سول جىلى الا جازداي جاڭبىر جاۋماي، قونىستىڭ ءسانى كەتتى. كۇز تۇسە شارۋانىڭ شىرقى قالماي، جۇتقا ۇشىراپ قالماس ءۇشىن ەل ماڭعىستاۋدىڭ ويىنان اسىپ، جاڭعاققا قۇلادى. كوشكەن جۇرتتىڭ سوڭىندا، ەلسىزدەنىپ قالعان ءۇستىرتتى قيماي تاستەمىر رەۋشەن مەن ولجاشى نازار قاجىنىڭ اۋىلى قالدى. قىس تۇسپەي جاتىپ، ايداعان مالىنىڭ جايى كەتە باستاعاسىن نازار قاجى رەۋشەنگە بارىپ اقىلداستى.

--مالعا جايىلىس جوق، جەر قۋاڭ دەپ جۇرت ماڭعىستاۋدان كوشسە كوشە بەرسىن. مەن ەشقايدا بارمايمىن-دەدى ول.

بۇرىنعىداي باس ءمۇجىپ، ارقانى كەڭگە سالىپ وتىراتىن كۇي قايدا. ارىق توقتىنى سويدىرىپ، ارى –بەرگىنى ءسوز قىلعاننان شارۋاعا كەلەر پايدا جوق. نازار قاجى اتىن سۋىتپاي اۋىلىنا قايتتى. ويى سان-ساققا كەتىپ، تۇياقكەستى بولىپ توزعان توڭىرەككە قاراپ، كوڭىلى قۇلازىپ كەلە جاتتى. كارى شىڭ كۇيكەننىڭ تۇمسىعىنان ءبىر اتتىلى كىسى كەلەدى ەكەن. نازار قاجى بەيساۋەت جۇرگەن كىسىنى كۇتىپ، اماندىق ساۋلىق الىسىپ، ءجون سۇراستى، مال-جاننىڭ قىسقى قامىنىڭ قيىن جايىن ويلاپ نالىپ كەلە جاتقانىن جاسىرمادى.

- وسى كەلە جاتقان باعىتىڭنىڭ وڭ جاعىنا ءبىر كوش جەرگە كوشىپ قون. سول جەرگە قىستا. جاعدايىڭ جامان بولماس.مەن بايان دەگەن اداممىن.

بەيتانىس كىسى وسىلاي دەپ اتىن تەبىنىپ جۇرە بەردى. «الگى ادامنىڭ اۋىلىنىڭ قايدا ەكەنىن سۇراماپپىن-اۋ...» نازار قاجى ارتىنا بۇرىلىپ قاراسا، جاڭا عانا قاسىنان ءجۇرىپ كەتكەن ادام جوق. ءاپ-ساتتە عايىپ بولعان...

سول جىلى الا جازداي جاڭبىر جاۋماي، قونىستىڭ ءسانى كەتتى. كۇز تۇسە شارۋانىڭ شىرقى قالماي، جۇتقا ۇشىراپ قالماس ءۇشىن ەل ماڭعىستاۋدىڭ ويىنان اسىپ، جاڭعاققا قۇلادى. كوشكەن جۇرتتىڭ سوڭىندا، ەلسىزدەنىپ قالعان ءۇستىرتتى قيماي تاستەمىر رەۋشەن مەن ولجاشى نازار قاجىنىڭ اۋىلى قالدى. قىس تۇسپەي جاتىپ، ايداعان مالىنىڭ جايى كەتە باستاعاسىن نازار قاجى رەۋشەنگە بارىپ اقىلداستى.

--مالعا جايىلىس جوق، جەر قۋاڭ دەپ جۇرت ماڭعىستاۋدان كوشسە كوشە بەرسىن. مەن ەشقايدا بارمايمىن-دەدى ول.

بۇرىنعىداي باس ءمۇجىپ، ارقانى كەڭگە سالىپ وتىراتىن كۇي قايدا. ارىق توقتىنى سويدىرىپ، ارى –بەرگىنى ءسوز قىلعاننان شارۋاعا كەلەر پايدا جوق. نازار قاجى اتىن سۋىتپاي اۋىلىنا قايتتى. ويى سان-ساققا كەتىپ، تۇياقكەستى بولىپ توزعان توڭىرەككە قاراپ، كوڭىلى قۇلازىپ كەلە جاتتى. كارى شىڭ كۇيكەننىڭ تۇمسىعىنان ءبىر اتتىلى كىسى كەلەدى ەكەن. نازار قاجى بەيساۋەت جۇرگەن كىسىنى كۇتىپ، اماندىق ساۋلىق الىسىپ، ءجون سۇراستى، مال-جاننىڭ قىسقى قامىنىڭ قيىن جايىن ويلاپ نالىپ كەلە جاتقانىن جاسىرمادى.

- وسى كەلە جاتقان باعىتىڭنىڭ وڭ جاعىنا ءبىر كوش جەرگە كوشىپ قون. سول جەرگە قىستا. جاعدايىڭ جامان بولماس.مەن بايان دەگەن اداممىن.

بەيتانىس كىسى وسىلاي دەپ اتىن تەبىنىپ جۇرە بەردى. «الگى ادامنىڭ اۋىلىنىڭ قايدا ەكەنىن سۇراماپپىن-اۋ...» نازار قاجى ارتىنا بۇرىلىپ قاراسا، جاڭا عانا قاسىنان ءجۇرىپ كەتكەن ادام جوق. ءاپ-ساتتە عايىپ بولعان...

كەزدەيسوق كەزدەسكەن كىسى ايتىپ، نۇسقاپ كەتكەن جەرگە نازار قاجى كوشىپ قوندى. سول جىلعى قىستان ءتورت تۇلىك مالدان تۇياق بەرمەي، امان ەسەن شىقتى.

جازعىتۇرىم مال مىڭعىرا تولدەدى. قۇدايدى شىن ءسۇيىپ، تۋعان جەرىن قادىرلەگەن قاجىعا سول جولى ءۇستىرتتى ارالاپ جۇرگەن قىدىر جولىققان ەكەن. ولجاشى نازار قاجى سودان كەيىن دە بۇل قونىستان تابان اۋدارعان جوق. قارتايىپ ومىردەن وتكەن كۇنى، تىلەگى قابىل بولىپ ۇلى قىردىڭ ۇستىندەگى شىڭىراۋلى قونىسى «تاڭكەگە» جەرلەندى. ءتورت قۇلاقتى ساعانا تام سونىڭ ايعاعى.

ايناحان ەسەت