پەريزات قايرات ءىسى: مۇگەدەك-بالالارعا ارنالعان وڭالتۋ ورتالىعى مۇلدەم جوق بولىپ شىقتى.

2025 جىلدىڭ 23 قاڭتارىندا پەريزات قايراتقا قاتىستى مۇگەدەك-بالالارعا ارنالعان وڭالتۋ ورتالىعىن سالۋعا اقشا جيناۋ الاياقتىعى بويىنشا سوتقا دەيىنگى جاڭادان تەرگەۋ تىركەلدى.

بۇل تۋرالى قر قارجى مونيتورينگ اگەنتتىگى مالىمدەدى.

پ.قايرات 2021 جىلدىڭ قاراشا ايىندا اقمولا وبلىسىندا «باتىر» قوعامدىق بىرلەستىگىنە وڭالتۋ ورتالىعىن سالۋ ءۇشىن اقشا جيناۋ ماقساتىندا قايىرىمدىلىق اۋكتسيونىن ۇيىمداستىرعان. جۇرتتىڭ سەنىمىن ارتتىرۋ ءۇشىن وڭالتۋ ورتالىعىنا مۇقتاج مۇگەدەك-بالالار مەن ولاردىڭ اتا-انالارىن ءىس-شاراعا تارتقان. پ.قايرات تاراپىنان تاراتىلعان جالعان دەرەكتەر بويىنشا 48 ميلليون تەڭگە جينالىپ، قۇنى 100 ميلليون تەڭگە عيمارات سىيعا تارتىلعان. الايدا، اۋكتسيون كەزىندە شىن مانىندە 22 ميلليون تەڭگە تۇسكەن، وسى اقشانى ول ءوزىنىڭ جەكە قاجەتىنە جاراتقان. سونىمەن قاتار، «باتىر» قوعامدىق بىرلەستىگى ءۇشىن قۇنى 30 ملن تەڭگە جەر تەلىمىن ساتىپ العانىن مالىمدەگەن، الايدا بۇل ۋچاستوكتى 2019 جىلى بىرلەستىك ءوزى ساتىپ العان، – دەلىنگەن قما حابارلاماسىندا.

Abai.kz