مەملەكەت باسشىسى پرەمەر-ءمينيستردىڭ ورىنباسارى قانات بوزىمباەۆتى قابىلدادى. بۇل تۋرالى اقوردا حابارلادى. 

قانات بوزىمباەۆ ۇكىمەتتىڭ اتقارىپ جاتقان جۇمىستارى تۋرالى باياندادى.

1. ەنەرگەتيكالىق جانە كوممۋنالدىق ينفراقۇرىلىمدى جاڭعىرتۋ بويىنشا ۇلتتىق جوبانىڭ ازىرلەنۋ بارىسى جونىندە اقپارات بەردى:

– الداعى بەس جىلعا ارنالعان جوبا اياسىندا ەنەرگەتيكالىق جانە كوممۋنالدىق سەكتوردىڭ قولدانىستاعى ينفراقۇرىلىمىن جاڭارتۋ، 6 مىڭ مەگاۆاتتان اسا ەلەكتر قۋاتى گەنەراتسياسىن ىسكە قوسۋ مەن جاڭعىرتۋ جۇمىستارىن جۇرگىزۋ قاراستىرىلعان;

– جوبانىڭ جالپى قۇنى 10 تريلليون تەڭگەدەن اسادى. قاجەتتى قاراجات نارىقتان زايم نەگىزىندە، سونداي-اق ءىشىنارا رەسپۋبليكالىق بيۋدجەتتەن تارتىلادى;

– كەشەندى جاڭعىرتۋ جۇمىستارى ەنەرگەتيكالىق نىساندار مەن كوممۋنالدىق سەكتوردىڭ توزۋىن ءبىرشاما تومەندەتىپ، حالىقتىڭ تۇرمىس-تىرشىلىگىن قامتاماسىز ەتۋ جۇيەلەرىن جەتىلدىرەدى;

2. وڭىرلىك ساياساتتى ىسكە اسىرۋدىڭ جاڭا تاسىلدەرى تۋرالى مالىمەت بەردى:

– بۇل شارا وبلىستار اراسىنداعى الەۋمەتتىك، وندىرىستىك جانە كوممۋنالدىق ينفراقۇرىلىمدى قامتاماسىز ەتۋ بارىسىنداعى الشاقتىقتى جويۋعا باعىتتالعان;

– پرەزيدەنتتىڭ تاپسىرماسىن ورىنداۋ ماقساتىندا مەملەكەتتىك باعدارلامالاردى جۇزەگە اسىرۋدى جۇيەلى ۇيلەستىرۋ ءۇشىن ۇكىمەت جانىنان وڭىرلىك ساياسات جوبالىق كەڭسەسى قۇرىلادى;

ماڭعىستاۋ وبلىسىندا اۆياتسيالىق حابتى دامىتۋ جونىندەگى ينۆەستيتسيالىق جوبانى ىسكە اسىرۋ پەرسپەكتيۆاسىن باياندادى. اتالعان جوبا ءوڭىردىڭ ەكونوميكالىق وسىمىنە تىڭ سەرپىن بەرىپ، حالىقارالىق كولىك-لوگيستيكا تىزبەگىنىڭ ماڭىزدى بولىگىنە اينالادى.

قاسىم-جومارت توقاەۆ قانات بوزىمباەۆقا ەنەرگەتيكالىق جانە كوممۋنالدىق ينفراقۇرىلىمدى جاڭعىرتۋ بويىنشا ۇلتتىق جوبانى مۇقيات دايىنداپ، جىل سوڭىنا دەيىن بەكىتۋدى تاپسىردى. سونىمەن قاتار وڭىرلىك ساياسات تۇجىرىمداماسىن بەلسەندى ىسكە اسىرۋ مىندەتىن جۇكتەدى.

Abai.kz