تۇركيا رەسپۋبليكاسى، انكارا قالاسىنداعى باشكەنت ۋنيۆەرسيتەتى مەن قازاقستان رەسپۋبليكاسى، استانا قالاسىنداعى «ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسى اراسىندا ءبىلىم بەرۋ سالاسىنداعى ىنتىماقتاستىق تۋرالى كەلىسىم جاسالىپ، قول قويىلىپ، بەكىتىلدى.

ەڭ الدىمەن ايتايىن دەگەنىمىز، 2022 جىلعى 10 مامىردا انكارا قالاسىندا جاسالعان قازاقستان رەسپۋبليكاسىنىڭ ۇكىمەتى مەن تۇركيا رەسپۋبليكاسىنىڭ ۇكىمەتى اراسىنداعى ءبىلىم بەرۋ سالاسىنداعى ىنتىماقتاستىق تۋرالى كەلىسىم ارادا ەكى جىل ۋاقىت وتكەن سوڭ، 2024 جىلعى 10 مامىردا كۇشىنە ەندى.

وسىعان بايلانىستى 2024 جىلعى 23 جەلتوقساندا تۇركيا رەسپۋبليكاسى، انكارا قالاسىنداعى باشكەنت ۋنيۆەرسيتەتى مەن قازاقستان رەسپۋبليكاسى، استانا قالاسىنداعى «ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسى اراسىندا ءبىلىم بەرۋ سالاسىنداعى ىنتىماقتاستىق تۋرالى كەلىسىم جاسالىپ، قول قويىلىپ، بەكىتىلدى.

بۇل كەلىسىم – ەلىمىزدەگى ۇكىمەتتىك ەمەس ءبىلىم-عىلىم ۇيىمدارىنىڭ اراسىندا تۇركيا ۋنيۆەرسيتەتتەرىمەن تىكەلەي قارىم-قاتىناس ورناتىلعان العاشقى قادامداردىڭ ءبىرى ەكەنىن اتاپ وتكىمىز كەلەدى.

ءيا، ءبىزدىڭ عىلىم جانە جوعارى ءبىلىم جۇيەسىندە ەڭبەك ەتىپ كەلە جاتقانىمىزعا وتىز جىلدان استام ۋاقىت ءوتىپتى، ال ءبىلىم-عىلىم سالاسىندا ۇكىمەتتىك ەمەس ۇيىم قۇرىپ، دەربەس تۇردە جەكە-دارا پەداگوگتىك وقىتۋ-اعارتۋشىلىق قىزمەتىن اتقارۋعا كىرىسكەنىمىزگە جيىرما جىلعا جۋىقتاپتى.

بۇگىندە تۇركياداعى باشكەنت ۋنيۆەرسيتەتىمەن ىنتىماقتاستىق بايلانىس جاساپ وتىرعان «ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسى 2008 جىلعى 23 جەلتوقساندا رەسمي تۇردە تىركەلىپ، جۇمىس ىستەي باستادى.

قۇرىلعان العاشقى كۇندەرىنەن-اق ورتالىعىمىز مەكتەپتەر مەن كوللەدجدەردىڭ پەداگوگتەرىنە، ۋنيۆەرسيتەتتەردىڭ ماگيسترانتتارى مەن دوكتورانتتارىنا، پروفەسسور-وقىتۋشىلارىنا وزدەرىنىڭ بىلىكتىلىكتەرىن ارتتىرىپ، عىلىمي ەڭبەكتەرىن جاريالاۋ بويىنشا كاسىپتىك باعدار مەن كەڭەس بەرىپ كەلەدى. كەيىنگى جيىرما جىلعا جۋىق ۋاقىتتا جۇزەگە اسىرىلعان ءىس-شارالارىمىزدىڭ كەيبىرەۋلەرىنە عانا قىسقاشا توقتالساق دەيمىز.

ورتالىعىمىز مەملەكەت باسشىسىنىڭ ارنايى جارلىعىمەن 2019 جىل «جاستار جىلى» دەپ جاريالانۋىنا بايلانىستى قازاقستان رەسپۋبليكاسى اقپارات جانە قوعامدىق دامۋ مينيسترلىگىنە قاراستى «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ مەملەكەتتىك گرانتىن ۇتىپ الىپ، «بالالار جانە ءبىلىم بەرۋ، بوس ۋاقىت جانە مادەني ءىس-شارالار» تاقىرىبىنداعى الەۋمەتتىك جوبانى جۇزەگە اسىردى.

اتالعان الەۋمەتتىك جوبا بويىنشا ورتالىعىمىزدىڭ ساراپشى-ماماندارى «ءبىلىم بەرۋ ۇيىمدارىنا بارمايتىن بالالارعا، ونىڭ ىشىندە بوسقىندار مەن ميگرانتتارعا مونيتورينگ» اتتى زەرتتەۋ جۇمىسىن جۇرگىزدى:

- ەلىمىزدىڭ بارلىق وڭىرلەرى بويىنشا مەكتەپتەر مەن كوللەدجدەرگە بارمايتىن بالالار;

- ونىڭ ىشىندە بوسقىندار مەن ميگرانتتاردىڭ بالالارى;

- ءبىلىم بەرۋ ۇيىمدارى جوق ەلدى مەكەندەردەن بالالاردى تاسىمالداۋدى ۇيىمداستىرۋ;

- دەمالىس ۋاقىتىنداعى بالالاردى ساۋىقتىرۋمەن، دەمالىسپەن جانە جۇمىسپەن قامتۋ;

- بالالاردىڭ جۇمىسپەن قامتىلۋى جانە بالالاردىڭ قوسىمشا ءبىلىم الۋعا قاجەتتىلىگىن ايقىنداۋ;

- ءوڭىر ءۇشىن بالالاردىڭ دەۆيانتتى مىنەز-قۇلقىنا ىقپال ەتەتىن، سونداي-اق ءبىلىم الۋعا بالالاردىڭ قۇقىقتارىنىڭ بۇزىلۋ سەبەپتەرى تۋرالى مالىمەتتەر جيناقتالىپ، وعان ساراپتامالىق-تالداۋ جاسالدى.

ورتالىعىمىزدىڭ ۇيىمداستىرۋىمەن جۇمىس كۇشى ارتىق وڭىرلەردەن شىققان جاستارعا جوعارى جانە جوعارى وقۋ ورنىنان كەيىنگى، تەحنيكالىق جانە كاسىپتىك ءبىلىم بەرۋگە جانە ولاردى جۇمىس كۇشى تاپشى وڭىرلەرگە جۇمىسقا ورنالاستىرۋعا باعىتتالعان «ماڭگىلىك ەل جاستارى – يندۋسترياعا!» («سەرپىن») جوباسى بويىنشا اتىراۋ، اقتوبە، قوستاناي، ورال، پەتروپاۆل، وسكەمەن، قاراعاندى، كوكشەتاۋ، سەمەي جانە پاۆلودار قالالارىنداعى 15 ۋنيۆەرسيتەتتە وقىپ جۇرگەن، كوپ بالالالى جانە از قامتىلعان وتباسىلاردان شىققان 2 مىڭعا جۋىق ستۋدەنت-جاستارمەن جۇزدەسۋلەر وتكىزىلدى.

ستۋدەنت-جاستارعا «ەڭبەك» مەملەكەتتىك باعدارلاماسىنىڭ «ماڭگىلىك ەل جاستارى – يندۋسترياعا!» («سەرپىن») جوباسى شەڭبەرىندە كادرلار دايارلاۋعا ارنالعان باعىتى جان-جاقتى تانىستىرىلدى.

بالالاردى قۇقىقتىق اقپاراتتاندىرۋ ماقساتىندا تۇركىستان وبلىسىنىڭ جەتىساي اۋدانىنداعى اسىقاتا كەنتىندە، ماقتاارال اۋدانىنىڭ مىرزاكەنت جانە اتاكەنت كەنتتەرىندە «ءمىرزاشول» اقپاراتتىق-ءبىلىم بەرۋ ورتالىعى، «بالا قۇقىقتارى» جازعى مەكتەبى قۇرىلىپ، جۇمىس ىستەدى.

«ءمىرزاشول» اقپاراتتىق-ءبىلىم بەرۋ ورتالىعىندا جۇمىس كۇشى ارتىق وڭىرلەر ساناتىنداعى ءمىرزاشول ءوڭىرىنىڭ جاستارى مەن ولاردىڭ اتا-انالارى اراسىندا «ماڭگىلىك ەل جاستارى – يندۋسترياعا!» («سەرپىن») جوباسى تۋرالى جان-جاقتى اقپاراتتىق-ءتۇسىندىرۋ جۇمىستارى جۇرگىزىلدى.

بۇعان قوسا:

- 2019 جىلعى 13 قاراشا كۇنى اتىراۋ قالاسىنداعى حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە جانە سافي وتەباەۆ اتىنداعى اتىراۋ مۇناي جانە گاز ۋنيۆەرسيتەتىندە;

- 2019 جىلعى 14 قاراشا كۇنى اقتوبە قالاسىنداعى ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە;

- 2019 جىلعى 15 قاراشا كۇنى قوستاناي قالاسىنداعى ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندە جانە ومىرزاق سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىندە;

- 2019 جىلعى 16 قاراشا كۇنى ورال قالاسىنداعى ماحامبەت وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىندە جانە جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە;

- 2019 جىلعى 18 قاراشا كۇنى پەتروپاۆل قالاسىنداعى ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە;

- 2019 جىلعى 19 قاراشا كۇنى وسكەمەن قالاسىنداعى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە جانە د. سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە;

- 2019 جىلعى 25 قاراشا كۇنى سەمەي قالاسىنداعى شاكارىم اتىنداعى مەملەكەتتىك ۋنيۆەرسيتەتىندە;

- 2019 جىلعى 26 قاراشا كۇنى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە جانە پاۆلودار مەملەكەتتىك پەداگوگيكالىق ۋنيۆەرسيتەتىندە «ماڭگىلىك ەل جاستارى – يندۋسترياعا!» («سەرپىن») جوباسى بويىنشا وقىپ جاتقان ستۋدەنتتەرمەن كەزدەسىپ قايتتىق.

ورتالىعىمىز جۇزەگە اسىرعان الەۋمەتتىك جوبا اياسىندا «ماڭگىلىك ەل جاستارى – يندۋسترياعا!» («سەرپىن») جوباسى جونىندە 1 262 مەكتەپ وقۋشىسىنا، 388 اتا-انا مەن پەداگوگقا، بارلىعى – 1 650 ادامعا اقپاراتتىق كەڭەس بەردىك.

ال ورتالىعىمىز ۇيىمداستىرعان «بالا قۇقىقتارى» جازعى مەكتەبىنە 300 وقۋشى قاتىستى.

مەكتەپتەر مەن كوللەدجدەر وقۋشىلارى اراسىندا «بالالار قۇقىعى» تاقىرىبى بويىنشا ەسسە كونكۋرسى وتكىزىلىپ، وعان 120-عا جۋىق وقۋشى قاتىستى. كونكۋرسقا قاتىسۋشىلاردىڭ بارلىعىنا العىس حاتتار جانە سەرتيفيكاتتار بەرىلدى، 20 جۇلدەگەر وقۋشى ارنايى ديپلوممەن ماراپاتتالدى.

پەداگوگتار اراسىندا وتكىزىلگەن «بالالار قۇقىعى» ءبىلىم بەرۋ باعدارلاماسىن جاساۋ كونكۋرسىنا 112 پەداگوگ قاتىستى، ولاردىڭ بارلىعىنا العىس حاتتار جانە سەرتيفيكاتتار بەرىلدى، 10 جۇلدەگەر پەداگوگ ارنايى ديپلوممەن ماراپاتتالدى.

الەۋمەتتىك جوبا اياسىندا بالالار جانە جاسوسپىرىمدەرمەن ءوزارا ءىس-قيمىلدى ۇيىمداستىرۋداعى مۇراجايلاردىڭ، كىتاپحانالاردىڭ جانە مادەني-دەمالىس ۇلگىسىندەگى مەكەمەلەردىڭ اقپاراتتىق-تانىمدىق، شىعارماشىلىق جانە وقىتۋ قىزمەتىن دامىتۋ جونىندەگى ءىس-شارالار جۇزەگە اسىرىلدى.

2019 جىلعى 25 قىركۇيەكتە الەۋمەتتىك جوبا اياسىندا تۇركىستان وبلىسى، جەتىساي اۋدانى، اسىقاتا كەنتىندە «قازاقستانداعى بالالار ەڭبەگىنىڭ ەڭ ناشار تۇرلەرىنىڭ الدىن الۋ ماسەلەلەرى» اتتى رەسپۋبليكالىق كونفەرەنتسيا وتكىزىلدى.

2019-2020 جىلدارى ورتالىعىمىزدىڭ اتىنان وسى الەۋمەتتىك جوبا بويىنشا جيناقتالعان بارلىق اقپاراتتار بويىنشا ساراپتامالىق-تالداۋ سيپاتىنداعى ەسەپ دايىندالىپ، قازاقستان رەسپۋبليكاسى پرەزيدەنتىنىڭ اكىمشىلىگى مەن ەلىمىزدىڭ ۇكىمەتىنە، اقپارات جانە قوعامدىق دامۋ مينيسترلىگىنە، ءبىلىم جانە عىلىم مينيسترلىگىنە، ەڭبەك جانە حالىقتى الەۋمەتتىك قورعاۋ مينيسترلىگىنە ارنايى ۇسىنىستارىمىزدى جولدادىق.

«ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسىنىڭ قۇرىلتايشىلىعىمەن شىعارىلاتىن حالىقارالىق «ءZertteushى» عىلىمي باسىلىمىنىڭ (scientific publication «ءZertteushى») نەگىزى 2006 جىلدىڭ مامىر ايىندا قالانعان.

2006-2018 جىلدارى ورتالىعىمىزدىڭ قۇرىلتايشىلىعىمەن «زەرتتەۋشى»، «عىلىمي زەرتتەۋلەر الەمى»، «عىلىم جانە ءبىلىم عاسىرى»، «زەرتتەۋلەر الەمى»، «جاس عالىمدار جارشىسى»، «جاس زەرتتەۋشى»، «ەلوردا عىلىمي حابارشىسى» جانە «وڭتۇستىك ءوڭىرىنىڭ عىلىمي حابارشىسى» عىلىمي جۋرنالدارى جارىق كورىپ تۇردى.

2010-2012 جىلدارى «زەرتتەۋشى» جانە «وڭتۇستىك ءوڭىرىنىڭ عىلىمي حابارشىسى» عىلىمي جۋرنالدارى قازاقستان رەسپۋبليكاسى ءبىلىم جانە عىلىم مينيسترلىگىنىڭ «ديسسەرتاتسيالاردىڭ نەگىزگى ناتيجەلەرىن جاريالاۋعا ارنالعان عىلىمي باسىلىمداردىڭ تىزبەسىنە» ەنگىزىلدى.

جوعارىدا اتالعان عىلىمي جۋرنالدار 2018 جىلى بىرىكتىرىلىپ، «ءZertteushى.kz» عىلىمي جەلىلىك باسىلىمى، ال 2024 جىلى حالىقارالىق «ءZertteushى» عىلىمي باسىلىمى (scientific publication «ءZertteushى») بولىپ قايتا قۇرىلدى.

ورتالىعىمىزدىڭ حالىقارالىق «ءZertteushى» عىلىمي باسىلىمى (scientific publication «ءZertteushى») قازاقستان رەسپۋبليكاسى مادەنيەت جانە اقپارات مينيسترلىگىنىڭ اقپارات كوميتەتىندە ەسەپكە قويىلىپ، مەرزىمدى ءباسپاسوز باسىلىمىن، اقپارات اگەنتتىگىن جانە جەلىلىك باسىلىمدى ەسەپكە قويۋ، قايتا ەسەپكە قويۋ تۋرالى 03.09.2024 ج. № KZ88VPY00100295 كۋالىگى بەرىلگەن.

شەتەلدە كادرلار دايارلاۋ جونىندەگى رەسپۋبليكالىق كوميسسيا وتىرىسىنىڭ 2023 جىلعى 20 جەلتوقسانداعى №23-32-7.5 حاتتاماسىنا سايكەس ماناش قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ پروفەسسورى رەتىندە بىزگە تۇركيا رەسپۋبليكاسى باشكەنت ۋنيۆەرسيتەتىنە «الەۋمەتتىك عىلىمدار سالاسىنداعى مەنەدجمەنت» باعدارلاماسى بويىنشا 12 (ون ەكى) اي عىلىمي تاعىلىمدامادان وتۋگە «بولاشاق» ستيپەندياسى تاعايىندالدى.

ءبىز قازىرگى كەزدە «بولاشاق» حالىقارالىق باعدارلاماسىنىڭ «500 عالىم» جوباسى بويىنشا تۇركيا رەسپۋبليكاسىنىڭ استاناسى انكارا قالاسىنداعى باشكەنت ۋنيۆەرسيتەتىندە (Türkiye Cumhuriyeti, Ankara, Başkent Üniversitesi) عىلىمي تاعىلىمدامادان ءوتىپ جاتىرمىز.

نەگىزگى فاكۋلتەتتەرى مەن عىلىمي ورتالىقتارىن ايتپاعاندا، جەتى كوللەدجى، 40-قا جۋىق وندىرىستىك-تاجىريبەلىك ورتالىقتارى بار باشكەنت ۋنيۆەرسيتەتى (تۇركيا) مەن «ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسى (قازاقستان) اراسىندا الداعى ۋاقىتتا بىرلەسە اتقارىلاتىن جۇمىستارىمىزدىڭ جوسپارىن قۇردىق.

اتاپ ايتساق، جوعارىداعى كەلىسىمگە سايكەس 2025 جىلدان باستاپ حالىقارالىق «ءZertteushى» عىلىمي باسىلىمىن (scientific publication «ءZertteushى») تۇركيا رەسپۋبليكاسى، انكارا قالاسى، باشكەنت ۋنيۆەرسيتەتىمەن بىرگە شىعارۋ قولعا الىنىپ وتىر.

قازاقستان رەسپۋبليكاسىنىڭ پرەزيدەنتى ق. توقاەۆتىڭ 2024 جىلعى 25 جەلتوقسانداعى № 744 جارلىعىمەن 2025 جىل «جۇمىسشى ماماندىقتارىنىڭ جىلى» دەپ جاريالانعانى بەلگىلى. جاقىندا ۇكىمەتىمىز قازاقستان رەسپۋبليكاسىندا تەحنيكالىق جانە كاسىپتىك ءبىلىم بەرۋدى ترانسفورماتسيالاۋ جونىندەگى 2025-2027 جىلدارعا ارنالعان جول كارتاسىنىڭ جوباسى ۇسىندى.

وسىعان وراي «بولاشاق» حالىقارالىق باعدارلاماسىنىڭ «500 عالىم» جوباسىنىڭ اياسىنداعى عىلىمي تاعىلىمداما بارىسىندا نەگىزگى جوسپارىمىزعا قوسا باشكەنت ۋنيۆەرسيتەتىنىڭ عانا ەمەس، جالپى تۇركيا رەسپۋبليكاسىنىڭ تەحنيكالىق جانە كاسىپتىك ءبىلىم بەرۋ جۇيەسىنىڭ ەرەكشەلىكتەرىن دە قوسا زەرتتەپ ءجۇرمىز.

مەملەكەت باسشىسىنىڭ 2025 جىلدى «جۇمىسشى ماماندىقتارىنىڭ جىلى» دەپ جاريالاۋىنا بايلانىستى 2024 جىلعى 30 جەلتوقسان مەن 2025 جىلعى 05 قاڭتار ارالىعىندا «ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسىنىڭ قازاقستانداعى مەكتەپتەر مەن كوللەدجدەردىڭ پەداگوگتەرىنە ارنالعان «جاستارعا ماماندىق تاڭداۋ بويىنشا كاسىپتىك باعدار بەرۋ: تۇركيا رەسپۋبليكاسى جوعارى وقۋ ورىندارىنىڭ حالىقارالىق تاجىريبەسى» اتتى حالىقارالىق عىلىمي ونلاين-سەمينارىن (ۆەبينارىن) وتكىزدىك.

وسى ونلاين-سەمينارعا (ۆەبينارعا) قازاقستاننىڭ اتىراۋ، ماڭعىستاۋ، تۇركىستان، قوستاناي، شىعىس قازاقستان، قاراعاندى، باتىس قازاقستان، اباي، اقتوبە، جامبىل، الماتى وبلىستارى مەن استانا قالاسىنداعى كوللەدجدەر مەن مەكتەپتەردىڭ 650-دەن استام پەداگوگى ەرەكشە قىزىعۋشىلىق تانىتىپ، بەلسەندى تۇردە قاتىستى.

سونىمەن بىرگە 2025 جىلعى 21-31 ناۋرىز ارالىعىندا باشكەنت ۋنيۆەرسيتەتىندە (تۇركيا) قازاقستانداعى كوللەدجدەردىڭ پەداگوگتەرىنە ارنالعان حالىقارالىق بىلىكتىلىكتى ارتتىرۋ كۋرسى مەن تاعىلىمداماسىن وتكىزۋدى جوسپارلاپ وتىرمىز.

مەملەكەت باسشىسىنىڭ جارلىعىمەن 2025 جىل «جۇمىسشى ماماندىقتارىنىڭ جىلى» دەپ جاريالانۋىنا وراي وقۋ-اعارتۋ مينيسترلىگىنە قازاقستان رەسپۋبليكاسىندا تەحنيكالىق جانە كاسىپتىك ءبىلىم بەرۋدى ترانسفورماتسيالاۋ جونىندەگى 2025-2027 جىلدارعا ارنالعان جول كارتاسىنىڭ جوباسىنا بايلانىستى حالىقارالىق دەڭگەيدە جۇمىس تاجىريبەسى قالىپتاسقان، تۇركياداعى باشكەنت ۋنيۆەرسيتەتىمەن ءوزارا ىنتىماقتاستىق جونىندەگى كەلىسىمى بار ۇكىمەتتىك ەمەس جانە كوممەرتسيالىق ەمەس ۇيىم رەتىندە «ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسىنىڭ ۇسىنىستارىن جولدادىق.

ءيا، ەلىمىزدەگى عىلىم مەن ءبىلىمنىڭ دامۋىنا ءوز ۇلەسىمىزدى قوسۋ ماقساتىندا جۇزەگە اسىرعان جۇمىستارىمىز جوق ەمەس، بارشىلىق. دەگەنمەن وسى جولدا العىس الۋدىڭ ورنىنا كەيبىر مەملەكەتتىك مەكەمەلەردىڭ تاراپىنان قولدان ادەيى جاسالعان كوپتەگەن قيىندىقتارعا تاپ بولىپ، بەلسەندى باستامالارىمىزعا بارىنشا كەدەرگى كەلتىرۋشىلەردى دە ءجيى كەزدەستىردىك. بىراق ءبىز ونداي جاعدايدى ۋاقىتشا ساتسىزدىكتەر دەپ قابىلداپ، مويىماۋعا تىرىستىق.

سونىڭ ناتيجەسىندە، مىنە، بويىمىزعا قاجىر-قايراتىمىزدى قايتا جيناپ، ورتالىعىمىزدىڭ عىلىمي-ءبىلىم بەرۋ سالاسىنداعى قىزمەتىن حالىقارالىق دەڭگەيدەگى سونى سەرپىنمەن قايتا ۇيىمداستىرىپ، جاڭاشا جىگەرمەن العا ۇمتىلىپ وتىرمىز. وسىناۋ ىزدەنىس جولىنداعى تىنىمسىز ىستەرىمىز بارشامىز ءۇشىن جەمىستى بولسىن!

مىرزانتاي قوجابايۇلى جاقىپ،

ماناش قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ پروفەسسورى، «ءZertteushى» حالىقارالىق عىلىمي-ءبىلىم بەرۋ ورتالىعى» مەكەمەسىنىڭ ديرەكتورى.

انكارا قالاسى، تۇركيا رەسپۋبليكاسى.

Abai.kz