ەسكى №72 مەكتەپ عيماراتىنىڭ ورنىنا جاڭا مەكتەپ سالىنادى. بۇل تۋرالى قالا باسشىسى ەربولات دوساەۆ الماتى قالاسى اۋەزوۆ اۋدانى تۇرعىندارىنىڭ سۇراقتارىنا جاۋاپ بەرگەندە ايتتى.

اكىممەن كەزدەسۋگە كەلگەن اۋدان تۇرعىنى №72 مەكتەپتىڭ تاعدىرى تۋرالى سۇراپ، وقۋ ورنىنىڭ ورنىندا جاڭا تۇرعىن ءۇي كەشەندەرى سالىناتىنىنا الاڭداۋشىلىق ءبىلدىردى.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى

«بۇل مەكتەپ وتە ەسكى، بالالار وقۋشىلارعا تولىق سىنىپتاردا ساپالى ءبىلىم الا المايدى. سوندىقتان ءبىز ەسكى عيماراتتى بۇزىپ، جوبالىق قۋاتىن 380-دەن 1200 ورىنعا دەيىن ارتتىرا وتىرىپ، جاڭا زاماناۋي مەكتەپ سالۋدى جوسپارلاپ وتىرمىز. ول ءۇشىن بىزگە قوسىمشا جەر قاجەت. قالا وسۋدە، حالىق سانى وسۋدە، جاڭا الەۋمەتتىك نىساندار قاجەت. بۇگىنگى تاڭدا تاۋەلسىز باعالاۋشى جىلجىمايتىن مۇلىكتىڭ 40 يەسىنە تەكسەرۋ جۇرگىزدى. مۇندا ەشقانداي تۇرعىن ءۇي نەمەسە كوممەرتسيالىق نىساندار سالىنبايدى!»،- دەدى قالا باسشىسى ەربولات دوساەۆ.

№72 جالپى ءبىلىم بەرەتىن مەكتەپ تاۋگۇل شاعىن اۋدانىندا ورنالاسقان. مەكتەپتىڭ جوبالىق قۋاتى - 380 وقۋشى ورنى ء(ىس جۇزىندە 494 بالا بارادى). «اسىل تاس» تك قۇرىلىسى مەن ەسكى تۇرعىن ءۇيدى جاڭارتۋ باعدارلاماسىنىڭ 8 كەزەگىن ىسكە اسىرعاننان كەيىن 2 مىڭعا جۋىق وقۋشى ورنى تاپشى بولادى دەپ كۇتىلۋدە.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى

بۇعان دەيىن اۋدان اكىمدىگى مەكتەپ اۋماعىن كەڭەيتۋ ماقساتىندا جەر ۋچاسكەسىن الىپ قويۋ تۋرالى ءوتىنىش بىلدىرگەن بولاتىن. بۇگىنگى كۇنى باعالاۋشى جىلجىمايتىن مۇلىكتىڭ 40 مەنشىك يەسى بويىنشا تەكسەرۋ جۇرگىزدى.

قازىر ەسكىسىن بۇزا وتىرىپ، جاڭا مەكتەپ عيماراتىنىڭ قۇرىلىسىنا جسق ازىرلەنۋدە. قۇرىلىس-مونتاج جۇمىستارى 2025 جىلدىڭ II توقسانىندا باستالادى، اياقتالۋى – 2026 جىلدىڭ I توقسانىنا جوسپارلانۋدا.

Abai.kz