الماتى اكىمى ەربولات دوساەۆ China Exim Bank پرەزيدەنتى ۆان چۋنينمەن ينفراقۇرىلىمدىق جوبالاردى قارجىلاندىرۋ ماسەلەلەرى بويىنشا كەزدەستى.

قحر-عا رەسمي ساپار اياسىندا الماتى اكىمى ەربولات دوساەۆتىڭ قىتاي ەكسپورتتىق-يمپورتتىق بانكىنىڭ (China Exim Bank) پرەزيدەنتى ۆان چۋنينمەن كەزدەسۋى ءوتتى.

كەلىسسوزدەردىڭ باستى تاقىرىبى نەگىزگى ينفراقۇرىلىمدىق جوبالاردى قارجىلاندىرۋ شارتتارىن تالقىلاۋ، اتاپ ايتقاندا، الماتى مەتروپوليتەنىنىڭ جەلىسىن كەڭەيتۋ بولدى.

سۋرەتتەر: الماتى قالاسى اكىمدىگىنىڭ ءباسپاسوز قىزمەتىنەن الىندى.

«ءبىز بەلسەندى جانە جەمىستى ىنتىماقتاستىقتىڭ نەگىزى بولىپ تابىلاتىن ەلدەرىمىزدىڭ كوشباسشىلارى اراسىنداعى تىعىز ساياسي ديالوگتى جوعارى باعالايمىز. الماتىدا مەترو جەلىلەرىن سالۋ جونىندەگى جوبالار قازاقستان رەسپۋبليكاسى ۇكىمەتىنىڭ كەپىلدىگىمەن سىرتقى قارىز الۋدى تارتا وتىرىپ، ەرس+F-كەلىسىمشارت قاعيداتى بويىنشا ىسكە اسىرىلاتىن بولادى. ءبىز وسى جوبانى قارجىلاندىرۋ شارتتارى بويىنشا China Exim Bank ۇسىنىستارىن ەگجەي - تەگجەيلى تالقىلاۋعا دايىنبىز، سونداي-اق باسقا دا ينفراقۇرىلىمدىق جوبالاردى ىسكە اسىرۋعا قاتىسۋعا شاقىرامىز»، - دەپ اتاپ ءوتتى الماتى اكىمى ەربولات دوساەۆ.

ءوز كەزەگىندە، ۆان چۋنين حانىم Exim Bank قازاقستاندا 16 جىل بويى ءتۇرلى جوبالاردى قارجىلاندىرۋمەن اينالىسىپ كەلە جاتقانىن جانە جول ينفراقۇرىلىمىن، ەنەرگەتيكانى، ونەركاسىپتى جانە جىلجىمايتىن مۇلىكتى سالۋ وبەكتىلەرىن ينۆەستيتسيالاۋدا مول تاجىريبەسى بار ەكەنىن حابارلادى.

«ءبىزدىڭ قازاقستانمەن ءوزارا ءىس-قيمىلىمىزدىڭ ماڭىزدى سالاسى كولىك، ينفراقۇرىلىمدىق قۇرىلىس سالۋ بولىپ تابىلادى. 5 ءىرى جول جوباسى بويىنشا بىزدە 2,4 ملرد. اقش دوللارى كولەمىندە كەلىسىم شارت جاسالعان. قازىر ءبىز الماتى اكىمدىگىمەن ىنتىماقتاستىق ءۇشىن بارلىق كۇش - جىگەرىمىزدى جۇمساۋعا دايىنبىز»، - دەدى ۆان چۋنين.

كەزدەسۋ قورىتىندىسى بويىنشا تاراپتار بىرلەسكەن جۇمىستى جالعاستىرۋعا جانە سەرىكتەستىك قاتىناستاردى نىعايتۋعا دايىن ەكەندىكتەرىن ءبىلدىردى.

سۋرەتتەر: الماتى قالاسى اكىمدىگىنىڭ ءباسپاسوز قىزمەتىنەن الىندى.

انىقتاما: China Exim Bank (قىتاي ەكسيم بانكى) 1994 جىلى قۇرىلعان. بانكتىڭ قىتايدا، پاريجدە 32 فيليالى، سونداي-اق گونكونگتا، افريكانىڭ بىرقاتار ەلدەرىندە، رەسەيدە، پولشادا، چيليدە جانە وزبەكستاندا وكىلدىكتەرى بار. بانك قىتايدىڭ سىرتقى ساۋداسىن، ينۆەستيتسيالارىن جانە حالىقارالىق ەكونوميكالىق ىنتىماقتاستىعىن قولداۋمەن اينالىسادى، تۇراقتى دامۋدى قولداۋ ءۇشىن «جاسىل» نەسيەلەۋدى بەلسەندى تۇردە ىلگەرىلەتۋدە.

Abai.kz