قازاقستانداعى قالايى كەن ورنىنىڭ جارتىسىن رەسەي كومپانياسى الماق
Solidcore Resources plc كومپانياسى Lancaster Group كومپانياسىنان يگەرىلمەگەن سىرىمبەت قالايى كەن ورنىنداعى 55% ۇلەسىن الاتىنى بەلگىلى بولدى، دەپ حابارلايدى Abai.kz Ulysmedia.kz.-كە سىلتەمە جاساپ.
Solidcore Resources plc التىن ءوندىرۋشى كومپانياسى Lancaste Group-تىڭ ەنشىلەس كومپانياسىنان يگەرىلمەگەن سىرىمبەت پوليمەتالل كەن ورنىنىڭ 55% ساتىپ الادى. ونى رەسەيلىك كومپانيا 82,5 ملن دوللارعا الىپ وتىر.
قازاقستاندا ەشكىم قالايى وندىرۋمەن ەشقاشان اينالىسپاعان. Lancaster Group بۇعان دەيىن قازاقستان دامۋ بانكىنەن قارجى تارتا وتىرىپ، 410 ميلليون دوللارعا بايىتۋ فابريكاسىن سالۋدى جوسپارلاعان بولاتىن. ءتىپتى يتاليالىق Bonatti ارقىلى يگەرمەك ەدى. بىراق ونىڭ قۇرىلىس سول كۇيى باستالعان جوق، - دەپ جازادى Energy Monitor ديرەكتورى نۇرلان جۇماعۇلوۆ.
كەن ورىنى
سىرىمبەت – قازاقستاننىڭ سولتۇستىگىندە ورنالاسقان پوليمەتالل كەن ورنى. نەگىزگى كومپونەنتى – قالايى. بۇل – قازاقستانداعى جالعىز قالايى كەن ورنى. 1985 جىلى اشىلعان. ال 1998 جىلى "سىرىمبەت" اق قۇرىلدى. 2017 جىلى كومپانيا "Tin One Mining"اق بولىپ وزگەرتىلدى. قازىر ونىڭ جالعىز اكتسيونەرى – Lancaster Group ەنشىلەس كومپانياسى – Berkut Mining كومپانياسى، دەپ جازادى Forbes قازاقستان.
Solidcore Resources plc
Solidcore Resources plc – التىن ءوندىرۋشى رەسەيلىك كومپانيا. 2024 جىلدىڭ ماۋسىمىنا دەيىن Polymetal دەپ اتالعان. 2023 جىلى دجەرسي ارالىنان قازاقستانعا كوشىپ، AIX - كە تىركەلگەن. كومپانيانىڭ باس اتقارۋشى ديرەكتورى – رەسەيلىك كاسىپكەر ۆيتالي نەسيس.
Lancaster Group
Lancaster Group كومپانياسىن 2003 جىلى ءتورت دوس جانە ءارى ىسكەر سەرىكتەس نۇرلان قاپپاروۆ (قازىر مارقۇم), ەربولات دوساەۆ، بەرىك قانيەۆ جانە يۋري پاك قۇرعان.
Abai.kz
