الماتىدا جاستارعا ارنالعان كوميۋنيتي ورتالىقتاردىڭ سانى 16-عا دەيىن كوبەيەدى. بۇل تۋرالى الماتى قالاسى بويىنشا قازاقستان حالقى اسسامبلەياسىنىڭ XXVI سەسسياسى اياسىندا الماتى اكىمى ەربولات دوساەۆ حابارلادى.

«ءبىز ۋادە ەتكەندەي، قالادا 16 كوميۋنيتي ورتالىق بولادى. بيىل 4-ەۋىن، كەلەسى جىلى تاعى 4-ەۋىن اشامىز. كوميۋنيتي ورتالىقتاردىڭ پايداسى مول، جاستاردىڭ باسىن قوساتىن ورىندار پايدا بولدى»، - دەدى قالا باسشىسى ەربولات دوساەۆ.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى

قازىر قالانىڭ ءار اۋدانىندا ءبىر-بىردەن 8 كوميۋنيتي ورتالىق اشىلعان.

ەستەرىڭىزگە سالا كەتەيىك، الماتىدا جاستاردىڭ الەۋەتىن تولىققاندى ىسكە اسىرۋ، سونداي-اق جاستارعا اتاۋلى كومەك كورسەتۋ ءۇشىن وتكەن جىلى جاستار كوميۋنيتي ورتالىقتار اشىلعان.

ءاربىر كوميۋنيتي ورتالىق – 300 م2 قوعامدىق كەڭىستىك، پسيحولوگيالىق، زاڭ كومەگى، جۇمىسقا ورنالاستىرۋ، كاسىپتىك باعدار بەرۋ، كاسىپكەرلىك ماسەلەلەر بويىنشا كەڭەس بەرۋ، سونداي-اق جاستار يدەياسىن جەدەلدەتۋ ءۇشىن كوۆوركينگ ايماق بار.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى

2024 جىلدىڭ باسىنان بەرى 750-دەن استام ءىس-شارا وتكىزىلىپ، 30 مىڭنان استام جاس قاتىسقان. «وناي» كارتاسى نەگىزىندە كوميۋنيتي ورتالىقتاردىڭ رەزيدەنتتەرى ءۇشىن كلۋبتىق كارتوچكالىق جۇيە ەنگىزىلدى. كارتا كولىككە، قوعامدىق تاماقتانۋعا، سپورتتىق جانە مادەني ينفراقۇرىلىمدى پايدالانۋعا، وقىتۋعا، شەبەرلىك دارىستەرىنە جانە ت.ب. ديسكونت ۇسىنادى.

سونداي-اق، قالادا جاستارعا ارنالعان 34 دەمالىس ورتالىعى جاڭعىرتىلدى.

Abai.kz