«ادەبيەت جانە كوركەمونەر» پورتالى تاراتقان اقپارات بويىنشا تۇركى مادەنيەتى جانە مۇراسى قورى دەلەگاتسياسىنىڭ پولشاعا بارعان ساپارى ىنتىماقتاستىق كەزدەسۋلەرگە تولى بولعان. ساپار اياسىنداعى كەزدەسۋلەردىڭ ءبىرى تۇركى الەمى مەن پولشا اراسىنداعى مادەني بايلانىستاردى دامىتۋ، بىرلەسكەن جوبالاردى ىسكە اسىرۋ جانە مادەني مۇرانى ساقتاۋ باعىتىندا ىنتىماقتاستىق ماسەلەلەرى تالقىلانعان.  

تۇركى مادەنيەتى جانە مۇراسى قورى پرەزيدەنتى اقتوتى رايىمقۇلوۆا قوردىڭ تۇركى الەمىنىڭ مادەني جانە تاريحي مۇراسىن ساقتاۋ مەن ناسيحاتتاۋ سالاسىندا اتقارعان جۇمىستارى، سونداي-اق پولشامەن وسى باعىتتاعى ىقتيمال ىنتىماقتاستىق پەرسپەكتيۆالارى تۋرالى اقپارات بەردى. 

پولشادا تۇراتىن تۇركى تەكتەس قاۋىمداستىقتار – تاتارلار مەن قارايىمداردىڭ مادەني مۇراسىن ساقتاۋ جانە زەرتتەۋ سالاسىندا بىرلەسكەن باستامالاردى جۇزەگە اسىرۋدىڭ ماڭىزدىلىعىن اتاپ ءوتتى. سەناتتىڭ ۆيتسە-مارشالى ميحال كامينسكي پولشا تاريحي جانە مادەني مۇرانى ساقتاۋعا ۇلكەن ءمان بەرەتىنىن اتاپ ءوتىپ، تۇركى الەمىمەن مادەني الماسۋدى دامىتۋدىڭ اياسىندا ىنتىماقتاسا جۇمىس جاساۋعا نيەتتى ەكەندىگىن اتاپ ءوتتى. 

كەزدەسۋگە ازەربايجان رەسپۋبليكاسىنىڭ پولشا رەسپۋبليكاسىنداعى ەلشىسى نارگىز قۇربانوۆا جانە قازاقستان رەسپۋبليكاسىنىڭ پولشا رەسپۋبليكاسىنداعى ەلشىسى ءالىم كىراباەۆ قاتىسقان. كەزدەسۋ تاراپتاردى قىزىقتىرعان وزگە ماسەلەلەر بويىنشا تالقىلاۋلارمەن جالعاستى. 

Abai.kz