شەرىمىز شەحريزات بولدى
الدىمەن بۇگىن (21 قىركۇيەك) اياقتالاتىن «مىڭ ءبىر ءتۇن» اتتى سابىن سەريالداعى باستى كەيىپكەرلەردى سومداعان ارتىستەر تۋرالى از كەم مالىمەت بەرىپ وتەلىك.
شەحريزات ەۆلياوگلۋنىڭ ءرولىن سومداۋشى بەرگۋزار كورەل 1982 جىلدىڭ 2 قىركۇيەگىندە ىستابۋلدا دۇنيەگە كەلگەن. اكەسى تانجۋ كورەل مەن اناسى حۋليا داردجان دا ەلىنە ونەر ادامى رەتىندە تانىلعان ارتىستەر. ءوزى «بەرگۋزار كورەل ميمار مينان» ۋنيۆەرسيتەتىنىڭ مەملەكەتتىك كونسەرۆاتورياسىندا تەاتر ءبولىمىن تامامداعان. ارتىستىك ونەرگە قىزىعۋشىلىعىن بايقاعان اكەسى بەرگۋزارعا كوپ كومەك كورسەتىپتى. العاش رەت تۇسكەن «Zeytin Dalı» ء(زايتۇن اعاشى) سەريالىندا اكە-شەشەسىمەن بىرگە ويناپتى.
بەرگۋزار تۇسكەن سەريالدار:
مىڭ ءبىر ءتۇن - Binbir Gece - 2006
كوكجالدار مەكەنى يراك - Kurtlar Vadisi Irak, 2006
سەن بار بول ۋرگۋپ - Şen Olasın Ürgüp,
سىنعان قانات - Kırık Kanatlar
ءزايتۇن اعاشى - Zeytin Dalı, 2005
الدىمەن بۇگىن (21 قىركۇيەك) اياقتالاتىن «مىڭ ءبىر ءتۇن» اتتى سابىن سەريالداعى باستى كەيىپكەرلەردى سومداعان ارتىستەر تۋرالى از كەم مالىمەت بەرىپ وتەلىك.
شەحريزات ەۆلياوگلۋنىڭ ءرولىن سومداۋشى بەرگۋزار كورەل 1982 جىلدىڭ 2 قىركۇيەگىندە ىستابۋلدا دۇنيەگە كەلگەن. اكەسى تانجۋ كورەل مەن اناسى حۋليا داردجان دا ەلىنە ونەر ادامى رەتىندە تانىلعان ارتىستەر. ءوزى «بەرگۋزار كورەل ميمار مينان» ۋنيۆەرسيتەتىنىڭ مەملەكەتتىك كونسەرۆاتورياسىندا تەاتر ءبولىمىن تامامداعان. ارتىستىك ونەرگە قىزىعۋشىلىعىن بايقاعان اكەسى بەرگۋزارعا كوپ كومەك كورسەتىپتى. العاش رەت تۇسكەن «Zeytin Dalı» ء(زايتۇن اعاشى) سەريالىندا اكە-شەشەسىمەن بىرگە ويناپتى.
بەرگۋزار تۇسكەن سەريالدار:
مىڭ ءبىر ءتۇن - Binbir Gece - 2006
كوكجالدار مەكەنى يراك - Kurtlar Vadisi Irak, 2006
سەن بار بول ۋرگۋپ - Şen Olasın Ürgüp,
سىنعان قانات - Kırık Kanatlar
ءزايتۇن اعاشى - Zeytin Dalı, 2005
ونۋر اكسال - حاليت ەرگەنچ . ىستانبۋلدا 1970 جىلدىڭ 30 ساۋىرىندە دۇنيەگە كەلگەن. «حاليت ميمار سينان» ۋنيۆەرسيتەتى وپەرا جانە مۋزىكا فاكۋلتەتىندەگى تەاتر ويىنشىسى ءبولىمىن بىتىرگەن. ول مۋزىكا، وپەرا جانە بالەت سالاسىندا كوپ ەڭبەك ەتتى. The Adventures of ZAK-New York, Kiss Me Kate, Tatlı Charity, Beni Seviyor, Kral ve Ben", Amphitrion 2000, Evita, Hayalet ve Ötekiler, Şarkılar Susarsa. تەاتر سالاسىندا Bugün Git Yarın Gel (بۇگىن كەت، ەرتەڭ كەل), Popcorn (پوپكورن), Arapsaçı (اراپ مامانى), Sevgilime Göz Kulak Ol (سۇيىكتىمە سۇيەۋ بول).
تەلەديداردا بولسا Hiç Yoktan Aşk (جوقتان ماحاببات), Ölümün El Yazısı ء(ولىمنىڭ جازۋى) فيلمدەرى، Böyle mi Olacaktı (وسىلاي بولماسا ەدى), Kara Melek (قارا پەرىشتە), Dedem Gofret ve Ben(اتام گوفرەت جانە مەن), Esir Şehrin İnsanları (تۇتقىن قالانىڭ ادامدارى), Zerda, Aliye دەگەن سەريالدارى بار.
ءۇش جىلعا سوزىلعان «مىڭ ءبىر ءتۇن» سەريالىنان كەيىن ويانعان ماحاببات ءبىر جىلدان كەيىن ەكى جاستىڭ ۇيلەنۋىنە سەبەپكەر بولدى. بيىل تامىز ايىندا حاليت ەرگەنچ پەن بەرگۋزار كورەل وتاۋ قۇردى.
سونىمەن فيلم تۋرالى اڭگىمەمىزگە ورالايىق. دال بۇگىنگى كۇنگە دەيىن «قازاقستان» ۇلتتىق ارناسىندا تۇرىكتىڭ «مىڭ ءبىر ءتۇن» اتتى تەلەحيقاياسى «مودادا» بولدى... بۇعان دەيىن گۇمۇش بوپ تولعانىپ، رايحان بولىپ ويلانعان قازاق كورەرمەندەرى شەحريزاتتىڭ شىرماۋىنا شىرمالدى. كەش بولدى ءبىتتى، قاراكوزدەر تەلەارناعا تەلمىرەدى. سوندا كورەتىنى - 5 جاسار بالاسى لەيكەميامەن اۋىراتىن شەحريزات اتتى جەسىر ايەلدىڭ سوراقى حيقاياسى. حيقايا كۇندە قۇبىلادى. تارتىستى تىرلىك تەرەڭىنە بويلاتاتىن بولسا كەرەك. ارناڭىزدا كوز قارىقتىرار جاعىمسىز جايلار شۇباتىلىپ جاتسا دا، ۇياتتى ىسىرىپ قويىپ قارايسىڭ. ۇزىن ىرعاسى مىناۋ. سول اۋرۋ بالاسىن ەمدەتۋ ءۇشىن شەحريزاتقا 150 مىڭ دوللار اقشا قاجەت بولادى. نەسيە سۇراپ بارعان بانك كىرىس كوزىنىڭ تۇراقسىزدىعىنا بايلانىستى ءوتىنىشىن اياقسىز قالدىرادى. سودان ول بىرنەشە جىل ارالاسپاي كەتكەن قايىن اتاسىنان اقشا سۇرايدى. الايدا، ول كىسىدەن قايىر بولمايدى. اينالىپ كەلگەندە وعان بار-جوعى ءۇش-اق اي جۇمىس ىستەگەن ءوزىنىڭ ديرەكتورىنا قولقا سالۋعا تۋرا كەلەدى. وسى كەزدە ديرەكتورى كۇتپەگەن ۇسىنىس جاساپ، ءبىر تۇنگە اۋەيى بولۋعا كوندىرەدى. ال، ونان كەيىن... ءار قادام سايىن ايەل مەن ەركەك اراسىنداعى جانجالدىڭ شيەلەنىسۋى ءھام ءوربۋى جالعاسىپ كەتە بەرەدى...
سالتانات ءجۇمادىلوۆا، ستسەناريست:
- ول فيلمدە كوبى شىدامسىز ەكەنى راس. «شەشەم كونسە، اكەم كونبەيد، اكەم كونسە، شەشەم كونبەيد، اتتەڭ توننىڭ كەلتەسى-ايدىڭ» ناعىز ءوزى. بىردە ونۋر قيسايسا، بىردە شەحريزات قيسايىپ، جۇرتتىڭ جۇيكەسىندە وينايدى. مەن سولاي جازا بىلگەنى ءۇشىن، كورەرمەندەرىن باۋراپ العانى ءۇشىن ستسەناريستەرىنە تاڭقالامىن. تەلەۆيزيانىڭ ىشكى كۋحنياسىن بىلەتىن ادام مۇنى بىردەن تۇسىنەدى، مامان رەتىندە باعالايدى. ال، ۇلتتىق تۇرعىدان الىپ قاراساق، راس، ۇتىلاتىن تۇسىمىز كوپ. ادەبيەت، كينو، جالپى كەز-كەلگەن نارسە ادام جانىنا سىڭە بەرەدى عوي تامشىلاپ. ەلدىڭ ءبارى ناديدە حانىمنىڭ دانالىعىن، بۋرحان مىرزانىڭ دارالىعىن ءسىڭىرىپ جاتسا، قۇبا-قۇپ. بىراق، ولاي بولا بەرمەيتىنى وكىنىشتى. شەحريزاتتىڭ ءسال نارسەگە اشۋلانىپ، بالاسىن الا ساپ كەتىپ قالاتىنى كورەرمەنگە قاتتى اسەر ەتەدى. ونى كورگەن قازاقتىڭ كەلىندەرى دە سونى ىستەمەي مە؟
حۋسەين گيۋنگەر، تۇرىك ءجۋرناليسى
- نەگە ەكەنىن بىلمەيمىن، تۇركيادا «مىڭ ءبىر ءتۇننىڭ» رەتينگىسى وتە جوعارى. تەلەتوپتامانىڭ فورماسى شىعىس حالىقتارىنا بەلگىلى «مىڭ ءبىر ءتۇن» حيقاياسىنان الىنعان. سەريالداعى جايلارعا قاراپ تۇركيانىڭ رۋحاني الەمى وسىنشاما قۇلدىراپ كەتىپتى دەۋگە بولمايدى. مىسالعا، كينو ماعان ۇناعان جوق. ايەلىم كورگىسى كەلىپ ەدى، كورسەتپەي قويدىم. ويتكەنى، «مىڭ ءبىر تۇندە» تۇركىلەرگە ءتان بولمىس-ءبىتىم كورىنبەيدى. ال، ءسىز سۇراعان سانانى جاۋلاۋ دەگەنگە كەلىسپەيمىن. رەسەيدىڭ، امەريكانىڭ، ءتىپتى وزدەرىڭىز ءسۇيىپ كورگەن ءۇندىنىڭ كينولارىن كورگەن كەزدە وسىنداي ماسەلە كوتەرىپ پە ەدىڭىزدەر؟ بالكىم، ادەتتەگىشە ەۆرەيلەر ىستەپ وتىرعان شىعار. ول جايىندا بىلمەگەن سوڭ، ەشتەڭە ايتا المايمىن.
ساعىن سەرىك
- كەيبىر قازاقتار «ورىسقا بودان بولعانشا، تۇرىكتىڭ شىلاۋىندا كەتكەنىمىز ارتىق» دەپ ەسەپتەيدى. قۇداي-اۋ، سوندا ءبىز بۇيداسىن ۇستاتقان بۇقا قۇرلى جۇلقىنباستان جەتەلەگەن جەتەككە ەرىپ جۇرە بەرۋىمىز كەرەك پە؟ تۇرىك كينولارىندا ءوز بالاسىن ءوز اكەسىنە جاۋ ەتىپ تاربيەلەيدى. ولار قازاقتىڭ بالالارىن اكەلەرىنە قارسى قويۋ ءۇشىن ەلىمىزدە جىل سايىن ءوز وقۋ ورىندارىن كوبەيتىپ جاتىر... تۇرىك ەكسپانتسياسى جىلدان-جىلعا ارتىپ كەلەدى. وعان دالەل - قاپتاعان تۇرىك تەلەحيقايالارى. جاس جەتكىنشەكتەرىمىز تۇرىكشە ويلاپ، تۇرىكشە ارەكەت ەتۋگە كوشكەن. ءبىزدىڭ سانا سەزىمىمىزگە ولار ءوز ءداستۇرىن، ءوز تاريحىن، ءوز ءتىلىن اقپارات قۇرالدارى ارقىلى سىنالاپ ءسىڭىرىپ جاتىر.
تۇرىكتىڭ قاي سەريالى بولماسىن قازاقتىڭ ساناسىن شىرماپ الدى. شىرماپ العانى سونشالىق ءبىزدىڭ جاستارىمىز ءوز ارتىستەرىمىزدەن گورى، سوناۋ قۇرلىقتىڭ ءبىر شەتىندە جاتقان تۇرىكتىڭ دۋدارباستارىن جاقسى تانيدى. سولارداي بولعىسى كەلەدى. بولعىسى كەلمەسە دە، جاستار نەنى كورسە سونى جاسايدى ەمەس پە؟. وعان تۇرىكتىڭ كينولارىنىڭ ىقپالى دا از ەمەس بولسا كەرەك. ءتىپتى، ينتەرنەت پاراقشالارىن پاراقتاساڭىز جاڭىلاسىز. مىسالعا، مىنا جازبالارعا كوز جىبەرىڭىز. «وسى سەريالدان كەيىن ونۋر مەن شەحريزات ءبىر-ءبىرىن جاقسى كورىپ قالىپتى. قازىر بىرگە تۇرىپ جاتىر ەكەن. بۇعان دەيىنگى ماحابباتتارىمەن ەكەۋى دە اجىراسىپ كەتىپتى» - دەيدى دوستارىمەن اڭگىمە دۇكەن قۇرعان اقزەرە اتتى قىز. «ونۋردىڭ سۇيگەنىنە دەگەن سەنىمسىزدىگى مەن شەحريزاتتىڭ كەرەكسىز كەزدە ۇستاپ قالاتىن تاكاپپارلىعى ۇنامايدى» دەپ ويىن بىلدىرەدى تاعى بىرەۋى. كۇندىز بويى اشىق تۇراتىن «مايل اگەنتىمە» 33 ادامنان ءماتىنى بىردەي حات كەلدى. حاتتىڭ ءماتىنى مىنانداي دەپ جازادى ارمان اتتى جىگىت. «ونۋردىڭ ماحابباتىن، شەحريزاتتىڭ شاپاعاتىن، كاننىڭ ەركەلىگىن، مەحريباننىڭ سابىرلىعىن، بانۋدىڭ سۇلۋلىعىن، كەرىمنىڭ كەمەسىن، بۋرحان مىرزانىڭ ءۇيىن، ناديدە حانىمنىڭ ميىن بەرسىن. وسىنى 7 ادامعا جىبەرسەڭ ماحابباتىڭ ونۋر مەن شەحريزاتتىكىندەي بولسىن، جىبەرمەسەڭ فۋسۋن مەن ءالي كەمالدىكىندەي بولسىن!». نە ءتۇيدىڭىز، اۋىزەكى تىلدەگى «ماحابباتتارىڭ تازى مەن قويانداي بولماسىن، قوزى مەن بايانداي بولسىن» دەمەۋشى مە ەدىك، بۇرىندارى.
«تۇرىكتىڭ سوزدەرى بىزگە ديالەكتى بولىپ بارادى. «قولىڭ دەرت كورمەسىن»، «قوش كەلدىڭ»، «قوش كوردىك»، «ەۆەت» نەمەسە «تامام» دەگەن سەكىلدى سوزدەردى قولدانىسقا ەنگىزىپ الدىق» دەپ قاپالانادى تاعى ءبىر جازارمان. ءبىر ازىلقوي قىز: «الدىندا ءبىر اپايىم، كۇيەۋىنە قاراپ، «بۋرحان مىرزا، نە ىستەيمىز؟» دەپ ەلدى دۋ كۇلدىرتتى عوي» - دەگەن ءازىل ەنگىزىپ قويىپتى... ەندى بىرەۋى تۇسىندە كورگەنىن جازسا، تاعى ءبىر كورەرمەن: «بىلەسىڭ بە، ول سەريالدا شەحرەزات پەن ونۋر قوسىلادى ەكەن. كورىكتى كەلىنشەك وزگە بىرەۋگە تۇرمىسقا شىعايىن دەپ جاتقاندا نەليۋفەر مەن كااندى جەتەلەپ ونۋر كەلەدى-ءمىس. سول ساتتە جاڭا كۇيەۋ وپ-وڭاي-اق «سەنىڭ وتباسىڭ اناۋ» دەپ باسىنا قونعالى تۇرعان باقىتىن ونۋرعا سىيلايدى-مىس» دەپ بولاشاققا كوز جىبەرىپتى. ءار وي ءبىر-بىرىمەن قابىسپايدى. بىراق، ءبارىنىڭ يلەگەنى ءبىر تەرىنىڭ پۇشپاعى.
راس. اقتىق سەريا بۇگىن بولادى. كىمنىڭ ساۋەگەيلىگى وڭىنان تۋاتىنىن دا بۇگىن اڭعارامىز. بىراق، ءبىز ءبىر نارسەنى اڭعارماپپىز. ءازىردىڭ وزىندە سانامىزدا تۇرىكتىك ءھام باتىستىق تۇسىنىك قالىپتاسىپ ۇلگەرىپتى. وكىنىشتى.
ءتۇيىن:
ارنالاردى تۇرىك پەن كورەيدىڭ تەلەتوپتامالارى تولىقتاي جاۋلاپ ۇلگەردى. كەش باتا جارىققا اسىق كوبەلەكتەي قارا قوبديشاعا قاۋمالايمىز. «كەشەگى كۇرمەۋلى تۇستان ارى قاراي نە بولادى ەكەن؟» دەگەن وي سانامىزدا دوڭبەكشيدى. ءبىز وسىدان نە ۇتتىق؟ نەنى ۇتقىزدىق؟ بىلمەيمىز. بىلەتىنىمىز - تاعى دا تۇرىكتىڭ كينوسىن كورەتىنىمىز. ال، ودان الارىمىز بەن الماسىمىزدى بولجامدايتىن ءبىز ەمەسپىز. سوقىر تاۋىققا ءبارى جەم...
بەيبىت نۇرساپا
