ورازا ۇستاۋدىڭ ادام دەنساۋلىعىنا اسەرى قانداي؟ اۋىزاشار مەن سارەسىندە قالاي تاماقتانعان دۇرىس؟ بۇل جايىندا ەندوكرينولوگ، نۋتريتسيولوگ ماماندار پىكىر ءبىلدىردى.

ادام كۇنىنە كەم دەگەندە 14 ساعات ءىشىپ-جەۋدەن تىيىلعاندىقتان، اعزادا جاسۋشالار جاڭارىپ، ءالسىز، ەسكىلەرى وزدىگىنەن جويىلادى. سونداي-اق، اۋىز بەكىتۋ كەزىندە دۇرىس تاماقتانىپ، زيان تاعامنان باس تارتاتىن بولسا، بۇل  يممۋنيتەتتى دە كۇشەيتەدى ەكەن.

ورازانىڭ ادام اعزاسىنا پايداسى وتە وراسان زور. بىرىنشىدەن، بىزدە اۋتوفوگيا پروتسەسى ىسكە قوسىلادى. ياعني، اعزاداعى ەسكى كلەتكالار ءوزىن ءوزى قورتىپ، اعزادان شىعارىپ وتىرادى
– دەيدى ەندوكرينولوگ مامان بالزيا شىنىبەكوۆا.

ورازانى كىمدەرگە ۇستاۋعا بولمايدى؟

ول بىرىنشىدەن، قان ديابەتى بار جاندار. 1 ءتيپتى، ء2تيپتى. اسقازان-ىشەك جولىندارى اۋرۋلار، وعان اسقازاننىڭ جاراسى جاتادى. وتتە تاس بولاتىن بولسا. ىشەك اۋرۋلارى جانە دە قان قىسىمى بۇزىلعان ناۋقاستارعا ورازا ۇستاۋ دەنساۋلىعىنىڭ ناشارلاۋىنا اكەپ سوعۋى مۇمكىن.

ورازا تۇتۋ ادام اعزاسىنداعى بىرنەشە وڭ وزگەرىسكە اكەلەدى:
ادام اعزاسىن ۋلى زاتتاردان تازارتادى،
تەرى اۋرۋلارىمەن كۇرەسەدى،
قانت ديابەتىنە توسقاۋىل بولادى،
قان قويۋلانۋىنىڭ الدىن الادى،
اس قورىتۋ جۇيەسىنىڭ دەم الۋىنا مۇمكىندىك بەرەدى.

ال ورازا كەزىندە قالاي تاماقتانعان دۇرىس؟

اۋىزاشار ۋاقىتىندا جىلى سۋدان باستاپ اۋىز اشۋ كەرەك. ول نە ءۇشىن، نە سەبەپتى 10-16 ساعات اش جۇرگەننەن كەيىن ءوت اسقازانعا ءبولىنۋى كەرەك. ول قاي ۋاقىتتا بولىنەدى؟ تاماقتى كورىپ، تاماق ىشۋگە دايىندالىپ جاتقاندا بولىنەدى. سودان كەيىن جاقسى، جەڭىل تاماقتاردان باستايدى. ءار تاماقتىڭ قۇرامىندا اقۋىز بولۋى كەرەك، كۇردەلى كومىرسۋلار بولۋ كەرەك جانە ءداندى-داقىلدا، جەڭىل مايلار. جەڭىل تاعامنان باستاعان كەيىن اس قورىتۋ دا جاقسى بولادى. سارەسىنى ىشكەندە تاماقتى كوپ جەۋدەن، سۇيىقتى كوپ ىشۋدەن اۋلاق بولۋ كەرەك. كۇندىز اشتىقتى سەزىنبەۋ ءۇشىن ءارى تاعام ۇزاعىراق قورىتىلۋى ءۇشىن «كوكونىستەر مەن ءداندى داقىلدار، جەمىستەر سەكىلدى كۇردەلى كومىرسۋلاردى جەۋ كەرەك.

رامازان ايىندا رۋحاني تۇرعىدان تازارىپ،  دەنساۋلىعىڭىز نىعايىپ، قۋاتىڭىز ارتسىن. ورازاڭ قابىل بولسىن، ۇستاعان جان!

Abai.kz