«قازاقستان-2023» ارۋى ءسابينا ىدىرىسوۆا، «الەم ارۋى قازاقستان-2023» ءمادينا ءالمۇحانوۆا جانە «الماتى ارۋى-2024» ەلدانا ساۋرانباەۆا قازاقستاندا اتوم ەلەكتر ستانتسياسىن سالۋ بويىنشا رەفەرەندۋمعا قاتىستى.

قىزدار سايلاۋ ۋچاسكەلەرىنە ءتاج كيىپ، لەنتاسىن تاعىپ كەلدى. ولار رەفەرەندۋمنىڭ ماڭىزدىلىعىن اتاپ ءوتىپ، ۇستانىمىن ءبىلدىرۋ ازاماتتىق جاۋاپكەرشىلىكتىڭ ماڭىزدى بولىگى ەكەنىن ايتتى.

«بۇگىن قابىلداعان ءاربىر شەشىمىمىز بولاشاعىمىزعا اسەر ەتەتىنىنە سەنەمىن. جاس بۋىن وكىلى رەتىندە ەلىمىزدىڭ بولاشاعىنا قاتىسۋىمىز كەرەك دەپ ويلايمىن. رەفەرەندۋم قوعامدى جاقسىلىققا ۇمتىلۋدا بىرىكتىرەتىن ماڭىزدى وقيعاعا اينالدى»، – دەدى ءسابينا ىدىرىسوۆا №295 ۋچاسكەدە داۋىس بەرگەننەن كەيىن.

«الەمدى ارالاپ، سۇلۋلىق بايقاۋلارىنا قاتىسقان كەزدە ءتۇرلى ەلدەردىڭ ماسەلەنى قالاي شەشەتىنىن كوردىم. بىزدە بولاشاعىمىزعا اسەر ەتۋگە مۇمكىندىك بار، مەن بارلىق تۇرعىنداردى وسى مۇمكىندىكتى پايدالانادى دەپ ۇمىتتەنەمىن»، - دەدى ءمادينا ءالمۇحانوۆا.

«رەفەرەندۋم – ازاماتتىق بورىشىمىزدى كورسەتۋدىڭ مۇمكىندىگى. ءبىز سۇلۋلىق بايقاۋلارىنا قاتىسۋشىلار رەتىندە ەلدەگى بارلىق ازاماتتىڭ ءومىرىن جاقسارتۋعا جانە قازاقستاننىڭ بولاشاعىنا وڭ وزگەرىستەر ەنگىزۋگە ىقپال ەتەتىن باستامالاردى قولدايمىز»، - دەپ سانايدى ەلدانا ساۋرانباەۆا.

ەسكە سالا كەتەيىك، بۇگىن قازاقستاندا اەس سالۋ جونىندەگى رەسپۋبليكالىق رەفەرەندۋم ءوتىپ جاتىر. قالا باسشىسى ەربولات دوساەۆ جۇبايىمەن بىرگە №388 مەكتەپ-ليتسەيىندەگى سايلاۋ ۋچاسكەسىنە العاشقىلاردىڭ ءبىرى بولىپ كەلىپ، داۋىس بەردى. الماتى تۇرعىندارى سايلاۋ ۋچاسكەلەرىنە بارىپ، ساعات 20:00-گە دەيىن داۋىس بەرە الادى.

Abai.kz