2025 جىلعى 14-26 ناۋرىز ارالىعىندا "الماتى جاستارى" باعدارلاماسى اياسىندا جەڭىلدەتىلگەن تۇرعىن ءۇي نەسيەلەرىن الۋ ءۇشىن ءوتىنىش قابىلداۋ باستالادى. باعدارلاماعا 35 جاسقا دەيىنگى قالا جاستارى قاتىسا الادى.

اكىمدىكتىڭ مالىمەتىنشە، باعدارلاماعا قاتىسۋعا ءوتىنىشتى www.almaty-zhastary2025.kz رەسمي سايتى ارقىلى بەرۋگە بولادى، اۆتوريزاتسيا ەلەكتروندىق تسيفرلىق قولتاڭبا (ەتسق) ارقىلى جۇزەگە اسىرىلادى.

باعدارلاما اياسىنداعى نەسيەلەندىرۋ شارتتارى:

• ەڭ جوعارعى نەسيە سوماسى – 20 ملن تەڭگەگە دەيىن;
• پايىزدىق مولشەرلەمە – 5 پايىز;
• باستاپقى جارنا – 10 پايىز;
• باستاپقى جانە قايتالاما تۇرعىن ءۇيدى ساتىپ الۋ مۇمكىندىگى;
• باعدارلاما بويىنشا قامتۋ – كەمىندە 2550 ادام، ونىڭ ىشىندە 1050 "جۇمىس ىستەيتىن جاستار" باعدارلاماسىنىڭ جالعا الۋشىلارى.

باعدارلاماعا قاتىسۋ ءۇشىن نەگىزگى تالاپتار:

• ءوتىنىش بەرۋ كەزىندە ءوتىنىش بەرۋشى مەن ونىڭ جۇبايى (زايىبى) الماتى قالاسىندا تۇراقتى تىركەۋدە تۇرۋى ءتيىس.
• ءوتىنىش بەرۋشىنىڭ جاسى ءوتىنىش بەرۋ ساتىندە 35 جاستان اسپاۋى ءتيىس (جۇبايىنىڭ جاسىنا قاراماستان). باعدارلاماعا نەگىزگى قاتىسۋشى رەتىندە ەرلى-زايىپتىنىڭ بىرەۋى عانا قاتىسا الادى (بار بولسا).
• ءوتىنىش بەرۋشى مەن ونىڭ وتباسى مۇشەلەرىنىڭ مەنشىگىندە تۇرعىن ءۇي بولماۋعا ءتيىس، سونداي-اق قازاقستان رەسپۋبليكاسىنىڭ اۋماعىندا سوڭعى 5 جىل ىشىندە تۇرعىن ءۇي جاعدايىن ادەيى ناشارلاتۋ فاكتىلەرى بولماۋى كەرەك.
• ءوتىنىش بەرۋشى سوڭعى 6 (التى) ايدا الماتى قالاسىندا رەسمي تۇردە جۇمىس ىستەگەن بولۋى كەرەك جانە مىندەتتى زەينەتاقى جارنالارى تولەنۋى قاجەت. قاتىسۋشى تاڭداعان كەلەسى سالالاردىڭ بىرىندە ەڭبەك ءوتىلى بولۋى كەرەك: دەنساۋلىق ساقتاۋ، ءبىلىم بەرۋ، مادەنيەت، سپورت، جوعارى وقۋ ورىندارى مەن عىلىمي-زەرتتەۋ ينستيتۋتتارى، جۋرناليستيكا، الەۋمەتتىك سالا، قۇقىق قورعاۋ ورگاندارى، قالالىق كوممۋنالدىق قىزمەتتەر.

"جۇمىس ىستەيتىن جاستار" باعدارلاماسىنىڭ (2019-2024 جىلدار) جالعا الۋشىلارى ءۇشىن جاس شەكتەۋلەرى، تۇرعىلىقتى تىركەۋ تالابى جانە رەسمي ەڭبەك وتىلىنە قويىلاتىن تالاپتار قولدانىلمايدى.

تولىق اقپارات www.almaty-zhastary2025.kz سايتىندا قولجەتىمدى. انىقتاما تەلەفونى: +7 (727) 225 14 57.

Abai.kz