قاڭتاردىڭ 30-ى كۇنى استانادا ايماقتىق دامۋ ءمينيسترى بولات جامىشەۆ قازاقستان رەسەيگە پوليگوندار اۋماقتارىنداعى جالعا العان جەرلەردىڭ تولىق كولەمدە پايدالانىلمايتىن بولىگىن قىسقارتۋدى ۇسىنعانى تۋرالى حابارلادى.

جامىشەۆتىڭ ايتۋىنشا، 22 قاڭتاردان باستاپ ەكى ەلدىڭ وكىلدەرى رەسەيدىڭ قازاقستاننان جالعا العان پوليگون جەرلەرىن ازايتۋعا قاتىستى كەلىسىم جاساسقان.

"مينيسترلىك بايقوڭىر كەشەنىنىڭ اسكەري پوليگوندارىن ارى قاراي قولدانۋ ماسەلەلەرىن رەتتەيتىن حالىقارالىق كەلىسىم جوباسىن جاسايدى" دەدى مينيستر.

ال ايماقتىق دامۋ ۆيتسە-ءمينيسترى قايىربەك وسكەنباەۆتىڭ ايتۋىنشا، رەسەي كەزىندە قازاقستاننان پوليگون قاجەتىنە دەپ جالعا العان اۋىلشارۋاشىلىعى ماقساتىنداعى جەرلەردى تولىق كولەمدە پايدالانىپ وتىرعان جوق.

وسكەنباەۆتىڭ سوزىنە قاراعاندا، قازاقستان رەسەيدەن تولىق پايدالانبايتىن جەرلەردى قايتارۋدى سۇراپ، ونى جەرگىلىكتى اتقارۋشى ورگانداردىڭ قۇزىرىنا بەرۋدى ۇسىنعان.

قازاقستان پرەزيدەنتى نۇرسۇلتان نازارباەۆ بۇعان دەيىن جابىلعانىنا 22 جىل بولعان سەمەي پوليگونىنىڭ اۋماعىندا رادياتسيا جوق ەكەنىن، ونى قولدانۋعا جارايتىنىن ايتقان ەدى. بىراق كەيبىر عالىمدار پوليگون اۋماعىنىڭ كەيبىر بولىگى ءالى دە قاۋىپتى ەكەنىن ەسكەرتكەن.

قاڭتاردىڭ 30-ى كۇنى استانادا ايماقتىق دامۋ ءمينيسترى بولات جامىشەۆ قازاقستان رەسەيگە پوليگوندار اۋماقتارىنداعى جالعا العان جەرلەردىڭ تولىق كولەمدە پايدالانىلمايتىن بولىگىن قىسقارتۋدى ۇسىنعانى تۋرالى حابارلادى.

جامىشەۆتىڭ ايتۋىنشا، 22 قاڭتاردان باستاپ ەكى ەلدىڭ وكىلدەرى رەسەيدىڭ قازاقستاننان جالعا العان پوليگون جەرلەرىن ازايتۋعا قاتىستى كەلىسىم جاساسقان.

"مينيسترلىك بايقوڭىر كەشەنىنىڭ اسكەري پوليگوندارىن ارى قاراي قولدانۋ ماسەلەلەرىن رەتتەيتىن حالىقارالىق كەلىسىم جوباسىن جاسايدى" دەدى مينيستر.

ال ايماقتىق دامۋ ۆيتسە-ءمينيسترى قايىربەك وسكەنباەۆتىڭ ايتۋىنشا، رەسەي كەزىندە قازاقستاننان پوليگون قاجەتىنە دەپ جالعا العان اۋىلشارۋاشىلىعى ماقساتىنداعى جەرلەردى تولىق كولەمدە پايدالانىپ وتىرعان جوق.

وسكەنباەۆتىڭ سوزىنە قاراعاندا، قازاقستان رەسەيدەن تولىق پايدالانبايتىن جەرلەردى قايتارۋدى سۇراپ، ونى جەرگىلىكتى اتقارۋشى ورگانداردىڭ قۇزىرىنا بەرۋدى ۇسىنعان.

قازاقستان پرەزيدەنتى نۇرسۇلتان نازارباەۆ بۇعان دەيىن جابىلعانىنا 22 جىل بولعان سەمەي پوليگونىنىڭ اۋماعىندا رادياتسيا جوق ەكەنىن، ونى قولدانۋعا جارايتىنىن ايتقان ەدى. بىراق كەيبىر عالىمدار پوليگون اۋماعىنىڭ كەيبىر بولىگى ءالى دە قاۋىپتى ەكەنىن ەسكەرتكەن.

2013 جىلى 2 شىلدەدە بايقوڭىردان ۇشا بەرە اپاتقا ۇشىراعان رەسەيلىك "پروتون-م" زىمىران تاسىعىشىنان بىرنەشە ءجۇز توننا ۋلى وتىن – گەپتيلدىڭ توگىلۋى قازاقستان قوعامىندا قارسىلىق اكتسيالارىن تۋعىزعان ەدى. رەسەي بۇل اپاتتان كەيىن دە بايقوڭىردان بىرنەشە «پروتون-م» ۇشىرعان.

رەسەي قازاقستانعا تيەسىلى بايقوڭىردى 1994 جىلدان باستاپ جالداپ، جىلىنا 115 ميلليون دوللار تولەپ، 2050 جىلعا دەيىن تولىق پايدالانۋعا رۇقسات العان.

"ازاتتىق" راديوسى - Azattyq.org