قىركۇيەكتىڭ 17-ءسى كۇنى الماتىداعى «ۇلتتىق ءباسپاسوز كلۋبىندا» «مىنبەر»، «نازار»، «التىن وردا» سايتتارىنىڭ تۇساۋكەسەر راسىمىنە ارنالعان ءباسپاسوز ءماسليحاتى ءوتتى.

بۇگىنگى تاڭدا ادامزات بالاسىنىڭ تىنىس-تىرشىلىگىن ينتەرنەتسىز ەلەستەتۋ مۇمكىن بولماي بارادى. الايدا، ينەرنەت-جۋرناليستيكانىڭ ەلىمىزدەگى اقپارات كەڭىستىگىندە ادىمى اشىلماي تۇرعانى بەلگىلى. مىنە، وسى ولقىلىقتى جويۋ ماقساتىندا «مەملەكەتتىك ءتىلدى قولداۋ» پرەزيدەنتتىك قورى ءبىرشاما ءىس-شارالاردى جۇزەگە اسىردى. سونىڭ ءبىرى رەتىندە قازاق ءتىلدى ينتەرنەت سايتتارىن قولداۋ بارىسىنداعى ناتيجەلى ەڭبەكتەردى اتاۋعا  ابدەن بولادى. تاياۋدا «مەملەكەتتىك ءتىلدى قولداۋ» پرەزيدەنتتىك قورىنىڭ  جاردەمىمەن ءۇش بىردەي ينتەرنەت سايتى ومىرگە كەلدى.

ولار: «مىنبەر» (minber.kz) ۇلتتىق ينتەرنەت گازەتى، قازاقتىلدى باق-تا جارىق كورگەن وزەكتى ماقالالاردى ورىس تىلىنە اۋدارىپ باساتىن «التىن وردا» ينتەرنەت گازەتى جانە قازاق جۋرناليستەرىنىڭ قوعامدىق قورى اشىپ وتىرعان «نازار» (zamandas.kz) ينتەرنەت گازەتى.

قىركۇيەكتىڭ 17-ءسى كۇنى الماتىداعى «ۇلتتىق ءباسپاسوز كلۋبىندا» «مىنبەر»، «نازار»، «التىن وردا» سايتتارىنىڭ تۇساۋكەسەر راسىمىنە ارنالعان ءباسپاسوز ءماسليحاتى ءوتتى.

بۇگىنگى تاڭدا ادامزات بالاسىنىڭ تىنىس-تىرشىلىگىن ينتەرنەتسىز ەلەستەتۋ مۇمكىن بولماي بارادى. الايدا، ينەرنەت-جۋرناليستيكانىڭ ەلىمىزدەگى اقپارات كەڭىستىگىندە ادىمى اشىلماي تۇرعانى بەلگىلى. مىنە، وسى ولقىلىقتى جويۋ ماقساتىندا «مەملەكەتتىك ءتىلدى قولداۋ» پرەزيدەنتتىك قورى ءبىرشاما ءىس-شارالاردى جۇزەگە اسىردى. سونىڭ ءبىرى رەتىندە قازاق ءتىلدى ينتەرنەت سايتتارىن قولداۋ بارىسىنداعى ناتيجەلى ەڭبەكتەردى اتاۋعا  ابدەن بولادى. تاياۋدا «مەملەكەتتىك ءتىلدى قولداۋ» پرەزيدەنتتىك قورىنىڭ  جاردەمىمەن ءۇش بىردەي ينتەرنەت سايتى ومىرگە كەلدى.

ولار: «مىنبەر» (minber.kz) ۇلتتىق ينتەرنەت گازەتى، قازاقتىلدى باق-تا جارىق كورگەن وزەكتى ماقالالاردى ورىس تىلىنە اۋدارىپ باساتىن «التىن وردا» ينتەرنەت گازەتى جانە قازاق جۋرناليستەرىنىڭ قوعامدىق قورى اشىپ وتىرعان «نازار» (zamandas.kz) ينتەرنەت گازەتى.

«بۇگىندە قازاقتىڭ ەلەكتروندى بۇقارالىق اقپارات قۇرالدارى مەن مەرزىمدى ءباسپاسوزى دامىعانمەن ينتەرنەت جۋرناليستيكاسى ءوز دەڭگەيىندە ەمەس.  سونىڭ سالدارىنان بولسا كەرەك، قازاقتىلدى اۋديتوريا ورىس گازەتتەرى مەن ينتەرنەت سايتتارىنا جۇگىنىپ، اقپاراتتى سولاردان الۋعا ءماجبۇر. اتالعان سايتتاردىڭ نەگىزگى ماقساتى جوعارىدا ايتىلعان ولقىلىقتاردىڭ ورنىن تولتىرۋ بولىپ تابىلادى.  وز كەزەگىندە ءۇش سايت تا قازاق ينتەرنەت جۋرناليستيكاسىن دامىتۋعا ۇلەس قوسىپ، وسى سالادا ءوز قولتاڭبالارىن قالدىرادى دەگەن سەنىمدەمىز»، - دەيدى ءباسپاسوز ءماسليحاتىن وتكىزگەن ارىپتەستەرىمىز.

ءباسپاسوز ءماسليحاتىندا «مىنبەر»، «التىن وردا»، «zamandas.kz» سايتىنىڭ جەتكشىلەرى قاتىسىپ ءسوز سويلەدى.

-  قازاق تىلىندە سايت اشۋدىڭ پالەندەي قيىندىعى جوق ەكەن. وقىرمان اۋديتورياسى دا قالىپتاسىپ ۇلگەرىپتى، - دەدى ءباسپاسوز ءماسليحاتىنىڭ بارىسىندا «التىنبەك سارسەنبايۇلى قورىنىڭ» ديرەكتورى، abai. kz اقپارتتىق پورتالىنىڭ قىزمەتىن ۇيلەستىرۋشى ايدوس سارىم مىرزا.

-  ءبىز، قازاقتىلدى ينتەرنەت سايتتارىنىڭ جۇمىسىن جولعا قويىپ باستاعان جۋرناليستەر، ارزان اتاققا ۇمتىلاتىن باسەكەلەس ەمەس، الدىمەن تىلەۋقور ارىپتەسپىز، - دەدى بەلگىلى جۋرناليست، «مىنبەر» (minber.kz) ۇلتتىق ينتەرنەت گازەتىن ۇيىمداستىرۋشىلاردىڭ ءبىرى ەسەنگۇل كاپقىزى abai. kz اقپارتتىق پورتالىنىڭ تىلشىسىنە.

ارىپتەستەرىمىزگە ءبىز اقپارات كەڭىستىگىندە زور ابرويعا يە بولا بەرىڭدەر دەپ تىلەيمىز.

اباي-اقپارات.