پرەزيدەنت قاسىم-جومارت توقاەۆتىڭ شاقىرۋىمەن 9-10 تامىز كۇندەرى جاپونيا پرەمەر-ءمينيسترى فۋميو كيشيدا قازاقستانعا رەسمي ساپارمەن كەلەدى. بۇل تۋرالى اقوردانىڭ ءباسپاسوز قىزمەتى حابارلادى.

9 تامىزدا استانا قالاسىندا «ورتالىق ازيا + جاپونيا» ديالوگىنىڭ ءبىرىنشى ءسامميتى وتەدى.

10 تامىز كۇنى قازاقستان پرەزيدەنتى قاسىم-جومارت توقاەۆ پەن جاپونيا پرەمەر-ءمينيسترى فۋميو كيشيدا ەكىجاقتى كەلىسسوزدەر جۇرگىزەدى دەپ جوسپارلانىپ وتىر. ال بۇل رەسەي تاراپى بۇل جيىننان ساياسي استار ىزدەۋدە.

رەسەي سىرتقى ىستەر مينيسترلىگىنىڭ وكىلى ماريا زاحاروۆا جاپونيا ورتالىق ازياعا كەلۋ ارقىلى رەسەيمەن بايلانىس جۇيەسىنە نۇقسان كەلتىرىپ جاتقانىن ايتتى.

«جاپونيانىڭ ورتالىق ازياعا، مىڭداعان شاقىرىم قاشىقتىقتا ەنۋ ارەكەتىنىڭ ارتىندا ءبىز ەكونوميكالىق مۇددە ەمەس، ۆاشينگتونداعى اكىمشىلىك دەياميناتسيانىڭ ديرەكتيۆالارى ايتقان ەكونوميكالىق جۇيەگە نۇقسان كەلتىرۋ نيەتى بار ەكەنى بىرنەشە رەت ايتتىق. بۇل وسى  ەلدەر مەن رەسەي فەدەراتسياسى اراسىنداعى ونداعان جىلدار بويى قالىپتاسقان قارىم-قاتىناستارعا كەدەرگى كەلتىرۋ»، - دەپ قوستى ول.

زاحاروۆانىڭ ايتۋىنشا (ورتالىق ازيا ەلدەرى) رەسەيگە جانە قىتايعا قارسى  باتىستىق «ەرەجەگە نەگىزدەلگەن ءتارتىپ» يدەولوگياسىنا «تارتىلعىسى» كەلەدى.

Abai.kz