كەشە بۇۇ باس اسسامبلەياسى 152 ەلدىڭ بىرلەسكەن اۆتورلىعىمەن ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى بۇۇ-نىڭ ايماقتىق ورتالىعىن الماتىدا اشۋ تۋرالى قارارى كونسەنسۋس نەگىزىندە قابىلدادى.

بۇل تۋرالى قر پرەزيدەنتىنىڭ كەڭەسشىسى جانە ءباسپاسوز حاتشىسى رۋسلان جەلدىباي حابارلاپ ايتتى.

سۋرەت: inform.kz سايتىنان الىندى.

«بۇل – ەلىمىزدىڭ سىرتقى ساياساتتاعى ايتۋلى جەتىستىگى. مەملەكەت باسشىسى قاسىم-جومارت توقاەۆ قازاقستاننىڭ باستاماسىن قولداعانى ءۇشىن بارلىق سەرىكتەسىمىزگە ريزاشىلىق ءبىلدىردى. مەملەكەت باسشىسىنىڭ پىكىرىنشە، بۇۇ-نىڭ ايماقتىق حابى حالىقارالىق ءىس-قيمىلدى ۇيلەستىرۋدىڭ ماڭىزدى الاڭىنا اينالادى»، - دەپ جازدى رۋسلان جەلدىباي.

ءبىز وسى شەشىم تۋرالى ساياساتتانۋشىلارعا حابارلاسىپ، ولاردىڭ كوزقاراسىن بىلدىك.

سۋرەت: egemen.kz سايتىنان الىندى.

نۇربولات نىشانباي، ساياساتتانۋشى:

– ارينە، قازاقستاندا بۇۇ-نىڭ ورنىقتى دامۋ ماقساتتارى جونىندەگى ايماقتىق ورتالىعىنىڭ اشىلۋى – ەلدىڭ حالىقارالىق ارەناداعى بەدەلىن نىعايتىپ، وڭىرلىك تۇراقتىلىق پەن ەكونوميكالىق دامۋعا ىقپال ەتەتىن ماڭىزدى باستاما دەپ وايلامىن. جانە نەگىزگى ءۇش باعىتتا الداعى ۋاقىتتارى ءپوزيتيۆتى ىقپالىن كورەمىز.

بىرىنشىدەن، بۇل  قادام مەنىڭشە،  ۇزاقمەرزىمدى العاندا ورتالىق ازيا مەن اۋعانستانداعى تۇراقتى دامۋعا سەرپىن بەرەدى. ايماق ەلدەرىنىڭ الەۋمەتتىك-ەكونوميكالىق جانە ەكولوگيالىق ماسەلەلەرىن شەشۋگە باعىتتالعان جوبالاردى ۇيلەستىرۋگە سەرپىن بەرەدى دەپ ويلايمىن.

ەكىنشىدەن، بۇۇ تاراپىنان الماتىدا بۇل بۇۇ قۇرىلىمىنىڭ ورنالاسۋى، قازاقستانىد «ورتا دەرجاۆا» ستاتۋسىنداعى ەل رەتىندە ديپلوماتيالىق الەۋەتىن قالىپتاستىرعاندىعىن كورسەتەدى.

ۇشىنشىدەن، بولاشاقتا قازاقستاننىڭ ينۆەستيتسيالىق الەۋەتىن اررتىرۋعا ىقپال ەتەدى دەپ ويلايمىن. مىسالى، ءىزىن الا وزگە دە  حالىقارالىق ۇيىمدار ورتالىقتارى مەن مۇددەلى ۇيىمدار قۇرىلىمى اشىلىپ، تەك ورتالىق ازيادا عانا ەمەس، تۇتاس شىعىستا جاھاندىق ديپلوماتيانىڭ ورتالىعىنا اينالۋعا توتە جول دەپ ويلايمىن.

سۋرەت: inform.kz سايتىنان الىندى.

جانات مومىنقۇلوۆ، شىعىستانۋشى، فيلوسوفيا عىلىم كانديداتى، ەۇۋ ساياساتتانۋ كافەدراسى اعا وقىتۋشىسى:

– بۇۇ-نىڭ الماتىدا ورتالىق ازيا مەن اۋعانستان بويىنشا وڭىرلىك ورتالىعىن قۇرۋ قارارى قازاق ديپلوماتياسىنىڭ سوڭعى كەزدەگى ەلەۋلى، ءىرى جەتىستىكتەرىنىڭ ءبىرى بولماق. ويتكەنى كۇردەلى حالىقارالىق جاعدايدا ايماقتىق ماڭىزى كۇرت ارتقان ورتالىق ازيانىڭ بىرلەسكەن ايماقتىق ساياساتى بۇۇ-نىڭ باعدارلامالارىمەن ەتەنە بايلانىستى بولماق.

قازاقستاننىڭ حالىقارالىق ينستيتۋتتارمەن بايلانىسىن بەكەمدەپ الەمنەن وقشاۋلانۋدان ساقتاپ، ودان ءارى جاھاندىق كەڭىستىككە ينتەگراتسيالانۋىنا نەگىز بولادى. الماتى ورتالىق ازياداعى ماڭىزدى ديپلوماتيالىق  ورتالىق  بولادى. بۇل ايماقتىڭ بىرلىگى مەن ىنتىماقتاستىعىن دا نىعايتىپ، ءوزارا كەلىسىلگەن ۇيلەسىمدى ساياسات جۇرگىزۋگە سەرپىن بەرۋى مۇمكىن. اۋعانستاندى ورتالىق ازياعا قاۋىپ ەمەس، كەرىسىنشە كورشىلەس، مۇددەلى ەل رەتىندە ورتاق ەكونوميكالىق جوبالارعا تارتۋعا بولاتىنىن كورسەتەدى.  ورتالىق بۇۇ ءرولىن جانداندىرىپ، ايماقتىڭ حالىقارالىق ينستيتۋتتارمەن بىرگە ورنىقتى دامۋىنا قىزمەت ەتپەك.

Abai.kz