قازاقستان رەسەيدەن اينالىپ ءوتىپ، مۇناي ەكسپورتىن 13 ەسە ارتتىرادى. 

قازاقستان مۇناي ەكسپورتتاۋ ستراتەگياسىن قايتا قاراپ جاتىر: رەسەي اۋماعى ارقىلى جەتكىزۋدى ۇلعايتۋدىڭ ورنىنا، ەل باكۋ - تبيليسي - دجەيحان (بتد) قۇبىرى ارقىلى تاسىمالداۋدى ارتتىرۋدى جوسپارلاپ وتىر.

Finimize پورتالىنىڭ حابارلاۋىنشا، قر ەنەرگەتيكا مينيسترلىگى ەكسپورتتىق جەتكىزىلىمدەر لوگيستيكاسىن قايتا قاراۋدا، بۇل نارىق جاعدايىنا ايتارلىقتاي اسەر ەتۋى مۇمكىن. باكۋ - تبيليسي - دجەيحان (بتد) قۇبىرى ارقىلى مۇناي تاسىمالداۋ كولەمىن 13 ەسەدەن استام ۇلعايتۋ جوسپارلانىپ وتىر - جىلىنا 1,5 ميلليون توننادان بىردەن 20 ميلليون تونناعا دەيىن.

مۇنداي شەشىمنىڭ باستى ماقساتى - قازاقستاندىق مۇنايدى تاسىمالداۋدا رەسەيگە تاۋەلدىلىكتى ازايتۋ.

«قازاقستاننىڭ بتد قۇبىرى ارقىلى ەكسپورتتى ۇلعايتۋ تۋرالى شەشىمى ەكسپورتتىق مارشرۋتتاردى ارتاراپتاندىرۋعا قاراي ماڭىزدى قادام بولىپ تابىلادى. قازىرگى ۋاقىتتا قازاقستان مۇنايىنىڭ 80%-ى رەسەي ارقىلى وتەدى، بۇل گەوساياسي شيەلەنىستەر جاعدايىندا قاۋىپ توندىرەدى»، - دەپ جازادى Finimize.

بتد - باكۋ ءۇشىن ماڭىزدى قۇبىر، ونىڭ نەگىزگى اكتسيونەرلەرىنىڭ ءبىرى - ازەربايجاننىڭ مەملەكەتتىك مۇناي كورپوراتسياسى SOCAR. بۇل باعىت ارقىلى تاسىمالداۋ رەسەي ارقىلى جەتكىزۋدەن قىمباتىراق بولادى، بىراق الەمدىك مۇناي باعاسىنىڭ تۇراقسىزدىعى جاعدايىندا بۇل ماڭىزدى لوگيستيكالىق بالاماعا اينالۋى مۇمكىن.

«قازاقستاننىڭ باكۋ - تبيليسي - دجەيحان قۇبىرىن پايدالانۋ ستراتەگياسى ورتالىق ازياداعى مۇناي نارىعىنداعى لوگيستيكانى تۇبەگەيلى وزگەرتۋى مۇمكىن»، - دەپ اتاپ كورسەتەدى Finimize.

Abai.kz