پرەزيدەنت قاسىم-جومارت توقاەۆ 2025 جىلدى «جۇمىسشى ماماندىقتارى جىلى» دەپ جاريالادى!

اقوردا جارلىعىندا: «2025 جىل جۇمىسشى ماماندىقتارىنىڭ جىلى دەپ جاريالانسىن! قازاقستان رەسپۋبليكاسىنىڭ ۇكىمەتى جۇمىسشى ماماندىقتارىنىڭ جىلىن وتكىزۋ بويىنشا قاجەتتى شارالاردى قابىلداسىن. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن»، - دەلىنگەن.

پرەزيدەنت وسىعان دەيىن: «ءبىز جۇمىسشى ماماندىقتارىن دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز! ادال ءارى تاباندى ەڭبەگىمەن تابىسقا جەتكەن ادامدار قاشاندا قۇرمەتتى، سىيلى بولۋى كەرەك. ءبىر سوزبەن ايتقاندا، ءبىزدىڭ قوعامدا ەڭبەكقورلىق، كاسىبيلىك سياقتى قاسيەتتەر وتە جوعارى باعالانۋعا ءتيىس. ءوز كاسىبىن جەتىك مەڭگەرگەن ماماندار ۇلت ساپاسىن ارتتىرادى. جۇمىستىڭ جامانى جوق، كەز كەلگەن ەڭبەك – قادىرلى!»، - دەگەن ەدى.

ال ەڭبەك ادامى دەگەن كىم؟ ەڭبەك ادامى دەگەنىمىز، ەڭ الدىمەن، تازا جۇمىس ىستەيتىن ادام! ءوزىنىڭ تابىسىن ماڭداي تەرىمەن تاباتىن، جانىن سالىپ جۇمىس ىستەيتىن ادام - ەڭبەك ادامى! ول - ديحان بولا ما، ول - مالشى بولا ما، ول - جازۋشى بولا ما، ءبارىبىر. ماڭداي تەرىن سالىپ جۇمىس ىستەگەن ءاربىر ادام – قادىرلى!

Abai.kz