جەتىسۋ وڭىرىندە 4 مىڭنان استام تۇرعىن قونىس تويىن تويلايدى. سونىڭ ناتيجەسىندە ءۇي كەزەگىندە تۇرعاندار سانى 14 پايىزعا ازايادى. بيىل وبلىستا 350 مىڭ شارشى مەترگە جۋىق تۇرعىن ءۇيدى پايدالانۋعا بەرۋ جوسپارلانعان، – دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

بيىل 8 ايدا وبلىستا 150,2 مىڭ شارشى مەتر تۇرعىن ءۇي پايدالانۋعا بەرىلگەن. بۇل تۇرعىن ۇيلەردىڭ 43%-ىن قۇرايدى. سونداي-اق، حالىقتىڭ الەۋمەتتىك وسال توپتارىنان كەزەكتە تۇرعاندار ءۇشىن 866 جالدامالى پاتەر ساتىپ الۋعا 13,4 ملرد. تەڭگە ءبولىندى. «سامۇرىق-قازىنا» اق ەسەبىنەن 560 پاتەرلىك 9 تۇرعىن ءۇي سالىنۋدا. ناتيجەسىندە جىل سوڭىنا دەيىن 4 مىڭ 117 تۇرعىن ءۇي پايدالانۋعا بەرىلەدى. بۇل وڭىردەگى تۇرعىن ءۇي كەزەگىن 14 پايىزعا قىسقارتادى.

باسپانالى بولىپ، قونىستوي تويلايتىن تۇرعىندار قاتارىن سارىوزەكتىكتەر دە تولىقتىرۋدا. سارىوزەك اۋىلىندا 60 پاتەرلىك جالعا بەرىلەتىن تۇرعىن ءۇي حالىق يگىلىگىنە بەرىلدى.

كەربۇلاق اۋدانىنىڭ تۇرعىنى، بەس بالانىڭ ونىڭ ىشىندە ءبىرى ەرەكشە كۇتىمدى قاجەت ەتەتىن بالانىڭ اناسى تاتيانا كۋزينا ءوز قۋانىشىمەن ءبولىستى.

– باسپانالى بولعانىما، قولىما پاتەر كىلتىن ۇستاپ تۇرعانىما ءالى دە سەنە الار ەمەسپىن. وسى ءساتتى وتە كوپ كۇتتىم. 8 جىل كەزەكتە تۇردىق. قازىر ءوز ءۇيىمىز بار. بۇل وتباسىمىز ءۇشىن ۇلكەن باقىت. ءۇش بولمەلى پاتەرىمىز جارىق، كەڭ. ەندى بالالارىم دا الاڭسىز جۇرەتىن بولدى، – دەيدى كوپبالالى انا.

سارىوزەك اۋىلىنىڭ تاعى ءبىر مۇمكىندىگى شەكتەۋلى بالا تاربيەلەپ وتىرعان تۇرعىنى ءوز ريزاشىلىعىن ءبىلدىردى.

– ەرەكشە كۇتىمدى قاجەت ەتەتىن بالام بار. 2015 جىلدان بەرى كەزەكتە تۇرامىز. جالدامالى پاتەردە كوشىپ-قونىپ ءجۇرۋ بىزگە اۋىر ءتيدى. مىنە، بۇگىن كوپتەن كۇتكەن پاتەرگە قول جەتكىزدىك. ۇلىمنىڭ ءوز بولمەسى بولادى. قازىرگى قۋانىشىمدى، باقىتىمدى سوزبەن ايتىپ جەتكىزۋ مۇمكىن ەمەس. ءار شاڭىراققا وسىنداي قۋانىش ءناسىپ ەتسىن، – دەگەن گۇلميرا قاسىموۆا ەل اعالارىنا انالىق العىسىن ءبىلدىردى.

كەربۇلاق اۋدانى اكىمدىگىنىڭ مالىمەتىنشە، مەملەكەتتىك تۇرعىن ءۇي قورىنان باسپانا الۋ كەزەگىندە 1620-دان استام ازامات تىركەلگەن. بۇگىنگى تاڭدا اۋداندا پايدالانۋعا بەرىلگەن 60 پاتەرلى تۇرعىن ۇيدەن بولەك، بيىل حالىقتىڭ الەۋمەتتىك جاعىنان وسال ساناتىنداعى تاعى 100 وتباسى باسپانالى بولماق. ولار ءۇشىن اۋداننىڭ ءار اۋىلدىق وكرۋگتەرىنەن جاڭا جەكە ۇيلەر ساتىپ الىنۋدا. قازىرگى تاڭدا 17 ءۇي ساتىپ الىندى. تاعى 50 ءۇيدى قازان ايىندا، قالعان 33 ءۇيدى قاراشا ايىندا الۋ جوسپارلانۋدا. وسىلايشا، جىل سوڭىنا دەيىن اۋداندا تۇرعىن ءۇي كەزەگى 4,4 پايىزعا قىسقارادى. ياعني، باسپانا كەزەگىندەگى ادامدار سانى 1 467 ادامعا دەيىن ازايادى. سونىمەن قاتار، جىل سوڭىنا دەيىن اۋداندا تاعى ەكى 60 پاتەرلى تۇرعىن ءۇيدىڭ قۇرىلىسىن اياقتاۋ جوسپارلانۋدا. «سامۇرىق-قازىنا» اق قاراجاتى ەسەبىنەن سالىنىپ جاتقان جالگەرلىك ءۇيى. ال ەكىنشىسى – توزىعى جەتكەن ۇيلەردىڭ تۇرعىندارى ءۇشىن جوسپارلى تۇردە اتقارىلۋدا.

ايتا كەتەيىك، بۇگىن پايدالانۋعا بەرىلگەن كوپقاباتتى ءۇيدىڭ قۇرىلىسى وتكەن جىلدىڭ ءساۋىر ايىندا باستالعان. بەس قاباتتى عيماراتتا 3 بولمەلى 30, 1 جانە 2 بولمەلى 15 پاتەر بار. تۇرعىن ءۇي زاڭناماسىنا سايكەس باسپانالى بولعانداردىڭ ىشىندە 20%-ى جەتىم بالالار. قالعان قۋانىش يلەرى ءوز كەزەگىمەن زاڭ تالاپتارى بويىنشا پاتەرلى بولدى.

جەتىسۋ وبلىسى اكىمىنىڭ ءباسپاسوز قىزمەتى