«اق جول» پارتياسى: مەملەكەتىمىزدى «قازاق ەلى» دەپ اتاۋ – تاريحي زاڭدىلىق!
«اق جول» پارتياسى ورتالىق كەڭەس پرەزيديۋمىنىڭ
ۇندەۋى
قازاقستان رەسپۋبليكاسى پرەزيدەنتى نۇرسۇلتان نازارباەۆ اتىراۋ وبلىسىنا بارعان ساپارىندا قازاقستان رەسپۋبليكاسى اتاۋىن "قازاق ەلى" دەپ وزگەرتۋ تۋرالى ءوز ويىن ءبىلدىردى. ء«بىز مەملەكەتىمىزدىڭ اتىن “قازاق ەلى” دەپ وزگەرتۋىمىز كەرەك شىعار دەپ ويلايمىن. ارينە، مىندەتتى تۇردە حالىقپەن اقىلداسۋ كەرەك. «قازاق ەلى» دەگەن اتاۋعا كوشۋىمىز كەرەك. بۇل - ماڭگىلىك ەل بولۋ دەگەن اتا-بابامىزدىڭ ارمانى. كوك تاسقا جازىپ كەتكەن تۇرىك بابالارىمىزدىڭ ارمانى!– دەگەن بولاتىن ەلباسى. سونىمەن قاتار مەملەكەت باسشىسى ەلىمىز بىرلىك پەن تولەرانتتىلىقتى ساقتاي وتىرىپ، بارلىق ماقساتتارعا جەتەتىنىن اتاپ ايتتى.
ەلباسىنىڭ بۇل وتە ماڭىزدى ويى كەيبىرەۋلەر ايتقانداي، اياق استىنان شىققان جوق. ەل كۇتكەن اتاۋ 2012 جىلى تاۋەلسىزدىك مەرەكەسىنە وراي جاسالعان جولداۋىندا جاريالانعان "قازاقستان ستراتەگياسى"-2050 باعدارلاماسىندا العاش ايتىلعان ەدى. ء«بىز، بولاشاقتا ەلىمىزدى قازاق مەملەكەتى دەپ اتايتىن بولامىز» - دەگەن ەدى سوندا نۇرسۇلتان نازارباەۆ.
«اق جول» پارتياسى ورتالىق كەڭەس پرەزيديۋمىنىڭ
ۇندەۋى
قازاقستان رەسپۋبليكاسى پرەزيدەنتى نۇرسۇلتان نازارباەۆ اتىراۋ وبلىسىنا بارعان ساپارىندا قازاقستان رەسپۋبليكاسى اتاۋىن "قازاق ەلى" دەپ وزگەرتۋ تۋرالى ءوز ويىن ءبىلدىردى. ء«بىز مەملەكەتىمىزدىڭ اتىن “قازاق ەلى” دەپ وزگەرتۋىمىز كەرەك شىعار دەپ ويلايمىن. ارينە، مىندەتتى تۇردە حالىقپەن اقىلداسۋ كەرەك. «قازاق ەلى» دەگەن اتاۋعا كوشۋىمىز كەرەك. بۇل - ماڭگىلىك ەل بولۋ دەگەن اتا-بابامىزدىڭ ارمانى. كوك تاسقا جازىپ كەتكەن تۇرىك بابالارىمىزدىڭ ارمانى!– دەگەن بولاتىن ەلباسى. سونىمەن قاتار مەملەكەت باسشىسى ەلىمىز بىرلىك پەن تولەرانتتىلىقتى ساقتاي وتىرىپ، بارلىق ماقساتتارعا جەتەتىنىن اتاپ ايتتى.
ەلباسىنىڭ بۇل وتە ماڭىزدى ويى كەيبىرەۋلەر ايتقانداي، اياق استىنان شىققان جوق. ەل كۇتكەن اتاۋ 2012 جىلى تاۋەلسىزدىك مەرەكەسىنە وراي جاسالعان جولداۋىندا جاريالانعان "قازاقستان ستراتەگياسى"-2050 باعدارلاماسىندا العاش ايتىلعان ەدى. ء«بىز، بولاشاقتا ەلىمىزدى قازاق مەملەكەتى دەپ اتايتىن بولامىز» - دەگەن ەدى سوندا نۇرسۇلتان نازارباەۆ.
ەلىمىز ءۇشىن وتە ماڭىزدى وي ەندى ءورىسىن تاۋىپ، «قازاق ەلى» دەگەن اتاۋمەن ەل تالقىسىنا ءتۇسىپ وتىر. سوناۋ باعزى زامانداعى كوك تۇرىك بابالارىمىزدىڭ كوك تاسقا قاشاپ قالدىرعان ارمانى «ماڭگىلىك ەل» يدەياسىن دا ەلباسىمىز جاقىندا قازاقستان حالقىنا جاساعان بيىلعى جولداۋىندا جاريالادى. ەندى مەملەكەت باسشىسىنىڭ ەل اتاۋىن «قازاق ەلى» دەپ وزگەرتۋ تۋرالى ۇسىنىسىن «ماڭگىلىك ەل» يدەياسىنىڭ جارقىن قادامى رەتىندە باعالايمىز. سوندىقتان دا بۇل ۇسىنىستى تار جول-تايعاق كەشۋدەن وتكەن تاۋەلسىز ەلىمىزدىڭ شەرلى شەجىرەسىن جاقسى بىلەتىن وزىق ويلى ازاماتتاردىڭ ءبارى، جالپى حالىقتىڭ باسىم كوپشىلىگى قولداۋدا. بۇل – ەلباسى ۇسىنىسىنىڭ ۇلتتىق نەگىزدىلىگى مەن ەلدىك ماڭىزدىلىعىن بىلدىرسە كەرەك.
ۇلتتىق يدەياسى مەن ارمانى بۇگىنگى تاۋەلسىز قازاق مەملەكەتى بولعان الاشوردا ۇكىمەتى دە وسىدان ءجۇز جىلداي بۇرىن: «ارعى اتام ەر تۇرىك، ءبىز قازاق ەلىمىز» - دەپ ۇرانداعان بولسا، ەندى ءبىز ءوز تىزگىنىمىزگە ءوزىمىز يە بولعاندا نەگە مەملەكەتىمىزدى «قازاق ەلى» دەپ اتاماۋىمىز كەرەك؟ ال «الاش» پارتياسىنىڭ بۇگىنگى ءىزباسارى بولىپ تابىلاتىن «اق جول» دەموكراتيالىق پارتياسى دا، بارلىق ساياسي پارتيالاردىڭ ىشىندە ەڭ ءبىرىنشى بولىپ قابىلداعان «قازاقستان رەسپۋبليكاسىنىڭ 2011-2020 جىلدارعا ارنالعان جاڭا ۇلتتىق ساياسات تۇجىرىمداماسىندا» دا «قازاق رەسپۋبليكاسى» دەپ اتاۋ كەرەكتىگىن اتاپ كورسەتكەن بولاتىن.
كەشەگى كەڭەس يمپەرياسى كەزىندە دە، ەل اتىندا «ستان» جالعاۋى بولعان جوق. «قازاق سوۆەتتىك سوتسياليستىك رەسپۋبليكاسى» دەپ اتالدى. 1991 جىلى «سوۆەتتىك سوتسياليستىك» اتاۋى تاريحتان وشكەندە «قازاق رەسپۋبليكاسى» بولىپ قالۋى كەرەك ەدى... كەتكەن قاتەلىكتى جوندەۋ ەندى ءبىزدىڭ ەنشىمىزدە.
ارينە، قالىپتاسقانشا «قازاقستان» اتاۋى اۋىزەكى تۇردە ايتىلا بەرسە، تيىم سالىنباc. بىراق رەسمي تۇردە مەملەكەتتىڭ اتىنا سول مەملەكەتتىڭ نەگىزىن قۇرايتىن ۇلتتىڭ اتىن قايتارۋ – اتا-بابالارىمىزدىڭ ارۋاعى الدىندا ءبىزدىڭ قاسيەتتى بورىشىمىز جانە بولاشاق ۇرپاقتارىمىزعا ۇلگى بولماق.
بۇنداي مەملەكەت اتىن وزگەرتۋ الەمدە تالايدان ورىن الىپ كەلە جاتقان جايت دەۋگە بولادى. جالپى ەل كەمەلدەنىپ، كەلەشەگىن ايقىنداعان سايىن جاڭارىپ، وزگەرىپ وتىراتىنى تابيعي دا، تاريحي دا زاڭدىلىق. بۇگىنگە دەيىن الەمدە 55 مەملەكەت اتاۋىن وزگەرتكەنى بەلگىلى بولىپ وتىر.
سونىمەن، ءسوزدىڭ ءتۇيىنى - "اق جول" قازاقستاننىڭ دەموكراتيالىق پارتياسى ەلباسىنىڭ باستاماسىن قولدايدى. ال حالىق "قازاق ەلى" مەن "قازاق رەسپۋبليكاسى" اتاۋىنىڭ ءبىرىن تاڭداۋى كەرەك دەپ ويلايمىز.
ەل اتى تۇزەلگەسىن، ونىڭ حالىقارالىق ارەنادا تۋرا جازىلۋىنا دا باسا نازار اۋدارۋ كەرەك. وسى ۋاقىتقا دەيىن جازىلىپ جۇرگەندەي، مەملەكەتتىڭ اتاۋى تىكەلەي شەت ءتىلى - ورىس تىلىنەن - «كازاحستان» دەگەن سوزدەن اۋدارىلىپ- "Kazakhstan" ەمەس، «Qazaq eli»" دەپ نەمەسە "Republic of Qazaq " دەپ جازىلۋى كەرەك. ويتكەنى قازاقتىڭ "ق" ءارپى اعىلشىن تىلىنە اۋدارىلعاندا "Q" ارپىمەن جازىلاتىنى انىق.
ەندى ەلباسىمىز ەل كوكەيىندەگى تاڭداۋدى تاپ باسىپ، ۇلتتىق مۇددە تۇرعىسىنان باستاما كوتەرىپ جاتقاندا، حالقىمىز قۇقىقتىق نەگىزدە ناقتى ءبىر شەشىم جاساۋى كەرەك دەپ بىلەمىز.
«اق جول» پارتياسى كوزقاراستارىنىڭ ارتۇرلىلىگىنە قاراماي، بارلىق ساياسي پارتيالار مەن ءتۇرلى قوعامدىق ۇيىمداردى، جالپى قازاق ەلى حالقىن ۇلتتىق مۇددەمىزدى ۇلىقتاعان ەلباسى باستاماسىن قولداۋعا شاقىرادى.
«اق جول» پارتياسى وك پرەزيديۋمىنىڭ ۇندەۋىن قولداۋشىلار ءتىزىمى:
ا. پەرۋاشەۆ، ە. نيكيتينسكايا، ن. جازىلبەكوۆ، م. قازبەكوۆا، س. قادراليەۆا، ت. ەرعاليەۆ، ا. تۇرتاەۆ، ا. ابىلداەۆ، س.بايدالى، ءا. سۇلتانوۆ، ب. دۇيسەمبينوۆ، ق. يسا، ە. بارلىباەۆ، ب. وتەپباەۆ، ا. ورمان، ت. قۇرمانعاليەۆ، ج. ماتاەۆ، ا. سادىقوۆ، ە.يۋسۋپوۆ، ب.مومىشەۆ، س. مەرعاليەۆ، م. بەركاليەۆ، ءو. ساتمۇحامبەتوۆ، س. تۇرعىنبەكۇلى، ي. يساەۆ، م. كەنجەعالي، ءا. سۇلتانبەكوۆ، و. سارسەنبين، ق. الىمباەۆ، ا. راحات، ق. قانتارباەۆ، ا. سوپبەكوۆ، ج. وماروۆ، ءا. تولىباەۆ، ءا. جيەنبەكوۆا، ق. تۇرلىبەك، م. ساپارباەۆ، ن. ابىلداەۆ، س. نۇرباەۆ، ب.تاناتوۆ، گ. ايزباەۆا، ج. جاناباي، ت. بولەك، ۇ. قۋاتوۆ، ق. جانۇزاقوۆ، ق .بەكماعامبەتوۆ، ق. ساتەنوۆ، ا. ەسماحانوۆ، د. بولەك، ر. سەيسەنباەۆا، س. حابيبۋلينا، م. تولەگەنوۆ، ق. دىلداباەكوۆ، ا. ابيكەنوۆ، ن. مەدرەسوۆ، ا. كاريموۆ، ءا. عابدۋللين، ق. سيسەنباەۆ، ج. دوسپاەۆ، ق. ەسەنعاليەۆ، ا. مىرزاەۆ، ا. جۇمساقوۆ، ك. جامپيسوۆ، گ. كونكاشەۆا، ز. ءابىلحايىروۆ، ا. جۇماعۇلوۆ، س. ەرۋباەۆ، ءا. تولەۋىشوۆ.
Abai.kz
