ەنەرگەتيكا ءمينيسترى الماسادام ساتقاليەۆ گاز باعاسى ينفلياتسيا دالىزىنە بايلانىستى جىل سايىن كوتەرىلىپ وتىراتىنىن ايتتى.

سەبەبى، بۇگىنگى كۇنى تاۋارلىق گازدى ءوندىرۋ مەن جەتكىزۋدىڭ وزىندىك قۇنى مىڭ تەكشە مەتر ءۇشىن شامامەن 33 مىڭ تەڭگە، ال ساتۋ باعاسى ارزانىراق – 24 مىڭ تەڭگە. جوسپار بويىنشا، باعالار ءۇش جىل ىشىندە كەزەڭ-كەزەڭمەن وسەتىن بولادى.

"قازىرگى تاڭدا تاۋارلىق گازدى ءوندىرۋ مەن جەتكىزۋدىڭ وزىندىك قۇنى مىڭ تەكشە مەتر ءۇشىن شامامەن 33 مىڭ تەڭگە. قازىرگى ۋاقىتتا باعالار الدەقايدا تومەن، ايماققا بايلانىستى شامامەن 24 مىڭ تەڭگە. بيىل 1 شىلدەدەن باستاپ باعانى 14,8%-عا تۇزەتتىك. كەز كەلگەن ءتاريفتىڭ كوتەرىلۋى ينفلياتسيا ءدالىزى شەڭبەرىندە، ەلدەگى ينفلياتسيا دەڭگەيىنە اسەر ەتۋ شەڭبەرىندە بولۋى كەرەك. بۇل پارامەترلەردى ەكونوميكا مينيسترلىگى بەلگىلەيدى. بۇل پارامەترلەر تومەنگى شەكتە بەلگىلەنسە، شىعىنسىزدىق ماقساتىنا جەتۋ ءۇشىن بىزگە الدەقايدا ۇزاق كەزەڭ قاجەت بولاتىنى تۇسىنىكتى", – دەدى مينيستر.

Abai.kz