وسى اپتانىڭ اياعىن الا پرەزيدەنت نازارباەۆ اتىراۋ وبلىسىندا ءىس-ساپاردا بولادى دەپ كۇتىلۋدە. سەنىمدى دەرەك كوزىنىڭ مالىمەتىنە جۇگىنسەك، ەلباسى الدىمەن وتكەن جۇمادا (11 قىركۇيەكتە) جايىقتىڭ ۇستىندە سالىنىپ جاتقان كوپىردىڭ قۇلاۋىنىڭ سەبەپ سالدارىن انىقتاعان كوميسسيانىڭ قورتىندىسىمەن تانىساتىن كورىنەدى. سودان كەيىن وبلىس باسشىلىعىندا اۋىس-ءتۇيىس جاساماقشى. ەگەر، ءبىزدىڭ دەرەك كوزىنىڭ بولجامى انىققا شىقسا، وندا اتىراۋ وبلىسىن ءۇش جىلداي باسقارعان بەرگەي رىسقاليەۆ اقتوبە وبلىسىنا اۋىسادى. بەرگەي ساۋلەبايۇلىنىڭ ورنىنا   بولات داۋكەنوۆ تاعايىندالىپ قالۋى ىقتيمال. بولات داۋكەنوۆ قازىر اتىراۋ وبلىسى اكىمىنىڭ ءبىرىنشى ورىنباسارى. ءتۇپ نەگىزى اتىراۋدىڭ يندەر اۋدانىنان. الايدا قىزمەت بابىمەن اقتوبەدە وسكەن جىگىت. دەمەك، ول دا اسلان ءمۋسيننىڭ ادامى بولسا كەرەك. ەلىمىزدىڭ باتىس ايماعىنا ءسوزى ءجۇرىپ تۇرعان اسلان ەسبولايۇلى اتىراۋدان ايرىلماۋدى كوزدەپ جۇرگەن ساياساتكەر. سوندىقتان مۋسين قايتسەدە قارا التىننىڭ استاناسىنا ءوزىڭنىڭ تاربيەسىن كورىپ، بەتىنە كەلمەيتىن جىگىتتەردى قويىپ وتىرۋعا بارىن سالادى. ول ءۇشىن الدىمەن ەلباسىنا ەتەنە جاقىن ءجۇرۋدىڭ بار امالىن قولدانىپ باعۋدا. وتكەندە، پرەزيدەنت اقتوبەگە بارعاندا الدىنان زاكىراتدين بايدوسوۆ سياقتى اقساقالدى الىپ شىعىپ، سونىڭ اۋزىمەن ەلدى ماڭگى باقي باسقارا بەرىڭىز دەگەن ءوزىنىڭ جىڭىشكە تىلەگىن ءبىلدىردى. بايدوسوۆ بىلاي دەدى:

وسى اپتانىڭ اياعىن الا پرەزيدەنت نازارباەۆ اتىراۋ وبلىسىندا ءىس-ساپاردا بولادى دەپ كۇتىلۋدە. سەنىمدى دەرەك كوزىنىڭ مالىمەتىنە جۇگىنسەك، ەلباسى الدىمەن وتكەن جۇمادا (11 قىركۇيەكتە) جايىقتىڭ ۇستىندە سالىنىپ جاتقان كوپىردىڭ قۇلاۋىنىڭ سەبەپ سالدارىن انىقتاعان كوميسسيانىڭ قورتىندىسىمەن تانىساتىن كورىنەدى. سودان كەيىن وبلىس باسشىلىعىندا اۋىس-ءتۇيىس جاساماقشى. ەگەر، ءبىزدىڭ دەرەك كوزىنىڭ بولجامى انىققا شىقسا، وندا اتىراۋ وبلىسىن ءۇش جىلداي باسقارعان بەرگەي رىسقاليەۆ اقتوبە وبلىسىنا اۋىسادى. بەرگەي ساۋلەبايۇلىنىڭ ورنىنا   بولات داۋكەنوۆ تاعايىندالىپ قالۋى ىقتيمال. بولات داۋكەنوۆ قازىر اتىراۋ وبلىسى اكىمىنىڭ ءبىرىنشى ورىنباسارى. ءتۇپ نەگىزى اتىراۋدىڭ يندەر اۋدانىنان. الايدا قىزمەت بابىمەن اقتوبەدە وسكەن جىگىت. دەمەك، ول دا اسلان ءمۋسيننىڭ ادامى بولسا كەرەك. ەلىمىزدىڭ باتىس ايماعىنا ءسوزى ءجۇرىپ تۇرعان اسلان ەسبولايۇلى اتىراۋدان ايرىلماۋدى كوزدەپ جۇرگەن ساياساتكەر. سوندىقتان مۋسين قايتسەدە قارا التىننىڭ استاناسىنا ءوزىڭنىڭ تاربيەسىن كورىپ، بەتىنە كەلمەيتىن جىگىتتەردى قويىپ وتىرۋعا بارىن سالادى. ول ءۇشىن الدىمەن ەلباسىنا ەتەنە جاقىن ءجۇرۋدىڭ بار امالىن قولدانىپ باعۋدا. وتكەندە، پرەزيدەنت اقتوبەگە بارعاندا الدىنان زاكىراتدين بايدوسوۆ سياقتى اقساقالدى الىپ شىعىپ، سونىڭ اۋزىمەن ەلدى ماڭگى باقي باسقارا بەرىڭىز دەگەن ءوزىنىڭ جىڭىشكە تىلەگىن ءبىلدىردى. بايدوسوۆ بىلاي دەدى:

-  قۇرمەتتى نۇرسۇلتان ءابىشۇلى، ءسىزدىڭ پاراسات-پايىمىڭىز،  سارابدال ساياساتىڭىزدىڭ ارقاسىندا ءبىز كوپتەگەن قيىندىقتاردى ەڭسەردىك. حالقىڭىز سىزگە سەنەدى. سوندىقتان حالقىڭىز كونستيتۋتسياعا وزگەرىس ەنگىزگەندى ءجون دەپ سانايدى. ياعني پرەزيدەنت سايلاۋىن وتكىزبەي-اق، ءسىز اللا قانشا عۇمىر بەرسە، سونشا جىل ەل باسقارا بەرۋىڭىزدى قالايدى (دەرەك كوزى - «اقتوبە» گازەتى).

اقتوبە وبلىسى اسلان ءمۋسيندى ەرەكشە تۇلعا كورەدى. اقتوبەدە ازىرگە ونىڭ الدىنا شىعاتىن ادام بولماي تۇر. رەداكتسيامىزعا ءمالىم دەرەك كوزى بەرگەي رىسقاليەۆ اقتوبە وبلىسىنا اكىم بولىپ بارادى دەيدى. ال، اسلان ەسبولايۇلىنىڭ ءوزى اقتاۋعا اتتانىپ ماڭعىستاۋ وبلىسىنىڭ اكىمى دەيتىن لاۋازىمعا يە بولماق كورىنەدى. قىرىمبەك كوشەرباەۆ بولسا، پرەزيدەنت اكىمشىلىگىنىڭ جەتەكشىلىگىن قولعا الماق-مىس. اقتوبە وبلىسىنىڭ قازىرگى اكىمى ەلەۋسىن ساعىندىقوۆ ۇكىمەتكە اۋىسۋى ىقتيمال.

بۇنىڭ ءبارى، ارينە، بولجام عانا. الايدا كەيبىر بولجامنىڭ ناقتى شىندىقپەن ۇيلەسىپ جاتاتىنى بار. نەگىزى اسلان مۋسين شارۋاشىلىق باسقارىپ قالعان ادام. ول پرەزيدەنت اكىمشىلىگىندە ەندى ۇزاق وتىرا المايدى. ويتكەنى ىشكى ساياساتقا مارات ءتاجين قايتىپ ورالدى. ءتاجين اسلان سياقتى ايقايى باسىم كىسىمەن سىيىسپاسى بەلگىلى. ال بۇرىننان سىرالعى ءتاجين پرەزيدەنتكە بارىنەن جاقىن. تاجينمەن قىرمبەك كوشەرباەۆتىڭ ءىسى دە، ءسوزى دە جاراسادى دەيدى اق وردانىڭ ءدالىزىن كەشىپ جۇرگەندەر.

پرەزيدەنت باتىس ايماقتاردى ارالاپ بولعان سوڭ قىزىلورداعا، وڭتۇستىك قازاقستان وبلىسىنا سوعىپ اۋىس-تۇيىستەر جاسماق. جەتىسۋعا دە كوپ كەشىكتىرمەي كەلىپ، تالدىقورعانداعى ناركوديسپانسەردى ورتەپ العان سەرىك ۇمبەتوۆپەن سويلەسپەكشى...

«اباي-اقپارات».