قر ۇكىمەتىنىڭ 2022 جىلعى 18 قازان № 833 قاۋلىسىمەن «24 قازان- كىتاپحاناشىلار كۇنى» بولىپ بەكىتىلگەنى ايان. وسى مەرەكەگە وراي، كىتاپحاناشى ماماندىعىنىڭ ءيميدجىن كوتەرۋ جانە ونى كاسىبي ارەنادا ىنتالاندىرۋ ماقساتىندا 29-قازان كۇنى  جەتىسۋ وبلىسىنىڭ ساكەن سەيفۋللين اتىنداعى ورتالىق كىتاپحاناسىنىڭ ۇيىمداستىرۋىمەن د. راقىشەۆ اتىنداعى فيلورمونياسىنىڭ عيماراتىندا «كىتاپحاناشى-مارتەبەلى ماماندىق» تاقىرىبىندا  كىتاپحاناشىلار كۇنى مەرەكەسى اتالىپ  ءوتىلدى.

«كىتاپ-كىتاپحانا-كىتاپحاناشى» تامىرى ءبىر بايتەرەكتەن تارالعانداي بۇل ءۇش سوزدە ۇلكەن رۋحاني ءمان جاتىر. مەملەكەت باسشىسى ق. توقاەۆتىڭ ءوزى «بۇگىنگى زاماندا كىتاپسىز، سونداي-اق كىتاپحاناسىز ادامنىڭ ويداعىداي دامۋى مۇمكىن ەمەس. بۇكىل الەمدەگى كىتاپحانالار - ءبىلىم مەن مادەنيەتتىڭ وشاعى، جاڭا ويلار مەن تىڭ پىكىرلەردىڭ مەكەنى. ەلەكتروندى فورماتتىڭ قارقىندى دامىپ جاتقانىنا قاراماستان ءداستۇرى كىتاپحانانىڭ اعارتۋشىلىق ءرولى ەشقاشان ءمانىن جوعالتپايدى»، - دەپ كىتاپحاناعا باعا بەردى.

بۇل يگى شاراعا بۇگىنگى جاھاندانۋ داۋىرىندە وقىرمان مەن قازىنالى كىتاپتىڭ التىن كوپىرىندەي بولىپ، رۋحانيات ءۇشىن تەڭىزگە تامعان تامشىداي ۇلەس قوسىپ كەلە جاتقان بارشا زيالى قاۋىم، كىتاپحاناشىلار باس قوستى.

سالتاناتتى كەشتىڭ العاشقى قۇتتىقتاۋ ءسوزىن العان جەتىسۋ وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى قۋانىش سۇلتانۇلى سۇلەيمەنوۆ حالىق يگىلىگى جولىنداعى ۇلتتىق رۋحاني قۇندىلىقتاردى ساقتاپ دارىپتەۋدە جانە مادەنيەت پەن ءتۇرلى سالالىق اقپاراتتارعا قولجەتىمدى ەتۋ ماقساتىندا ايانباي ەڭبەك ەتىپ جۇرگەن كىتاپحاناشىلاردى قۇتتىقتاپ ىزگى تىلەگىن ءبىلدىردى.

مەرەكەدە كىتاپحانا ءىسىنىڭ دامۋىنا قوسقان زور ۇلەسى مەن جەكە ەڭبەك جانە شىعارماشالىق ۇلەستەرى ءۇشىن الاكول اۋداندىق كىتاپحاناسىنىڭ كىتاپحاناشىسى ساعاتحان دۇيسەنباەۆا قر مادەنيەت جانە اقپارات ءمينيسترىنىڭ «مادەنيەت سالاسىنىڭ ۇزدىگى» توسبەلگىسىمەن ماراپاتتالدى. الاكول اۋداندىق كىتاپحاناسىنىڭ كىتاپحاناشىسى فەرۋزا توحتاسۋنوۆا مەن پانفيلوۆ اۋداندىق كىتاپحاناسىنىڭ ادىسكەرى باعلان نۋرۋموۆاعا «قۇرمەت» گراموتاسى بەرىلسە،«العىس» حاتىمەن اقسۋ اۋداندىق بالالار كىتاپحاناسىنىڭ مەڭگەرۋشىسى ابدراحمانوۆا باكىتگۋلگە تابىستالدى.

جەتىسۋ وبلىسىنىڭ ساكەن سەيفۋللين اتىنداعى ورتالىق كىتاپحاناسىنىڭ ۇيىمداستىرۋىمەن جىلدىق جوسپارعا سايكەس ءار ءتۇرلى بايقاۋ قورتىندىسىنىڭ نوميناتسيا جەڭىمپازدارى «كوشباسشى كىتاپحانا-2024» اقسۋ اۋداندىق كىتاپحاناسى بولسا، «ۇزدىك ارداگەر كىتاپحاناشى» پانفيلوۆ اۋداندىق كىتاپحناسىنىڭ كىتاپحاناشىسى كۋدايكۋلوۆا شيكەر، «ۇزدىك جاس كىتاپحاناشى» كوكسۋ اۋداندىق كىتاپحاناسىنىڭ كىتاپحاناشىسى بەكباتىر ماليكا،«ۇزدىك بالالارعا ارنالعان جوبا» بويىنشا تالدىقورعان قالالىق بالالار كىتاپحاناسى، «ۇزدىك جىل ادىسكەرى» پانفيلوۆ اۋداندىق كىتاپحاناسىنىڭ ادىسكەرى يليماحۋنوۆا كەنجەحان،«ۇزدىك ءىت مامانى» كوكسۋ اۋداندىق كىتاپحاناسىنىڭ باعدارلاماشىسى كاراۋلوۆ ماقسات، «ۇزدىك بيبليوگراف» اقسۋ اۋداندىق كىتاپحاناسىنىڭ بيبليوگرافى تۇرسىنقىزى گۇلشات ساحنا تورىنە كوتەرىلىپ، اقشالاي جانە ارنايى ستاتۋەتكا تابىستالدى.

جەتىسۋ وبلىسى اكىمىنىڭ مەرەكە قارساڭىندا كىتاپحانا ءىسىنىڭ دامۋىنا قوسقان زور ۇلەسى مەن جەكە ەڭبەك جانە شىعارماشالىق ۇلەستەرى ءۇشىن، كوپ جىل وسى سالادا ەڭبەك ەتىپ جۇرگەن كەربۇلاق اۋداندىق كىتاپحاناسى ديرەكتوردىڭ ورىنباسارى مۇيتۋنوۆا تۇرسىنكۇلگە، جاركەنت قالالىق كىتاپحاناسىنىڭ كىتاپحاناشىسى كايراكوۆا ساۋلەگە «قۇرمەت»گراموتاسى جانە الاكول اۋداندىق كىتاپحاناسىنىڭ كىتاپحاناشى نۋسيپوۆا جادىراعا جانە كەربۇلاق اۋدانى تالدىبۇلاق اۋىلدىق كىتاپحاناسىنىڭ مەڭگەرۋشىسى ۋساباەۆا نۇرقايراتقا «العىس» حاتى تاپسىرىلدى.

قىزىعى مەن قيىنشىلىعى قاتار جۇرەتىن كىتاپحاناشى ماماندىعى تۋرالى ءبىر اۋىز سوزبەن جەتكىزۋ مۇمكىن ەمەس. كىتاپحاناشى بۇگىندە تەك قانا وقىرمانعا كىتاپ بەرىپ قانا قويماي، كوپتەگەن ماڭىزدى جۇمىستاردى اتقاراتىندىعىن،كىتاپ پەن كىتاپحانانى، ۇلتتىق قۇندىلىقتار مەن وقىرمان اراسىن جالعاستىرۋشى دا كىتاپحاناشىلار بۇگىنگى قوعامعا ەڭ قاجەت ماماندىق يەسى بولىپ تابىلاتىندىعىن ايتا كەلە جەتىسۋ وبلىسىنىڭ مادەنيەت، ارحيۆتەر جانە قۇجاتتاما باسقارماسى باسشىسى قۋانىش سۇلتانۇلى ءوز اتىنان «قۇرمەت» گراموتاسى» مەن «العىس» حاتتارىمەن 7 قىزمەتكەردى ماراپاتتادى.

كىتاپحاناشى ماماندار وزدەرىنىڭ كۇندەلىكتى تىڭعىلىقتى ەڭبەگىمەن شەكتەۋسىز اقپاراتقا، الەمدىك مادەنيەت پەن عىلىم قۇندىلىقتارىنا، ادامزاتتىڭ دانالىعى مەن بىلىمىنە كەڭ قول جەتىمدىلىكتى قامتاماسىز ەتەدى، وقىرمانداردى تاڭعاجايىپ مادەنيەت الەمىنە جەتەلەيدى، بىلىمگە دەگەن سۇيىسپەنشىلىكتى تاربيەلەپ، مادەني داستۇرلەردى ساقتاۋعا جانە دامىتۋعا ۇلەس قوسادى. سوندىقتان دا، كىتاپحاناشى ماماندار ارقاشاندا كيەلى وردانىڭ مارتەبەلى يەسى بولىپ قالا بەرمەك. وسىنداي مارتەبەلى ماماندىق يەلەرى وبلىستىق كىتاپحانا قىزمەتكەرى ەشەنوۆا گاليا مەن مامبەتوۆا باقىتگۋل قر ۇلتتىق كىتاپحاناسىنىڭ «كىتاپحانا ءىسىنىڭ ارداگەرى» مەن «كىتاپحانا ءىسىنىڭ ۇزدىگى»توسبەلگىسىن كەۋدەسىنە تاقتى.

قازاقستاندىق كىتاپحانالىق وداعىنىڭ «قازاقستاننىڭ قۇرمەتتى كىتاپحاناشىسى» توسبەلگىسىن، «قۇرمەت»گراموتاسى مەن «العىس» حاتىن وبلىس، اۋدان، اۋىل كىتاپحانالارىنىڭ كىتاپحاناشىلارىنا تابىستادى.

سونداي-اق، قازاقستان رەسپۋبليكاسىنىڭ كاسىپوداقتار فەدەراتسياسى اتىنان كاسىپوداق ۇيىمىنىڭ جەتىسۋ وبلىستىق فيليالىنىڭ توراعاسى ساۋلە قۇرماشقىزى احماديەۆادا قوعامدىق ومىردە كاسىپوداقتىڭ الاتىن رولىنە، كىتاپحاناشى، جۇمىسشى ماماندىقتاردىڭ ماڭىزدىلىعىنا توقتالا كەلە «ەڭبەك داڭقى» توسبەلگىسىمەن اقسۋ اۋداندىق كىتاپحاناسىنىڭ ديرەكتوردىڭ ورىنباسارى سۋلەيمەنوۆا شولپان مەن الاكول اۋدانى، جايپاق اۋىلدىق كىتاپحانا كىتاپحاناشىسى بۋرگانباەۆا جانيلحاننىڭ كەۋدەسىنە تاعىلدى.

مەرەكەلىك شاراعا ارنايى شاقىرىلعان مەملەكەت جانە قوعام قايراتكەرى قالامگەر ناۋرىز قىلىشباەۆ عىلىمي ءجانe aعapتyشىلىق قىزمeتى جولىندا حaلىقتى ءمادeني ءتاpبيeلeۋ، رۋحتى ۇرپاق وسىرۋگە ىقپال ەتىپ، وتانىمىزدىڭ باي، ءارى كورنەكتى مادەني قۇندىلىقتارىن دامىتۋداعى ەسەلى ەڭبەكتەرى ءۇشىن شىنايى العىس ءبىلدىرىپ، شىعارماشىلىق تابىس تىلەدى.

ءىس-شارا سوڭى دانەش راقىشەۆ اتىنداعى فيلارمونيا انشىلەرىنىڭ كىتاپحاناشى ماماندارعا ارنايى مەرەكەلىك كونتسەرتىن ۇسىندى.

كوركەم وي قۇندىلىقتارىن ۇرپاقتان-ۇرپاققا جالعاستىرىپ، رۋحانيات يگىلىگى جولىندا ۇلاعاتتى ءىس تىندىرىپ كەلە جاتقان كىتاپحاناشىلاردىڭ ەڭبەكتەرىنە شىعارماشىلىق تابىس، وراسان زور ەڭبەكتەرىڭىزگە تاماشا باستامالار تىلەيمىز!

باقىتگۇل قاسەنوۆا

جەتىسۋ وبلىسىنىڭ ساكەن سەيفۋللين اتىنداعى ورتالىق كىتاپحاناسىنىڭ كىتاپحاناشىسى

Abai.kz