«حالىق» قايىرىمدىلىق قورى ماڭعىستاۋ وبلىسىنداعى الەۋمەتتىك جوبالارعا ەرەكشە ءمان بەرىپ كەلەدى. سونداي جوبالاردىڭ ءبىرى - تۇزسىزداندىرۋ جۇيەسىن ىسكە قوسۋ، سەبەبى ماڭعىستاۋ وبلىسىندا تۇششى سۋ ماسەلەسى وتە وزەكتى. «حالىق» قايىرىمدىلىق قورىنىڭ ارقاسىندا 2023 جىلى سىناق جوبا رەتىندە جاڭاوزەن قالاسىندا قانت قۇماي ءوسىرۋ مۇمكىندىكتەرىن انىقتاۋ ءۇشىن تۇزسىزداندىرۋ قوندىرعىسى ىسكە قوسىلعان بولاتىن. ارتىنشا اكىمدىك تۇششى سۋمەن قامتاماسىز ەتۋ جونىندەگى ماسەلەلەردى شەشۋگە جاردەمدەسۋدى سۇراپ، «حالىق» قورىنا جۇگىندى. «حالىق» قورى 300 ميلليون تەڭگە ءبولىپ، سايىن شاپاعاتوۆ اۋىلىندا زاماناۋي تۇزسىزداندىرۋ قوندىرعىسىن ورناتىپ، ونى اكىمدىك بالانسىنا بەردى.

19 ماۋسىمدا ماڭعىستاۋ وبلىسىنىڭ اكىمى نۇرداۋلەت قيلىبايدىڭ قاتىسۋىمەن اقتاۋ ماڭىنداعى سايىن شاپاعاتوۆ اۋىلىندا تۇزسىزداندىرۋ قوندىرعىسى ىسكە قوسىلدى، ول 25 000 تۇرعىندى تۇششى سۋمەن قامتاماسىز ەتۋگە مۇمكىندىك بەرەدى. اشىلۋ سالتاناتىندا ءوڭىر باسشىسى نۇرداۋلەت قيلىباي بۇل باستامانى قولعا الىپ، قارجى سالعان «حالىق» قايىرىمدىلىق قورىنا ماڭعىستاۋ تۇرعىندارىنىڭ اتىنان العىستارىن جەتكىزدى.

تۇزسىزداندىرۋ قوندىرعىسى كەرى وسموس ءپرينتسيپى بويىنشا جۇمىس ىستەيدى، وندا جارتىلاي وتكىزگىش مەمبرانالار لاستاۋشى زاتتاردى بوگەپ، سۋ مولەكۋلالارىنىڭ ەركىن وتۋىنە مۇمكىندىك بەرەدى. بۇل 98-99% ەرىگەن قاتتى زاتتاردان، ميكروورگانيزمدەردەن جانە حيميالىق قوسىلىستاردان ارىلۋعا مۇمكىندىك بەرەدى، ال بۇل سۋدى تازارتىپ، ول سۋدى ءىشۋ قاۋىپسىز بولادى.

«سايىن شاپاعاتوۆ اۋىلىندا 2023 جىلدان باستاپ قۇنى 300 ميلليون تەڭگە بولاتىن ۇلكەن قوندىرعىنىڭ قۇرىلىسى جۇرگىزىلدى - بۇل قوندىرعى سايىن شاپاعاتوۆ اۋىلىنداعى 25 000 تۇرعىندى، سونىمەن قاتار، كورشىلەس اقشۇقىر اۋىلىن دا تۇششى سۋمەن قامتاماسىز ەتۋگە مۇمكىندىك بەردى، ولار ءۇشىن قوندىرعى تاۋلىگىنە 6 500 تەكشە مەتر تۇششى سۋ وندىرەدى – مۇنىڭ ءبارى ۇزدىكسىز جۇمىس ىستەيتىن زاماناۋي تەتىكتەردىڭ ارقاسىندا مۇمكىن بولىپ وتىر»، - دەيدى «حالىق» قورىنىڭ  باسقارۋشى ديرەكتورى ناريمان ابىلشايىقوۆ.

ايتا كەتەيىك، «حالىق» قورى 2023 جىلدان بەرى ماڭعىستاۋ وبلىسىنىڭ دامۋىنا 4,5 ميلليارد تەڭگە بولگەن: ونىڭ 1,8 ميللياردى - بەينەۋ استىق تەرمينالىنىڭ جۇمىسىن قايتا جانداندىرۋعا، 580 ميلليون تەڭگەسى - تۇزسىزداندىرۋ جۇيەلەرىن ورناتۋعا، 530 ميلليونى - بالالارعا ارنالعان 60-تان استام سپورتتىق-اۋلا وبەكتىلەرىن سالۋعا، 1 ميلليارد تەڭگەسى جاڭاوزەندە اۋدانى 4 گەكتار دەنە شىنىقتىرۋ-ساۋىقتىرۋ كەشەنىن قۇرۋعا بولىنگەن. سونىمەن قاتار، 500 ميلليون تەڭگە بەينەۋ اۋىلىنداعى ءۇش مەكتەپتى ماتەريالدىق-تەحنيكالىق جابدىقتارمەن جاراقتاندىرۋعا ءبولىندى.

جالپى دينارا جانە تيمۋر قۇلىباەۆتار قۇرعان «حالىق» قايىرىمدىلىق قورى  2016 جىلدان بەرى بۇكىل قازاقستان بويىنشا 85 ميلليارد تەڭگەگە قايىرىمدىلىق كومەك كورسەتكەن.

Abai.kz