مارقۇم شەرزات پولاتتىڭ اپكەسى پەريزات نۇرىموۆانىڭ وتباسى باسپانالى بولدى. ولار قازاقستاندىقتارعا العىس ءبىلدىردى. ءسۇيىنشى جاڭالىقتى بەلسەندى دىنمۇحامەد قاماتاي الەۋمەتتىك جەلىدەگى پاراقشاسىندا جازدى.

"شەرزاتتىڭ باۋىرى پەريزاتتىڭ قايعىلى جاعدايدان كەيىن وتباسى قيىن كەزەڭدى باستان وتكەردى. قاۋىپسىزدىك ماسەلەسى بارلىعىمىزدى الاڭداتتى. وسىعان بايلانىستى ءبىز ولارعا قولداۋ كورسەتۋ ءۇشىن جاڭا ءۇي ساتىپ الدىق.

بۇل ءۇي تەك باسپانا عانا ەمەس، ول – جاڭا ءومىردىڭ باستاۋى. التى بالانىڭ باتىر اناسى پەريزاتتىڭ قولداۋى بولعان سىزدەر. بۇل قادام ولار ءۇشىن جاي عانا باسپانا ەمەس، بولاشاققا دەگەن سەنىم مەن جاڭا ومىرگە قادام باسۋعا مۇمكىندىك بەرەدى.

قوعامدىق بىرلىكتىڭ ماڭىزدىلىعىن كورسەتۋ ءۇشىن، وسىنداي جاعدايدا قولداۋ كورسەتۋ ارقايسىمىز ءۇشىن ماڭىزدى. ءبىز پەريزاتتىڭ وتباسىنا قيىن ساتتە كومەك كورسەتىپ، ولاردى جالعىز قالدىرمايتىنىمىزدى بىلدىرگىمىز كەلەدى. بۇل باستامانى قولداعان بارلىق جاناشىرلارعا العىس ايتامىز!", - دەدى دىنمۇحامەد قاماتاي.

پەريزات نۇرىموۆا دا يگى ىسكە مۇرىندىق بولعان قازاقستاندىقتارعا العىس ءبىلدىردى.

"بارشا حالقىما العىسىم شەكسىز. ۇلەس قوسىپ، بىزگە كومەكتەسكەن جاناشىر حالقىما العىس ايتامىن", - دەدى شەرزاتتىڭ اپكەسى.

Abai.kz