ولجاس بەكتەنوۆ اباي وڭىرىندەگى ونەركاسىپتىڭ دامۋىمەن تانىستى
![](https://abai.kz/content/uploads/2024/07/unnamed.jpg)
ۇكىمەت باسشىسى ولجاس بەكتەنوۆ اباي وبلىسىنىڭ يندۋستريالىق دامۋىمەن تانىستى. وتاندىق كاسىپورىندارعا، اتاپ ايتقاندا ءىرى ماشينا جاساۋ وندىرىستەرىنە جانە قاپتاما ماتەريالدار مەن تسەمەنت شىعاراتىن زاۋىتتارعا باردى.
![](https://primeminister.kz/assets/media/itog.jpg)
Cۋرەت: primeminister.kz
ولجاس بەكتەنوۆ «قازپوليگراف» جشس وندىرىستىك قۋاتىن ارالاپ كوردى. 83 جىلدىق تاريحى بار ەڭ كونە كومبينات تاماق ونەركاسىبىنە ارنالعان قاپتامالاردىڭ بارلىق ءتۇرىن جاسايدى. جىل سايىنعى ءوندىرىس كولەمى قاعاز جانە كارتون ىدىستاردىڭ، پوليمەرلى پلەنكالاردان جاسالعان پرەستەلگەن جانە قاپتاما بۇيىمدارىنىڭ شامامەن 35,5 مىڭ تونناسىن قۇرايدى. بارلىق اسسورتيمەنت قازاقستاندىق ازىق-تۇلىك وندىرۋشىلەر اراسىندا ۇلكەن سۇرانىسقا يە، سونداي-اق كورشى ەلدەرگە ەكسپورتتالادى.
«ءبىزدىڭ زاۋىت 1941 جىلدان بەرى جۇمىس ىستەيدى، مۇندا 700-دەن استام ادام ەڭبەك ەتەدى. ءبىز وراعىش ماتەريالدار، گوفرلەنگەن قاپتامالار، تاماق ونەركاسىبىنە ارنالعان جاپسىرمالار جانە باسقا دا ونىمدەر شىعارامىز. ءبىز پلەنكا، پەرگامەنت، فولگا، ەكولين سياقتى ماتەريالداردى قولدانامىز. ونىمدەردى رەسەي، قىرعىزستان، وزبەكستان جانە تاجىكستانعا جەتكىزەمىز», - دەدى «قازپوليگراف» جشس سىرتقى ەكونوميكا جونىندەگى ديرەكتورى قايرات ومارعاليەۆ.
پرەمەر-مينيستر ءوڭىردىڭ جانە جالپى رەسپۋبليكانىڭ ازىق-تۇلىك قاۋىپسىزدىگىن قامتاماسىز ەتەتىن جەرگىلىكتى وندىرۋشىلەردىڭ ونىمدەرىمەن تانىستى. اباي وبلىسى كوكونىستەرگە، ۇنعا، ماكارون جانە ەت ونىمدەرىنە دەگەن ءوز قاجەتتىلىگىن تولىق كولەمدە جابادى (سيىر ەتى بويىنشا – 229%، قۇس ەتى بويىنشا – 151%). وتكەن جىلى ءوڭىر ەت ءوندىرۋدى 3%-عا (83,8 مىڭ تونناعا دەيىن) جانە ءسۇت ونىمدەرىن ءوندىرۋدى 2,4%-عا (289,6 مىڭ توننا) ۇلعايتتى.
Cۋرەت: primeminister.kz
سونىمەن قاتار ۇكىمەت باسشىسى 1958 جىلى سالىنعان «سەمەي تسەمەنت زاۋىتى» وك» جشس-دە بولدى. كاسىپورىن 2016 جىلدان باستاپ تولىق جاڭعىرتۋ باعىتىنا بەت بۇردى. مەنشىكتى ۆاگوندار پاركى ساتىپ الىندى، وندىرىستىك قۋاتتى ارتتىرۋ بويىنشا جاڭا جەلىلەر ەنگىزىلدى، ەكى پەشتىڭ ەلەكتر سۇزگىلەرىن زاماناۋي جوعارى ءتيىمدى شاڭ ۇستايتىن جابدىققا اۋىستىرۋ بويىنشا ەكولوگيالىق جوبالار ىسكە اسىرىلدى.
زاۋىتتىڭ قۋاتتىلىعى جىلىنا 1 150 مىڭ توننا تسەمەنتتى قۇرايدى. ءونىم قازاقستان نارىعىندا ساتىلىپ، شەتەلگە ەكسپورتتالادى.
«ءبىز ورتا جانە جوعارى دەڭگەيلى تاۋارلاردى وندىرۋگە باسا نازار اۋدارامىز. الايدا، سونىمەن بىرگە بارلىق جەردە قولدانىلاتىن تسەمەنت، بەتون، تەمىر-بەتون ونىمدەرى سياقتى نەگىزگى ماتەريالدارمەن قامتاماسىز ەتەتىن كاسىپورىندار تۋرالى ۇمىتپاۋ كەرەك. بيىل ۇكىمەت الدىنا رەكوردتىق 18 ملن شارشى مەتر تۇرعىن ءۇي سالۋ مىندەتى قويىلدى. بۇل قۇرىلىس ماتەريالدارىنا سۇرانىستىڭ ارتۋىنا اكەلەدى. "سەمەي تسەمەنت زاۋىتى" – جۇيە قۇراۋشى كاسىپورىنداردىڭ ءبىرى جانە قالاعا الەۋمەتتىك كومەك كورسەتەتىن بيزنەستىڭ جاۋاپتى وكىلى. ۇكىمەت تاراپىنان مۇنداي كاسىپورىنداردى قولداۋدىڭ بارلىق قاجەتتى شارالارى قامتاماسىز ەتىلەدى», - دەپ اتاپ ءوتتى ولجاس بەكتەنوۆ.
Cۋرەت: primeminister.kz
پرەمەر-مينيستر سونىمەن قاتار «سەماز» جشس ماشينا جاساۋ زاۋىتى جانە سەمەي ماشينا جاساۋ زاۋىتىنا باردى. ۇكىمەت باسشىسىنا كاسىپورىنداردىڭ تەحنولوگيالىق جەلىلەرىن دامىتۋدىڭ اعىمداعى قىزمەتى مەن الداعى جوسپارى تۋرالى باياندالدى.
انىقتاما: بيىلعى قاڭتار-ماۋسىم ايلارىندا اباي وبلىسىندا ونەركاسىپ ءونىمىن ءوندىرۋ كولەمى 895,7 ملرد تەڭگەنى قۇراپ، وتكەن جىلدىڭ وسى كەزەڭىندەگى كورسەتكىشىمەن سالىستىرعاندا ۇلعايدى (2023 جىلى 673,6 ملرد تەڭگە).
ءجوو-دەگى (جالپى وڭىرلىك ونىمدەگى) ونەركاسىپتىڭ ۇلەسى 3 ايدا 41%-دى قۇرادى. سونداي-اق وسى جىلى وڭىردە ونەركاسىپتە جۇمىسپەن قامتىلعاندار سانى — 26,5 مىڭ ادامعا ءوستى.
فوتورەپورتاج:
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Cۋرەت: primeminister.kz
Abai.kz