تايلاند قازاقستان ازاماتتارى ءۇشىن ۆيزاسىز رەجيمدى ۇزارتتى. بۇل تۋرالى Abai.kz حابارلايدى.

ەندى تايلاندقا ارنايى دەمالۋعا بارعان ازاماتتارىمىز ءبىر اي ەمەس، ەكى اي بويى تروپيكالىق ەلدە ەمىن-ەركىن جۇرە الادى.

اتالعان مەملەكەتتىڭ ىشكى ىستەر مينيسترلىگى 93 ەلدىڭ تۋريستەرىنە ۆيزالىق تالاپتاردى جەڭىلدەتتى. ونىڭ ىشىندە قازاقستان دا بار. سونىمەن قاتار كورولدىك الداعى ۋاقىتتا ۇزاق مەرزىمدى ۆيزالار ءۇشىن دە جەڭىلدىكتەر قاراستىرىلاتىنىن مالىمدەدى.

ستاتيستيكا بويىنشا، جىل باسىنان بەرى تايلاندقا 18 ميلليوننان استام شەتەلدىك بارعان. بۇل كورسەتكىش وتكەن جىلدىڭ وسى كەزەڭىمەن سالىستىرعاندا 35 پايىزعا ارتىق.

ايتا كەتەيىك، بۇگىندە قازاقستان ازاماتتارىنا ۆيزاسىز 40 -تان اسا ەلگە ساياحاتتاۋعا بولادى.

Abai.kz