جالپى 2024 جىلدىڭ قورىتىندىسى بويىنشا قىلمىستىق قۇقىق بۇزۋشىلىقتاردى تىركەۋ 5%-عا (140 272-دەن 132 778-گە دەيىن) تومەندەدى.

ادام ءولتىرۋ (-4%، 591-دەن 566-عا دەيىن), دەنساۋلىققا اۋىر زيان كەلتىرۋ (-10%، 1806-دان 1627-گە دەيىن), توناۋ (-24%، 2030-دان 1551-گە دەيىن), ۇرلىق (-28%، 42639-دان 30593-كە دەيىن), مال ۇرلاۋ (-31%، 1520-دان 151-گە دەيىن), كامەلەتكە تولماعانداردىڭ قول سۇعىلماۋشىلىعىنا قارسى قىلمىستار (-0,2%، 876-دان 874 دەيىن) جانە جاسوسپىرىمدەر قىلمىسى (-2%، 1 925-تەن 1 890-عا دەيىن) قىسقاردى.

زاڭسىز ارەكەتتەردىڭ بۇل ساناتتارى حالىق ءۇشىن بارىنشا جارالى بولىپ تابىلادى.

2024 جىلى الاياقتىقتىڭ شامالى ءوسۋى تىركەلدى (+0,8%، 44 786-دان 45 156-عا دەيىن), بۇل رەتتە ينتەرنەتتەگى الاياقتىق 5%-عا (21 777-دەن 22 870-كە دەيىن) ءوستى.

مۇنداي قۇقىق بۇزۋشىلىقتاردىڭ نەگىزگى بولىگى تەلەفون ارقىلى جاسالاتىن الاياقتىقپەن باستالىپ، كەيىننەن زارداپ شەككەندەرگە نەسيە رەسىمدەۋمەن اياقتالادى.

وسىعان بايلانىستى باس پروكۋراتۋرانىڭ تىكەلەي ۇيلەستىرۋىمەن بانكتەرگە جانە تەلەكوممۋنيكاتسيا وپەراتورلارىنا قاتىستى 30 قىلمىستىق ءىس تىركەلدى.

2024 جىلعى شىلدەدە ۇلتتىق بانكتىڭ نەگىزىندە الاياقتىققا قارسى ورتالىق قۇرىلدى، ول قاتىسۋشىلاردىڭ زاڭسىز ترانزاكتسيالاردى انىقتاۋىنا جانە جەدەل بۇعاتتاۋىنا جانە ناقتى ۋاقىت رەجيمىندە اقپارات الماسۋىنا مۇمكىندىك بەرەدى. وعان 60-تان استام ۇيىم (بانكتەر، ءىرى تولەمدى، ميكروقارجىلىق ۇيىمدار جانە ىشكى ىستەر مينيسترلىگىنىڭ اۋماقتىق بولىمشەلەرى) قوسىلعان.

الاياقتىققا قارسى ورتالىق 1,2 ميلليارد تەڭگەنىڭ اۋدارىمدارىن بۇعاتتاپ، 81 ميلليون تەڭگەنى ءوز ەركىمەن قايتارتتى.

وتكەن جىلى نەگىزسىز بايىعانى ءۇشىن «دروپپەرلەردەن» ازاماتتىق تارتىپتە اقشالاي قاراجات ءوندىرىپ الۋ پراكتيكاسى ەنگىزىلدى.

ماسەلەن، پاۆلودار وبلىسىندا سوتتىڭ 83 شەشىمى بويىنشا 110 ميلليون تەڭگە، شىعىس قازاقستان وبلىسىندا 100 ميلليوننان استام تەڭگە ءوندىرىپ الىندى.

سونىمەن قاتار بايلانىس وپەراتورلارىمەن بىرلەسىپ SIM-بوكستارىن انىقتاۋ ادىستەمەسى ازىرلەندى (ونىڭ يەلەرىن سايكەستەندىرمەستەن، شەتەلدەن ينتەرنەت ارقىلى قوڭىراۋ شالۋعا مۇمكىندىك بەرەتىن جابدىق).

ىشكى ىستەر مينيسترلىگى 19 قۇرىلعى مەن 6 مىڭنان استام SIM كارتانى انىقتاپ، تاركىلەدى.

سونىمەن بىرگە الاياقتىقپەن كۇرەسۋ ماقساتىندا بىرقاتار زاڭنامالىق تۇزەتۋلەر قابىلداندى.

Abai.kz