اقكول اۋدانىنىڭ تۇرعىنى ءبىر اپتادا 3 نەسيە رەسىمدەگەن.  

قارىزعا العان بارلىق قاراجاتتى ينتەرنەت الاياقتارعا اۋدارعانىن اقمولا وبلىسىنىڭ پوليتسيا دەپارتامەنتى حابارلادى.

بىلتىر قازان ايىندا ايەل ءموبيلدى قوسىمشانىڭ بىرىندە مەملەكەتتىك تولەمدەر تۋرالى جارنامانى كورگەن. سىلتەمەگە كىرىپ، ءوزىنىڭ تەلەفون ءنومىرىن قالدىرادى. سودان كەيىن وعان ءوزىن ينۆەستيتسيالىق كومپانيانىڭ قارجىلىق كەڭەسشىسى رەتىندە تانىستىرعان بەلگىسىز بىرەۋ قوڭىراۋ شالادى.

الاياقتار 48 جاستاعى ايەلگە تۇراقتى جانە جوعارى كىرىس تۇسەتىن "ينۆەستيتسيالىق قىزمەتكە" قاتىسۋعا شاقىرادى. كەڭەسشىلەردىڭ سوزىنە سەنگەن ايەل ولاردىڭ ايتقاندارىن ورىندايدى.

30 قازاندا ول بانكتەن 2 ملن تەڭگە ءبولىپ تولەۋ نەسيەسىن راسىمدەيدى. 5 قاراشادا باسقا بانكتەن وسىعان ۇقساس سوماعا تاعى ءبىر ءبولىپ تولەمدى، ال 6 قاراشادا 2 ملن تەڭگەگە تاۋارلىق نەسيە راسىمدەگەن. وسىلايشا، ءبىر اپتا ىشىندە 6 ملن تەڭگە نەسيەنىڭ اقشاسى بەلگىسىز شوتتارعا اۋدارىلادى.

17 قاڭتاردا ايەل الاياقتاردىڭ قۇربانى بولعانىن ءتۇسىنىپ، پوليتسياعا ارىز جازادى.

قازىر اتالعان فاكتى بويىنشا قىلمىستىق ءىس قوزعالدى، تەرگەۋ شارالارى جۇرگىزىلىپ جاتىر.

Abai.kz