2024 جىلدىڭ 8 شىلدەسىندە ويىن بيزنەسى جانە لوتەرەيا قىزمەتى تۋرالى زاڭ قابىلداندى. بۇگىن، ۆيتسە-ءمينيسترى ميراس تولەباەۆ زاڭنىڭ نەگىزگى بولىمدەرى تۋرالى ايتىپ بەردى. بۇل تۋرالى Abai.kz اقپاراتتىق پورتالى حابارلايدى.

زاڭ سەگىز كودەكستە جانە 14 زاڭدا 150 تۇزەتۋدى كوزدەيدى، 18 نورما بويىنشا رەتتەۋشىلىك اسەرگە تالداۋ جۇرگىزىلدى.

"ينتەرنەت-رەسۋرستاردى قوسا العاندا، بۇقارالىق اقپارات قۇرالدارىنا قاتىستى دا وسىنداي نورما كوزدەلگەن. حالىقارالىق جارىستاردىڭ تىكەلەي ەفيرىن جۇرگىزەتىن سپورتتىق بۇقارالىق اقپارات قۇرالدارى مەن سپورتتىق ەمەس جەرگىلىكتى ارنالارعا ەرەكشە جاعداي جاسالدى. سونىمەن قاتار، ازاماتتار بۋكمەكەرلىك كەڭسەلەردىڭ جارناماسىمەن SMS المايدى. زاڭ بۇزۋشىلار ءۇشىن اكىمشىلىك جاۋاپكەرشىلىكتى كوزدەيدى", - دەدى تولەباەۆ. 

سونداي-اق، بورىشكەرلەردىڭ بىرىڭعاي تىزىمىنە ەنگىزىلگەن ادامداردى قۇمار ويىندارعا جانە ءباس تىگۋگە مۇمكىنشىلىك بەرۋگە تىيىم سالىنادى. بورىشكەرلەردى، 21 جاسقا تولماعان قازاقستاندىقتاردى جانە ءوزىن – ءوزى شەكتەگەندەردى قۇمار ويىن ويناۋعا مۇمكىنشىلىك بەرگەندەرگە اكىمشىلىك جاۋاپكەرشىلىك ەنگىزىلەدى - ليتسەنزياسى توقتاتىلا وتىرىپ، ءبىر ميلليوننان 3,7 ميلليون تەڭگەگە دەيىن ايىپپۇل سالىنادى.

Abai.kz