قوستانايدىڭ باس يمامى تاجىمبەت باحىتبەك نۇرعابىلۇلى 15 تاۋلىككە قامالدى جانە 7 جىلعا كولىك قۇرالىن باسقارۋ قۇقىعىنان ايىرىلدى، دەپ حابارلايدى Ulysmedia.kz.

كولىك باسقارۋدان شەتتەتىلدى

ول بۋرابايداعى تۇنگى كلۋبتاردىڭ بىرىنەن جانىندا ماساڭ كۇيدە كولىگىن ايداپ بارا جاتقاندا ۇستالعان.

“تاجىمبەت باحىتبەك نۇرعابىلۇلى قازاقستان رەسپۋبليكاسىنىڭ اقبتك-ءنىڭ 608-بابىنىڭ 1-بولىگىمەن كىنالى دەپ تانىلسىن، وعان وسى باپ بوي̆ىنشا 15 (ون بەس) تاۋلىككە قاماققا الۋ جانە 7 (جەتى) جىلعا كولىك قۇرالىن باسقارۋ قۇقىعىنان اي̆ىرۋ جازاسى تاعاي̆ىندالسىن.قاماققا الۋ ۋاقىتى 2024 جىلعى 23 شىلدە ءساۋىر ساعات 16:53 مينۋتتان باستاپ ەسەپتەلسىن”، – دەپ جازىلعان قاۋلىدا.

يمام جالتارىپ باقتى

وقيعا 23 شىلدەدە بولعان. تاجىمبەت بۋراباي̆ كەنتى كەنەسارى كوشەسى "رەگيون 03" كلۋبتىڭ قاسىندا Toyota Highlander اۆتوكولىگىن الكوگولدىك ماساڭ كۇي̆ىندە باسقارعان. بىراق ول سوت وتىرىسىندا وز كىناسىن موي̆ىنداماي، الكوگولدىك ىشىمدىكتەردى ىشپەگەنىن، تەك قانا قىمىز ىشكەنىن كورسەتكەن. بىراق سوت وتىرىسىندا زەرتەلگەن بەي̆نەجازبا بوي̆ىنشا، ماس بولۋ فاكتىسىن انىقتاۋ ءۇشىن مەديتسينالىق كۋالاندىرۋ جاساعان كەزدە دەرىگەر قوي̆عان سۇراققا تاجىمبەت سىرا ءىشتىم دەپ جاۋاپ بەرگەن.

“سوت، ب.ن. تاجىمبەتكە اكىمشىلىك جازا قولدانۋ كەزىندە ونىڭ جاۋاپتىلىعىن جەڭىلدەتەتىن ءمان-جاي̆لاردىڭ جوق ەكەندىگىن، ال جاۋاپتىعىن اۋىرلاتاتىن ءمان-جاي̆ رەتىندە، ونىڭ الكوگولدىك ماساڭ كۇي̆دە بولۋى دەپ، ونىڭ جەكە باسىنىڭ، قۇقىق بۇزۋشىلىقتىڭ اي̆نالاسىنداعىلارعا قوعامدىق قاۋىپتىلىگىن، ازاماتتاردىڭ دەنساۋلىعىمەن جول ءجۇرىسى قاۋىپسىزدىگىنە قاۋىپ تۋدىراتىندىعىن، سونىمەن قاتار اتالعان قۇقىق بۇزۋشىلىق ءۇشىن بالاما جازانىڭ جوقتىعىن ەسكەرە وتىرىپ، وعان اكىمشىلىك جازا رەتىندە قاماققا الۋ جانە كولىك قۇرالىن باسقارۋ قۇقىعىنان اي̆ىرۋ جازاسىن تاعاي̆ىنداۋ قاجەت دەپ ەسەپتەي̆دى”، – دەپ جازىلعان سوت قاۋلىسىندا.

قمدب يمام تۋرالى مالىمەتتى جاسىردى

ءبىر ايتا كەتەرلىگى، قمدب، ياعني ءمۇفتيات ءوزىنىڭ رەسمي سايتىندا وسى باس يمام تۋرالى اقپاراتتى جەدەل ءوشىرىپ تاستاعان.

سۋرەت: ulysmedia.kz

”اتاپ ايتقاندا ءمۇفتياتتىڭ بۇل اياق استىنان جانتالاسقان ارسىز تىرلىگى ەرتەڭ بۇنداي يمام قمدب جۇيەسىندە قىزمەت ەتپەيدى نەمەسە يمامدىق جۇمىستان الدەقاشان بوساتىلعان دەپ ايتۋ ءۇشىن عانا جاسالعان ەكىجۇزدى پاسىق ءىس-ارەكەت دەپ بىلەمىن. ءوز باسىم وسى سوراقىلىقتاردىڭ بارىنە ءدىننىڭ اتىن جامىلىپ،وتىرىك موراليست سياقتى بوپ كورىنەتىن كلەريكال يمامداردىڭ توراعاسى،باس ءمۇفتي ناۋرىزباي وتپەنوۆ تىكەلەي جاۋاپتى دەپ ەسەپتەيمىن”، – دەدى رەداكتسياعا حابارلاسقان تۇرعىن.

“باس يمام” كىم؟

تاجىمبەت باحىتبەك نۇرعابىلۇلى 1983 جىلى 17-مامىردا قىزىلوردا وبلىسى، جاڭاقورعان اۋدانىندا دۇنيەگە كەلگەن. جاڭاقورعان اۋدانىنداعى № 125 س. ساپاربەكوۆ اتىنداعى قازاق ورتا مەكتەبىندە، تۇركىستان قالاسىنداعى «حاسان ورالتاي» اتىنداعى مەدرەسەسىندە، شىمكەنت قالاسىنداعى «قامار» اتىنداعى مەدرەسەسىندە، الماتى قالاسىنداعى «تاۋگۇل» مەدرەسەسىندە ءتالىم العان. 2005-2006 جىلدارى ىستامبۇل قالاسىنداعى «ىستامبۇل مۋفتياتىندا» ءبىلىم العان.

2015 جىلدىڭ قاراشا ايىنىڭ 12-نەن باستاپ، قوستاناي وبلىسى بويىنشا وكىل يمام جانە قوستاناي وبلىستىق «مارال يشان» مەشىتىنىڭ باس يمامى بولىپ تاعايىندالدى.

ۇيلەنگەن، ەكى بالانىڭ اكەسى.

Abai.kz