استانا. 25 قىرقۇيەك. قازتاگ – قازاقستان مەن يسپانيا ءسىم-ءنىڭ دەلەگاتسيالارى ەكى ەلدىڭ اراسىندا ديپلوماتيالىق تولقۇجات يەلەرىن ۆيزالىق تالاپتاردان ءوزارا بوساتۋ تۋرالى كەلىسىمنىڭ جوباسىن تالقىلادى، دەپ حابارلايدى قر ءسىم ءباسپاسوز قىزمەتى.

قر ءسىم جاۋاپتى حاتشىسى راپيل جوشىباەۆ يسپانيا سىرتقى ساياسات ۆەدومستۆوسىنىڭ كونسۋلدىق جانە كوشى-قون ماسەلەلەرى جونىندەگى باس حاتشىسى فرانتسيسكو حاۆەر كاۆەنحتپەن جانە يسپانيا ءسىم كونسۋلدىق ماسەلەلەر جانە قولداۋ جونىندەگى باس ديرەكتورى ميگەل فرۋتوس گومەسپەن كەزدەستى. كەلىسسوزدەر ناتيجەسىندە تاراپتار ەكى جاقتى كونسۋلتاتسيالاردىڭ حاتتاماسىنا قول قويدى. بۇل قۇجات ەكى ەلدىڭ سىرتقى ساياسات ۆەدومستۆولارىنىڭ اراسىنداعى بولاشاق كەلىسسوزدەر بارىسىندا وسى كەلىسىمگە قول قويۋ نيەتىن بەكىتەدى. بۇل شارا قاراشا ايىنا جوسپارلانعان. قازاقستاندىق جاق قازاقستاندىق ازاماتتار ءۇشىن يسپانيالىق ۆيزالاردى بەرۋ ءتارتىبىن جەڭىلدەتۋ ماسەلەسىن كوتەردى.

يسپانيا دەلەگاتسياسىنىڭ باسشىسى ءوز ەلىنىڭ ەو ەلدەرى ءۇشىن ۆيزالىق رەجيمدى وڭتايلاندىرۋ ماسەلەسىندە قازاقستانعا تولىق قولداۋ كورسەتۋگە دايىن ەكەنىن جەتكىزدى. سونىمەن قاتار، تاراپتار ەو ەلدەرىمەن ۆيزالىق ءتارتىپتى جەڭىلدەتۋدىڭ قاجەت شارتى رەتىندە رەادكوميسسيا تەتىكتەرىن ازىرلەۋ جانە جۇزەگە اسىرۋ سالاسىنداعى يسپانيالىق تاجىريبەنى پايدالانۋ تۋرالى كەلىستى.

استانا. 25 قىرقۇيەك. قازتاگ – قازاقستان مەن يسپانيا ءسىم-ءنىڭ دەلەگاتسيالارى ەكى ەلدىڭ اراسىندا ديپلوماتيالىق تولقۇجات يەلەرىن ۆيزالىق تالاپتاردان ءوزارا بوساتۋ تۋرالى كەلىسىمنىڭ جوباسىن تالقىلادى، دەپ حابارلايدى قر ءسىم ءباسپاسوز قىزمەتى.

قر ءسىم جاۋاپتى حاتشىسى راپيل جوشىباەۆ يسپانيا سىرتقى ساياسات ۆەدومستۆوسىنىڭ كونسۋلدىق جانە كوشى-قون ماسەلەلەرى جونىندەگى باس حاتشىسى فرانتسيسكو حاۆەر كاۆەنحتپەن جانە يسپانيا ءسىم كونسۋلدىق ماسەلەلەر جانە قولداۋ جونىندەگى باس ديرەكتورى ميگەل فرۋتوس گومەسپەن كەزدەستى. كەلىسسوزدەر ناتيجەسىندە تاراپتار ەكى جاقتى كونسۋلتاتسيالاردىڭ حاتتاماسىنا قول قويدى. بۇل قۇجات ەكى ەلدىڭ سىرتقى ساياسات ۆەدومستۆولارىنىڭ اراسىنداعى بولاشاق كەلىسسوزدەر بارىسىندا وسى كەلىسىمگە قول قويۋ نيەتىن بەكىتەدى. بۇل شارا قاراشا ايىنا جوسپارلانعان. قازاقستاندىق جاق قازاقستاندىق ازاماتتار ءۇشىن يسپانيالىق ۆيزالاردى بەرۋ ءتارتىبىن جەڭىلدەتۋ ماسەلەسىن كوتەردى.

يسپانيا دەلەگاتسياسىنىڭ باسشىسى ءوز ەلىنىڭ ەو ەلدەرى ءۇشىن ۆيزالىق رەجيمدى وڭتايلاندىرۋ ماسەلەسىندە قازاقستانعا تولىق قولداۋ كورسەتۋگە دايىن ەكەنىن جەتكىزدى. سونىمەن قاتار، تاراپتار ەو ەلدەرىمەن ۆيزالىق ءتارتىپتى جەڭىلدەتۋدىڭ قاجەت شارتى رەتىندە رەادكوميسسيا تەتىكتەرىن ازىرلەۋ جانە جۇزەگە اسىرۋ سالاسىنداعى يسپانيالىق تاجىريبەنى پايدالانۋ تۋرالى كەلىستى.

سونىمەن قاتار، ر.جوشىباەۆ يسپانيا ءسىم سولتۇستىك امەريكا جانە ەۋروپا ىستەرى جونىندەگى باس ديرەكتورى لۋيس فەرناندەس دە لا پەنيامەن كەزدەسىپ، ەكى جاقتى قاتىناستارعا بايلانىستى كەڭ كولەمدى ماسەلەلەردى، حالىقارالىق پروبلەمالاردى تالقىلادى. ديپلومات ەقىۇ-عا قازاقستاندىق توراعالىقتىڭ نەگىزگى باسىمدىقتارىن اتاپ ءوتىپ، يسپانيا جاعىنا «ەۋروپاعا جول» مەملەكەتتىك باعدارلاماسىن جۇزەگە اسىرۋ بارىسى تۋرالى باياندادى. بۇل باعدارلاما قر-دىڭ ەو ەلدەرىمەن ساياسي، ساۋدا-ەكونوميكالىق، مادەني جانە باسقا سالالارداعى ىنتىماقتاستىعىن، يمميگراتسيالىق ساياساتتاعى ءوزارا ىقپالداستىقتى كەڭەيتۋدى قاراستىرادى.