تۇركيا بۇۇ-دان يزرايلگە قارسى قارۋ-جاراق ەمبارگوسىن ەنگىزۋدى سۇرادى. قۇجاتقا 52 ەل مەن ەكى حالىقارالىق ۇيىم، سونىڭ ىشىندە قازاقستان دا قول قويدى.

حاتتا ءيزرايلدىڭ حالىقارالىق قۇقىقتى بىرنەشە رەت بۇزعانى، ناتيجەسىندە بەيبىت تۇرعىندار – ايەلدەر مەن بالالاردىڭ جاپپاي قىرىلىپ جاتقانى ايتىلعان.

انادولى اگەنتتىگىنىڭ اقپاراتىنا سۇيەنسەك، تۇركيا بۇل حاتتى 1 قاراشادا بۇۇ باس حاتشىسى انتونيو گۋتەرريشكە تاپسىرعان.

تاقىرىپقى تۇزدىق:  بۇگىن قر سىرتقى ىستەر مينيسترلىگى ليۆان اۋماعىنداعى ءوز ازاماتتارىن ەۆاكۋاتسيالاعانىن مالىمدەدى.

«تاياۋ شىعىستاعى جاعدايدىڭ شيەلەنىسۋىنە بايلانىستى پرەزيدەنت قاسىم-جومارت توقاەۆتىڭ تاپسىرماسىمەن، سونداي-اق قازاقستاننىڭ ءتيىستى مەملەكەتتىك ورگاندارىنىڭ كومەگىمەن ليۆاننان قر ازاماتتارى مەن ولاردىڭ وتباسى مۇشەلەرى ەۆاكۋاتسيالاندى.

اتالعان وپەراتسيا ستامبۋل جانە دۋباي قالالارى ارقىلى جۇزەگە اسىرىلدى، ناتيجەسىندە 2024 جىلعى 17-31 قازان ارالىعىندا بەيرۋتتان استانا مەن الماتىعا 41 ادام امان-ەسەن ورالدى»، - دەلىنگەن حابارلامادا.

ەۆاكۋاتسيا ۇرىس قيمىلدارى ايماعىندا قالعان قازاقستان رەسپۋبليكاسى ازاماتتارىنىڭ قۇقىقتارى مەن مۇددەلەرىن قورعاۋ ماقساتىندا جۇرگىزىلدى.

Abai.kz