قما باسشىسى دميتري مالاحوۆ ءبىرىنشى جارتى جىلدىقتىڭ قورىتىندىسى بويىنشا وتىرىس وتكىزدى. مونيتورينگ بارىسىندا كوپتەگەن زاڭ بۇزۋشىلىقتار انىقتالعانى بەلگىلى بولدى.

بيۋدجەت

مىسالى، 300 ملرد تەڭگەدەن اساتىن قۇنى بار 35 مەملەكەتتىك جوبا بويىنشا باعالاردىڭ كوتەرىلگەنى انىقتالدى. قازىر ولاردىڭ قۇنى شامامەن 45 ملرد تەڭگەگە قىسقارتىلدى.

19,2 ملرد تەڭگە سوماسىنا بيۋدجەت قاراجاتىن جىمقىرۋدىڭ 111 فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر.

الاياقتىق

"ازاماتتاردى الاياقتىق سحەمالارعا تارتىلۋدان قورعاۋ ماقساتىندا قارجى پيراميدالارىن ۇيىمداستىرۋشىلارعا قاتىستى 22 تەرگەۋ باستالدى. الدىن الۋ شاراسى رەتىندە زاڭسىز كونتەنتكە 14 مىڭ سىلتەمە بۇعاتتالىپ، 100-دەن استام زاڭسىز چات پەن اككاۋنت جويىلدى", - دەپ حابارلادى قما.

جالپى، قىلمىستىق ىستەر بويىنشا وتەماقى 3,5 ەسە (48,3 ملرد تەڭگەدەن 164,4 ملرد تەڭگەگە دەيىن) ۇلعايدى، ونىڭ ىشىندە "قولما-قول اقشا" 7 ەسەگە (11 ملرد تەڭگەدەن 79 ملرد تەڭگەگە دەيىن) ءوستى.

Abai.kz