الماتىدا وزەن جاعاسىندا دەمالۋعا ارنالعان جاڭا لوكاتسيا پايدا بولماق.

الماتى قالاسى اكىمدىگىنىڭ حابارلاۋىنشا الماتى قالاسىنىڭ 7,7 شاقىرىمعا سوزىلىپ جاتقان "قارعالى" وزەنىنىڭ جاعالاۋى قايتا جاڭعىرتىلۋدا.

"الماتى — ءبىزدىڭ ورتاق ءۇيىمىز" ناۋقانىنىڭ ءۇشىنشى اپتاسى ء"بىزدىڭ قالا – ءبىزدىڭ تاۋلار، وزەندەر مەن كولدەر" ۇرانى اياسىندا وتۋدە. اپتا ىشىندە جاعالاۋلار مەن سۋ ايدىندارى، ساياباقتار، سكۆەرلەر مەن تاۋ بوكتەرى تازارتىلادى.

"مۇندا وزەن ارناسىن تازارتىپ، سەرۋەندەۋ ايماعىن قۇرۋ جوسپارلانعان. 3 مىڭعا جۋىق اعاش وتىرعىزىلادى. سونداي-اق كوپجىلدىق گۇلدەر مەن شوپتەردىڭ گۇلزارى، قىلقان جاپىراقتى جانە جاپىراقتى اعاشتار مەن بۇتالار ەگىلەدى. جالپى ۇزىندىعى 2,7 شاقىرىمعا جەتەتىن سۋارمالى سۋ قۇبىرى تارتىلادى. ۇزىندىعى 4,3 شاقىرىم بولاتىن 196 جارىق باعاناسى ورناتىلادى. كەلۋشىلەردىڭ جايلىلىعى ءۇشىن 135 ورىندىق پەن قوقىس جاشىگىنە قويۋ جوسپاردا بار", – دەپ جازىلعان حابارلامادا.

جوبا ماقساتىندا كوپىر جولىن قايتا قۇرىپ، جاياۋ جۇرگىنشىلەر مەن ۆەلوسيپەدشىلەرگە قاۋىپسىزدىك پەن قولجەتىمدىلىك قامتاماسىز ەتىلمەك. تروتۋارلار مەن ۆەلوسيپەد جولدارىن ورناتۋ قاراستىرىلعان.

سۋرەت: pinterest

Abai.kz