سەنات كۋلۋارىندا عىلىم جانە جوعارى ءبىلىم ءمينيسترى ساياسات نۇربەك "بولاشاق" باعدارلامامىنا قاتىستى سۇراققا جاۋاپ بەردى.

"بولاشاقپەن" وتە كوپ مامان وقىدى. قازىر ولار قىزمەتتە، جۇمىس ىستەپ جاتىر. ونىڭ ىشىندە حيرۋرگتار، ينجەنەرلەر جانە ۇستازدار بار. وكىنىشكە قاراي ولاردىڭ جۇمىسى كورىنبەيدى. قازىرگى تاڭدا ءبىز حالىقارالىق باعدارلامالار ورتالىعىنا تاعى تاپسىرما بەرەمىز. سول قاراپايىم قىزمەتكەرلەردى شىعارىپ كورسەتۋ ءۇشىن", – دەدى ۆەدومستۆو باسشىسى.

ساياسات نۇربەكتىڭ جەكە پىكىرىنشە، "بولاشاق" باعدارلاماسى ءالى دە كەرەك.

"قازىر پرەزيدەنت تاپسىرمالارى بار. جاڭا ستراتەگياسى پىسىقتالىپ جاتىر. مىسالى كەلەسى جىلدان باستاپ جاساندى ينتەللەكت بويىنشا ارنايى كۆوتا ەنگىزىلەدى. Split PhD دەگەن باعدارلاما ەنگىزىلەدى. بۇل شەتەلدىك ۋنيۆەرسيتەتتەردى قولداۋ ءۇشىن كەرەك.

سوندىقتان "بولاشاق" باعدارلاماسى كەرەك. بىزگە ءالى ءتيىستى كادرلار جەتىسپەيدى. بىزدە ساراپشىلار قالىپتاسپاعان باعىتتار بار: جاساندى ينتەللەكت، يادرولىق ەنەرگەتيكا سەكىلدى. سوندىقتان "بولاشاق" باعدارلاماسىن مامانداندىرىلعان باعىتقا بۇرامىز. ول جۇمىس ىستەي بەرەدى", – دەدى مينيستر.

Abai.kz