ەۋرووداق گرۋزياعا سايلاۋدان كەيىنگى جاعدايدى زەرتتەۋ ءۇشىن ارنايى ميسسيا جىبەرەدى، دەپ مالىمدەدى ەو ديپلوماتياسىنىڭ باسشىسى جوزەپ بوررەل بريۋسسەلدە قوعامداستىقتىڭ 27 ەلىنىڭ سىرتقى ىستەر مينيسترلەرى وتىرىسىنىڭ قورىتىندىسى بويىنشا وتكەن ءباسپاسوز كونفەرەنتسياسىندا.

بۇل تۋرالى «نوۆوستي-گرۋزيا» پورتالى جازادى.

«ءبىز گرۋزياعا نە بولعانىن زەرتتەۋ ءۇشىن ميسسيا جىبەرەمىز»، - دەدى ول.

بوررەلدىڭ ايتۋىنشا، «ەۋروپالىق وداقتىڭ ەسىگى گرۋزيا ءۇشىن اشىق كۇيىندە قالادى، بىراق گرۋزيا ۇكىمەتىنىڭ زاڭ ۇستەمدىگى مەن نەگىزگى قاعيداتتاردى ساقتاۋعا قاتىستى باعىتى، سونىڭ ىشىندە گرۋزياداعى سايلاۋ قالاي وتكەنى ەلدى ەۋروپالىق وداققا كىرىگۋ جولىنان الىپ كەتەدى».

ەۋروديپلوماتيا باسشىسى گرۋزيا ۇكىمەتىنە ارنالعان قارجىلاندىرۋ ەندى گرۋزيالىق ازاماتتىق قوعام ۇيىمدارىنا بولىنەتىنىن راستادى.

Abai.kz