى قيىن جەرلەرگە ورمان شارۋاشىلىعىنىڭ قىزمەتكەرلەرى مەن ءورت سوندىرۋشىلەردى جەتكىزۋ سياقتى قابىلدانعان شارالاردىڭ ارقاسىندا جەكەلەگەن ءورت وشاقتارى ءسوندىرىلىپ، جاقىن ماڭداعى شارۋا قوجالىعى امان قالدى.

شىمتەزەك، جەتۋى قيىن، باتپاقتى جەرلەر جانە ۇنەمى وزگەرىپ وتىراتىن قاتتى جەلدىڭ بولۋى ءورت وشاقتارىن ءسوندىرۋ جۇمىستارىن قيىنداتۋدا. ءورت وشاقتارىن ءسوندىرۋ جۇمىستارى جالعاسۋدا. الماتى وبلىسى تجد باستىعى اسقار تويشىبەكوۆ ءورت وقيعاسى ورنىندا.

ءورتتى سوندىرۋگە تجد، جەرگىلىكتى اتقارۋشى ورگانداردىڭ كۇشتەرى مەن قۇرالدارى، جەرگىلىكتى تۇرعىندار جۇمىلدىرىلىپ، سونداي-اق ۇشقىشسىز ۇشۋ اپپاراتى قولدانىلۋدا.

دەرەككوزى: قر تجم

Abai.kz