حالقىمىزدىڭ ستراتەگيالىق باعدارىنىڭ تۇپكى ءمانىن ءدال ءارى ناقتى بىلدىرەتىن وسى ءۇش ۇعىمدى تۋ ەتكەن قازاقستان حالقى اسسامبلەياسىنىڭ ءحححىىى سەسسياسى مەملەكەت باسشىسى قاسىم-جومارت توقاەۆتىڭ توراعالىعىمەن ونلاين فورماتتا ءوتتى.

ەلىمىزدىڭ بىرقاتار وڭىرىندە سۋ تاسقىنى سالدارىنان قالىپتاسقان كۇردەلى جاعدايعا بايلانىستى جەتى جۇزدەن استام سەسسيا قاتىسۋشىلارى ءوز وڭىرلەرىنەن بايلانىسقا قوسىلدى.

قر پارلامەنتى سەناتىنىڭ توراعاسى م.اشىمباەۆ باستاعان ءبىر توپ دەپۋتاتتار، ء“بىر ەل - ءبىر مۇددە” دەپۋتاتتىق توبىنىڭ مۇشەلەرى پارلامەنت قابىرعاسىنان سەسسيا جۇمىسىنا قاتىستى.

القالى جيىننىڭ كۇن ءتارتىبى ارينە بۇگىنگى تاڭدا تابيعاتتىڭ توسىن مىنەزىنىڭ سالدارىنان كەلگەن زارداپتىڭ ورنىن تولتىرۋ جانە قيىندىققا ۇشىراعان وتانداستارىمىزعا قول ۇشىن بەرۋدەگى قازاقستان حالقى اسسامبلەياسىنىڭ رولىنە ارنالدى دەسەك بولادى.

مەملەكەت باسشىسى سۋ تاسقىنى كەزىندە اسسامبلەيانىڭ اتقارعان اۋقىمدى ءارى ۇيلەسىمدى جۇمىسىنا ەرەكشە توقتالدى.

زارداپ شەككەندەرگە جان-جاقتى قولداۋ كورسەتۋ بويىنشا جەدەل تۇردە قحا رەسپۋبليكالىق جانە وڭىرلىك شتابتارى قۇرىلعانىن اتاپ ءوتتى.

شىن مانىندە دە اتقارىلعان تىرلىك از ەمەس. بۇكىل ەلدى قامتىعان «جۇرەكتەن جۇرەككە» اۋقىمدى اكتسياسى اياسىندا اپات ايماقتارىنا جالپى سوماسى 770 ميلليون تەڭگەدەن استام 1500 توننادان استام ازىق-تۇلىك پەن ءبىرىنشى كەزەكتەگى قاجەتتى تاۋارلار جىبەرىلدى. وعان ەتنومادەني بىرلەستىكتەردىڭ 12 مىڭنان استام ەرىكتىلەرى قاتىستى.

مەملەكەت باسشىسى اتاپ وتكەندەي اسسامبلەيا ءوزىنىڭ ۇلت بىرلىگى مەن ىنتىماعى قۇندىلىقتارىنىڭ ءتيىمدى جولباسشىسى ەكەنىن ءىس جۇزىندە تاعى دا كورسەتتى.

اسسامبلەيا توراعاسى توقتالعان اسا ماڭىزدى باعىتتىڭ ءبىرى - قحا جۇمىسىن جاڭا ۇلتتىق يدەولوگيا دوكتريناسىمەن ۇيلەستىرۋ.

پرەزيدەنت يدەولوگيالىق رەفورما ماسەلەسىندە: «قازاقستاندا بۇرىن-سوڭدى مۇنداي اۋقىمدى رەفورما جاسالماعان. بىراق بۇعان توقمەيىلسىپ وتىرۋعا بولمايدى، رەفورمانى ساپالى جۇزەگە اسىرا بەرۋىمىز كەرەك. ەلىمىز قارقىندى دامۋى ءۇشىن ونداعان جىل بويى قوردالاعان كوپتەگەن ماسەلەنى شەشۋىمىز قاجەت.

ءبىز كۇش-جىگەرىمىزدى بىرىكتىرۋ ارقىلى عانا بولاشاق جەتىستىكتەردىڭ بەرىك تۇعىرىن قالاپ، ساياساتتا، ەكونوميكادا، مادەنيەتتە جانە الەۋمەتتىك سالادا تۇبەگەيلى وزگەرىستەر جاساي الامىز. ءدال سول سەبەپتى اسسامبلەيانىڭ بۇگىنگى سەسسياسى «بىرلىك. جاسامپازدىق. ورلەۋ» دەپ اتالدى.” - دەپ اتاپ ءوتتى.

قوعامىمىزداعى اۋىزبىرشىلىكپەن بەرەكەلى ىنتىماعىمىزعا سىزات تۇسىرگىسى كەلەتىن تەرىس پيعىلدىلار مەن الەۋمەتتىك جەلىلەردە الاۋىزدىق تۋعىزۋعا تىرىساتىنداردىڭ قۇيتىرتقى ارەكەتىنە الدانباۋعا شاقىردى.

سونىمەن قاتار قارعىن سۋ زاردابىنان شىعىنعا ۇشىراعانداردىڭ بارلىق شىعىنى تولىقتاي وتەلەتىنىن، بۇل ءۇشىن ەش قانداي ۇنەمدەۋ بولمايتىنىن اتاپ ءوتتى. ۇكىمەتكە مەملەكەتتىك رەزەرۆتەگى قارجىنى جۇمساۋعا رۇقسات بەرگەنىن مالىمدەدى.

اليشەر ساتۆالديەۆ

Abai.kz