جاڭا جىلدىق مەرەكەلەر مەن قىسقى دەمالىس قارساڭىندا شەتەلدە قازاقستاندىق تۋريستەردى قورعاۋعا باعىتتالعان شارالار تۋرالى قر تۋريزم جانە سپورت مينيسترلىگى مالىمدەدى.

2016 جىلدان بەرى قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسى جۇمىس ىستەپ كەلەدى، ونىڭ اكىمشىسى – «تۋريستىك قامقور» قورى بولىپ تابىلادى. بۇل جۇيەگە سىرتقى تۋريزممەن اينالىساتىن تۋروپەراتورلار قاتىسادى، ولار ءاربىر تۋريستكە تۋركود بەرۋگە مىندەتتى.

تۋركود – بۇل ارىپتەر مەن سانداردان تۇراتىن بىرەگەي كود، ونى تەكسەرۋ ارقىلى تۋريست تۋروپەراتوردىڭ ۇشۋ مەن تۇرۋ شىعىندارىن قابىلداۋشى تاراپقا جانە اۋە كومپانياسىنا تولەنگەنىنە كوز جەتكىزە الادى. بۇل بىرەگەي مەحانيزم تۋروپەراتوردىڭ ءوز مىندەتتەمەلەرىن ورىنداي الماۋى نەمەسە توتەنشە جاعدايلار/وقىس وقيعالار ورىن العان جاعدايدا تۋريستەردىڭ ەلگە قايتا ورالۋىن كەپىلدەندىرەدى. تۋركودتى اكىمشى سايتىندا نەمەسە «تۋركود» ءموبيلدى قوسىمشاسىندا تەكسەرۋگە بولادى. قوسىمشادا سونىمەن قاتار تۋراگەنتتىكتەردىڭ ءتىزىمى، باراتىن ەل تۋرالى اقپارات، قازاقستاننىڭ ەلشىلىكتەرى مەن كونسۋلدىقتارىنىڭ بايلانىس مالىمەتتەرى بار.

قوسىمشانى AppStore جانە GooglePlay ارقىلى جۇكتەپ الۋعا بولادى.

بۇدان بولەك، تۋركودتى تەك تۋروپەراتور جاساعان جانە تۋراگەنت ساتقان تۋردى ساتىپ العان تۋريستكە عانا بەرىلەدى. اگەنتتىكتى تاڭداعان كەزدە ولار تۋركود بەرەتىنىن مىندەتتى تۇردە انىقتاڭىز. تۋريستىك قىزمەت كورسەتۋ تۋرالى كەلىسىمشارت جاساڭىز جانە قۇجاتتاردى سۇراڭىز (تولەمدى راستايتىن كاسسالىق چەك، ۆاۋچەر، ساقتاندىرۋ ءپوليسى جانە ت.ب.).

Abai.kz