اقش پرەزيدەنتى دونالد ترامپ رەسەي پرەزيدەنتى پۋتينگە سوعىستى توقتاتۋ تۋرالى تالاپ قويدى. ول ءوز شارتتارىن ءوزىنىڭ «Truth Social» الەۋمەتتىك جەلىسىندە جازدى.

«مەن رەسەيگە زيانىمدى تيگىزگىم كەلمەيدى. مەن ورىس حالقىن جاقسى كورەمىن جانە ارقاشان پرەزيدەنت پۋتينمەن وتە جاقسى قارىم-قاتىناستا بولدىم. بۇل رەسەي تۋرالى راديكالدى سولشىلداردىڭ جالعان سوزدەرىنە قاراماستان سولاي بولدى»، - دەدى ترامپ.

ول ءوز سوزىنشە، «رەسەي ەكىنشى دۇنيەجۇزىلىك سوعىستا جەڭىسكە جەتۋگە كومەكتەستى جانە بۇل جولدا 60 ميلليونعا جۋىق ادامنىڭ ءومىرىن قيدى».

ءارى قاراي ترامپ رەسەيگە قوياتىن شارتتى اتاپ، بىلاي دەيدى:

«سوعان قاراماستان، مەن ەكونوميكاسى قۇلدىراپ بارا جاتقان رەسەيگە جانە پرەزيدەنت پۋتينگە جاقسىلاپ بولىسپاقپىن.

ءدال قازىر تىنىشتالىپ، مىناۋ ماسقارا سوعىستى توقتاتىڭىز! بۇدان ءارى جاعداي ۋشىعا بەرەدى!   

ەگەر ءبىز «مامىلەگە» قول جەتكىزە الماساق،  جاقىن ارادا ماعان رەسەيدىڭ اقش پەن باسقا ارىپتەس ەلدەرگە ساتاتىن بارلىق تاۋارىنا جوعارى سالىقتار سالۋىما، تاريفتەر مەن سانكتسيالار ەنگىزۋىمە تۋرا كەلەدى.

كەل، سوعىستى توقتاتايىق! ارينە، ەگەر مەن پرەزيدەنت بولعانىمدا بۇل سوعىس مۇلدە باستالمايتىن دا ەدى.

ءبىز بۇل سوعىستى توقتاتۋدىڭ ەكى جولى بار. وڭاي جانە قيىن جولدار. ءبىز مۇنى وڭاي جولمەن توقتاتا الامىز. جانە سول جول اركىمگە دە جاقسى بولماق. «مامىلە جاساۋدىڭ» ۋاقىتى كەلدى. بۇدان ءارى ەشقانداي ءومىر قيىلماۋى كەرەك»، - دەدى ترامپ.

تاقىرىپقا تۇزدىق: زەلەنسكي كەلىسسوزدەردى باستاماس بۇرىن باتىس وداقتاستارىنان ۋكراينانىڭ قاۋىپسىزدىك كەپىلدىكتەرىن العىسى كەلەتىنىن ايتتى.

زەلەنسكي: «سوعىستىڭ اياقتالۋى – ءپۋتيننىڭ ەمەس، ترامپتىڭ جەڭىسى بولۋى كەرەك»، - دەپ مالىمدەدى.

«Bloomberg»: «ۋكراينا ءۇشىن كەز كەلگەن كەلىسىمنىڭ كىلتى – اقش پەن ەۋروپانىڭ كرەملدىڭ قايتا باسىپ كىرۋىنە توسقاۋىل قويۋ ءۇشىن جەتكىلىكتى بولاتىن قاۋىپسىزدىك كەپىلدىگى بولماق. زەلەنسكي پۋتينمەن تىكەلەي بايلانىسقا شىقپاس بۇرىن ترامپتان وسىنداي كەپىلدىك العىسى كەلەدى»، - دەيدى.

Abai.kz