5 ناۋرىزدا ابايدىڭ مەملەكەتتىك قورىق-مۇراجايىندا مەملەكەت جانە قوعام قايراتكەرى، زاڭگەر، قازاقتان شىققان تۇڭعىش ادۆوكات، الاشتىڭ ازاماتى رايىمجان مارسەكۇلىنىڭ تۋعانىنا 135 جىل تولۋىنا ارنالعان «الاشتىڭ ارداقتىسى – رايىمجان» اتتى ادەبي-تانىمدىق كەش ءوتتى.

رايىمجان مارسەكۇلى بۇكىل سانالى عۇمىرىن الاشتىڭ مۇڭىن جوقتاۋعا، قازاقتىڭ رۋحىن كوتەرىپ، بەدەلىن ارتتىرۋعا ارناپ، تۋعان جەر تۇتاستىعى مەن ەل بىرلىگىن ساقتاۋعا وزىندىك ۇلەس قوسقان ادام.

الاشتىڭ اسا كورنەكتى قايراتكەرى، زاڭگەر عالىم قازاق حالقىنىڭ تەڭدىگىن، ەلىنىڭ ەگەمەندىگىن اڭساعان رايىمجان مارسەكۇلى الاش پارتياسى مەن الاشوردا ۇكىمەتىنە جان-تانىمەن قىزمەت ەتتى.

كەش بارىسىندا تاريح عىلىمدارىنىڭ كانديداتى، پروفەسسور، م.قوزىباەۆ اتىنداعى تاريحي-زەرتتەۋلەر ورتالىعىنىڭ ديرەكتورى م.قارپىقوۆ، اباي اتىنداعى امبەباپ كىتاپحاناسىنىڭ سيرەك باسىلىمدار قورىنىڭ مەڭگەرۋشىسى ج.ادىلبەكقىزى ر.مارسەكۇلى تۇلعاسىن جان-جاقتى تانىستىراتىن باياندامالار وقىدى.

         كەشتىڭ قۇرمەتتى قوناقتارى قاتارىندا الاش ارداقتىسىنىڭ ۇرپاقتارى كاكىمجان حاجەنۇلى، سارا تولەگەنقىزى دا بولىپ، وزدەرىنىڭ اتالارى تۋرالى كەش ۇيىمداستىرىپ وتىرعان مۇراجاي ۇجىمىنا العىستارىن ءبىلدىردى.

5 ناۋرىزدا ابايدىڭ مەملەكەتتىك قورىق-مۇراجايىندا مەملەكەت جانە قوعام قايراتكەرى، زاڭگەر، قازاقتان شىققان تۇڭعىش ادۆوكات، الاشتىڭ ازاماتى رايىمجان مارسەكۇلىنىڭ تۋعانىنا 135 جىل تولۋىنا ارنالعان «الاشتىڭ ارداقتىسى – رايىمجان» اتتى ادەبي-تانىمدىق كەش ءوتتى.

رايىمجان مارسەكۇلى بۇكىل سانالى عۇمىرىن الاشتىڭ مۇڭىن جوقتاۋعا، قازاقتىڭ رۋحىن كوتەرىپ، بەدەلىن ارتتىرۋعا ارناپ، تۋعان جەر تۇتاستىعى مەن ەل بىرلىگىن ساقتاۋعا وزىندىك ۇلەس قوسقان ادام.

الاشتىڭ اسا كورنەكتى قايراتكەرى، زاڭگەر عالىم قازاق حالقىنىڭ تەڭدىگىن، ەلىنىڭ ەگەمەندىگىن اڭساعان رايىمجان مارسەكۇلى الاش پارتياسى مەن الاشوردا ۇكىمەتىنە جان-تانىمەن قىزمەت ەتتى.

كەش بارىسىندا تاريح عىلىمدارىنىڭ كانديداتى، پروفەسسور، م.قوزىباەۆ اتىنداعى تاريحي-زەرتتەۋلەر ورتالىعىنىڭ ديرەكتورى م.قارپىقوۆ، اباي اتىنداعى امبەباپ كىتاپحاناسىنىڭ سيرەك باسىلىمدار قورىنىڭ مەڭگەرۋشىسى ج.ادىلبەكقىزى ر.مارسەكۇلى تۇلعاسىن جان-جاقتى تانىستىراتىن باياندامالار وقىدى.

         كەشتىڭ قۇرمەتتى قوناقتارى قاتارىندا الاش ارداقتىسىنىڭ ۇرپاقتارى كاكىمجان حاجەنۇلى، سارا تولەگەنقىزى دا بولىپ، وزدەرىنىڭ اتالارى تۋرالى كەش ۇيىمداستىرىپ وتىرعان مۇراجاي ۇجىمىنا العىستارىن ءبىلدىردى.

سونىمەن قاتار كەشتە ءا.قاشاۋباەۆ اتىنداعى مەملەكەتتىك فيلارمونيانىڭ ءانشىسى گ.ەرۋوۆا، اباي اتىنداعى درامالىق تەاتردىڭ ءارتيسى م.سىدىقوۆ ابايدىڭ اندەرىن شىرقاپ، ر.مارسەكۇلىنىڭ «قازاق قايدا بارا جاتىر؟» اتتى ماقالاسىنان ءۇزىندى وقىلدى.

وسى شاراعا قالامىزدىڭ زيالى قاۋىم وكىلدەرى، ستۋدەنتتەر، تاريحشى عالىمدار قاتىستى.

اعا عىلىمي قىزمەتكەر - يبراگيموۆا

اباي-اقپارات