اۆتوجول سالاسىنداعى وزەكتى ماسەلەلەردىڭ ءبىرى- بىلىكتى كادرلاردىڭ جەتىسپەۋشىلىگى بولىپ تابىلادى.

كادر تاپشىلىعى ماسەلەسىن شەشۋ ءۇشىن «جول اكتيۆتەرى ساپاسىنىڭ ۇلتتىق ورتالىعى» پاۆلودار فيليالىنىڭ ماماندارى تۇراقتى تۇردە كاسىپتىك باعدار بەرۋ جۇمىستارىن اتقارىپ تۇرادى. پاۆلودار قالاسىنىڭ مەكتەپتەرىن عانا ەمەس، وبلىسىمىزدىڭ تۇكپىر-تۇكپىردەگى اۋىل مەكتەپتەرىنە بارىپ، وقۋشىلارمەن كەزدەسۋلەر وتكىزەدى.

جاقىندا فيليال ينجەنەرلەرى مەيرامبەك نيازوۆ پەن مەيركەن كايرجانوۆ شارباقتى اۋدانىنىڭ بىرنەشە مەكتەپتەرىنە بارىپ، جوعارى سىنىپ وقۋشىلارىمەن كەزدەستى. ولارعا بولاشاق مامان تاڭداۋ الدىندا جول سالاسىنىڭ قانداي ماماندىقتارى بار ەكەنىڭ ، ولاردىن  قىر-سىرىن، ارتىقشىلىقتارىن باياندادى.

پرەزيدەنتىمىز ق.ك.توقاەۆ ايتىپ وتكەندەي: ء"بارىمىز بىلىمگە دەگەن كوزقاراسىمىزدى وزگەرتۋىمىز كەرەك. گۋمانيتارلىق ماماندىقتارعا قۇمارلىقتىڭ زامانى ءوتتى. تەحنيكالىق ماماندىقتارعا باسىمدىق بەرۋ كەرەك. ونەركاسىپتىك ينجەنەرلەردىڭ جاڭا بۋىنىن ءوسىرۋ قاجەت".

وسىدان 4 جىل بۇرىن جول اكتيۆەرى ساپاسىنىڭ ۇلتتىق ورتالىعى «2000 مەكتەپ» اكتسياسى كاسىپتىك باعدار بەرۋ جۇمىسىن جۇزەگە اسىرۋعا جاريالانعان ەدى.

فيليال زەرتحاناسىندا مەكتەپ، كوللەدج، ۋنيۆەرسيتەت وقۋشىلارىنا ارنالعان اشىق ەسىك كۇنى ۇيىمداستىرىلادى. 4 جىلدا فيليال ماماندارى پاۆلودار وبلىسىنىڭ 350 دەن استام مەكتەپتەرىندە  كەزدەسۋلەر وتكىزدى. جىل سايىن فيليال زەرتحاناسىندا جاز بويى ستۋدەنتتەر اقىلى تاجىريبەدەن وتەدى، ۋاقىتشا جۇمىسپەن قامتىلادى.

فيليلال قىزمەتكەرلەرى جول سالاسىنىڭ وركەندەۋىنە لايىقتى ۇلەس قوسىپ ءارى قاراي دامۋىن توقتاتپايدى.

Abai.kz