قازاقستان 2024 جىلدىڭ 9 ايىندا $471 ملن-عا IT-قىزمەتتەردى ەكسپورتتادى. بۇل تۋرالى ۇكىمەت وتىرىسى بارىسىندا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى حابارلادى.

ونىڭ ايتۋىنشا، بۇل كورسەتكىش 2023 جىلدىڭ سايكەس كەزەڭىمەن سالىستىرعاندا 26%-عا ارتىق. دەگەنمەن، 2024 جىلدىڭ قورىتىندىسى بويىنشا ودان دا جوعارى ساندار كۇتىلۋدە. ۆەدومستۆونىڭ بولجامى بويىنشا، IT-قىزمەتتەر ەكسپورتىنىڭ سوماسى شامامەن $700 ملن-دى قۇراۋى مۇمكىن.

قازاقستاننىڭ IT-ەكسپورتىن ىلگەرىلەتۋدە Astana Hub باستى ءرول اتقارادى. ونداعى رەزيدەنتتەر سانى 1,5 مىڭ كومپانيادان استى، ونىڭ ىشىندە 400-ءى حالىقارالىق كومپانيا. ولاردىڭ جالپى كىرىسى 2024 جىلى 620 ملرد تەڭگەنى قۇرادى. بۇل رەتتە ەكسپورتتان تۇسەتىن تابىس – 227 ملرد تەڭگە، ياعني $479 ملن.

Astana Hub رەزيدەنتتەرىنىڭ ەكسپورتتىق گەوگرافياسى 90-نان استام ەلدى قامتيدى. Astana Hub رەزيدەنتتەرىنەن باسقا «ۇلتتىق اقپاراتتىق تەحنولوگيالار» اق-نىڭ GovTech ونىمدەرى العاش رەت ەكسپورتقا شىقتى. مۇنداي شەشىمدەردىڭ قاتارىنا Smart Data Ukimet, Smart Bridge جəنە يربپ ۆەب-سايت قۇراستىرۋشىسى كىرەدى.

Abai.kz