102 جاستاعى كەيۋانا داۋىس بەردى
پانفيلوۆ اۋدانى، جاركەنت قالاسىنىڭ تۇرعىنى زەينەلحان وسپانوۆا ەلىمىز ءۇشىن اسا ماڭىزدى كۇندە قالاداعى داۋىس بەرۋ ۋچاسكەسىنە ءوزى كەلىپ، تاڭداۋىن جاسادى.
12 قۇرساق كوتەرگەن اجە قارتتىعىنا قاراماستان ەلىمىزدەگى ءار ساياسي وقيعادا بەلسەندىلىك تانىتادى.
– جاسىم 102-گە كەلدى. مەن رەفەرەندۋمدا پرەزيدەنت سايلاۋىندا دا ءوزىم كەلىپ داۋىس بەرگەنمىن. بۇگىن مىنە تاعى دا كەلدىم. بۇگىنگى ماڭىزدى كۇندە داۋىسىمىزدىڭ اسا قۇندى، پىكىرىمىزدىڭ التىننان قىمبات ەكەندىگىن ۇمىتپاساق يگى ەدى. سەبەبى حالىق مەملەكەتتىڭ باستى قوزعاۋشى كۇشى، – دەپ كەيۋانا باتاسىن بەردى.
Abai.kz
