قازاقستاننىڭ اقپارات كەڭىستىگىندەگى بۇگىنگى كۇننىڭ باستى جاڭالىعى – تالعارداعى «حۋتور» بانداسىنىڭ باستىعى دەپ ايتىلاتىن حاسان قاسىمباەۆتىڭ ۇستالۋى بولدى.

الماتى وبلىسى پوليتسيا دەپارتامەنتى «حۋتور» ۇقت ليدەرى سانالاتىن حاسان قاسىمباەۆتىڭ ۇستالعانىن راستادى.

الماتى وبلىسى پوليتسيا دەپارتامەنتىنىڭ مالىمەتىنە سايكەس، 2 قاراشا كۇنى ح.قاسىمباەۆ 2021 جىلى ماۋسىمدا ا. اتتى ازاماتتى ۇرلتالعاراپ، دەنساۋلىعىنا قاساقانا اۋىر زيان كەلتىردى دەگەن كۇدىكپەن ۇستالدى جانە ۋاقىتشا ۇستاۋ يزولياتورىنا قامالدى.

- قازىرگى ۋاقىتتا قىلمىستاردىڭ بارلىق جاعدايلارىن جان-جاقتى، تولىق جانە وبەكتيۆتى زەرتتەۋدى قامتاماسىز ەتۋ ءۇشىن تەرگەۋ ارەكەتتەرى جۇرگىزىلىپ جاتىر. ءىس ماتەريالدارى بۇلتارتپاۋ شاراسىن سانكتسيالاۋ ءۇشىن سوتقا جىبەرىلدى. تەرگەۋ وبلىستىق پوليتسيا دەپارتامەنتى باسشىلىعىنىڭ باقىلاۋىندا. تەرگەۋ مۇددەسى ءۇشىن وزگە دە اقپارات جاريالاۋعا جاتپايدى، - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.

ەسكە سالايىق، الماتى وبلىسىداعى تالعاردا بولعان شەرزات بولات قازاسىنان كەيىن الەۋمەتتىك جەلىلەر مەن باق-تا «حۋتور» ۇقت مەن ونىڭ ليدەرى دەلىنەتىن حاسان قاسىمباەۆ تۋرالى كوپ ايتىلدى.

16 جاستاعى شەرزات پولاتتىڭ ولىمىنە «حۋتور» ۇيىمداسقان قىلمىستىق توبىنىڭ قاتىسى بار دەگەن اقپاراتتار تاراعان.

ال قر ىشكى ىستەر ءمينيسترىنىڭ ورىنباسارى باۋىرجان الەنوۆ: «حۋتور» دەگەن ۇقت قر ءىىم ەسەبىندە جوق، ونداي قىلمىستىق توپ جوق»، - دەپ مالىمدەگەن.

حاسان قاسىمباەۆ قىلمىستىق توپتىڭ جەتەكشىسى بولۋى مۇمكىن ەكەنى تۋرالى اقپارات تاراعاننان كەيىن ول بەينەۇندەۋ جاريالاعان بولاتىن. وندا قاسىمباەۆ ەشقانداي قىلمىستىق توپقا قاتىسى جوق ەكەنىن ايتقان ەدى. كەيىن ح.قاسىمباەۆ «Orda-عا» سۇحبات بەررىپ، الگى «وپگ-مەن» ەش بايلانىسى جوق ەكەنىن، شەرزاتتى تانىمايتىنىن ايتقان. سونىمەن قاتار، وزىنە قارسى جاسالعان شابۋىلدىڭ استارى بارىن ايتقان. ونىڭ ويىنشا بۇل ءىستىڭ ارتىندا بەلگىلى ءبىر كۇشتەر تۇرۋى عاجاپ ەمەس.

ال تالعار قالاسىندا بولعان ش.بولاتتىڭ ولىمىنە قاتىستى ءىس 5 باپ بويىنشا تەرگەلىپ جاتىر.

«الماتى وبلىسىنىڭ پوليتسيا دەپارتامەنتى قىلمىستىق كودەكستىڭ 99-بابى 2-بولىگى (ادام ءولتىرۋ), 293-بابى 3-بولىگى (بۇزاقىلىق), 115-بابى (قورقىتۋ), 432-بابى (قىلمىستى جاسىرىپ قالۋ) جانە 434-بابىمەن (قىلمىس تۋرالى حابارلاماۋ) قىلمىستىق ىستەردى تىركەپ، تەرگەپ جاتىر. تەرگەۋ بارىسى مەنىڭ جەكە باقىلاۋىمدا، وقيعا ورنىندا مينيسترلىكتىڭ ورتالىق اپپاراتىنىڭ قىزمەتكەرلەرى دە جۇمىس ىستەپ ءجۇر»، - دەگلىنگەن ەدى رەسمي اقپاراتتا.

قازىر سوت سانكتسياسىمەن قاساقانا كىسى ءولتىردى دەگەن كۇدىكپەن 8 ادام جانە قىلمىس تۋرالى حابارلاماۋ بويىنشا 3 ادام قاماۋعا الىنعان.

Abai.kz