ەنەرگەتيكا ءمينيسترىنىڭ بۇيرىعىنداعى وزگەرىستەرگە بايلانىستى سۇيىتىلعان گازدىڭ شەكتى قۇنى ءوسىپ جاتىر

قانشاعا قىمباتتادى

ورتاشا ەسەپپەن ەلدە باعانىڭ ءوسىمى 20,2% قۇراعان. ەندى استانا مەن الماتى تۇرعىندارىنا ءبىر ليتر گاز ءۇشىن 102 تەڭگە تولەۋگە تۋرا كەلەدى، بۇرىن قۇنى 82 جانە 89 تەڭگە بولعان.

وڭىرلەردەگى باعا

اقتوبە جانە اتىراۋ وبلىسىندا باعا 77 تەڭگەگە دەيىن كوتەرىلدى، بۇعان دەيىن ول 59 تەڭگە بولعان. اقمولا جانە الماتى وبلىسىندا گاز 102 تەڭگەدەن ساتىلادى، بۇل الدىڭعى 84 جانە 89 تەڭگەدەن جوعارى. شىعىس قازاقستان، قوستاناي، قاراعاندى، جەتىسۋ، ۇلىتاۋ جانە اباي وبلىستارىندا وتىن 84 تەڭگەدەن 102 تەڭگەگە دەيىن قىمباتتادى. جامبىل وبلىسىندا قۇنى بۇرىنعى 78 تەڭگەدەن 90 تەڭگەگە دەيىن، باتىس قازاقستان وبلىسىندا 70 تەڭگەنىڭ ورنىنا 77 تەڭگەگە دەيىن ءوستى. قىزىلوردا وبلىسىندا باعا 70 تەڭگەدەن كوتەرىلىپ، 90 تەڭگەگە جەتتى.

بۇعان دەيىن ەنەرگەتيكا ءمينيسترى الماسادام ساتقاليەۆ ىشكى نارىققا گاز جەتكىزۋ Qazaq Qaz كومپانياسى ءۇشىن ءتيىمسىز ەكەنىن ايتقان بولاتىن. جيناقتالعان شىعىن 150 ميلليارد تەڭگەدەن اسقانىن، سول سەبەپتى بەنزين 210 تەڭگەگە قىمباتتاۋى مۇمكىن ەكەنىن ايتقان.

Abai.kz