سەنبى, 5 ءساۋىر 2025
بيلىك 977 0 پىكىر 2 ءساۋىر, 2025 ساعات 14:40

ورمان تالىمباقتارىن قۇرۋ. ۇكىمەت نە ىستەپ جاتىر؟

سۋرەت: primeminister.kz سايتىنان الىندى.

ورمان تالىمباقتارىن قۇرۋ، ءورت ءسوندىرۋ تەحنيكاسىن جاڭارتۋ جانە جانۋارلاردى جەرسىندىرۋ: ەكولوگيانى قورعاۋ بويىنشا قانداي شارالار قابىلدانۋدا.

مەملەكەت باسشىسى قويعان مىندەتتەر اياسىندا ەكولوگيا جانە تابيعي رەسۋرستار مينيسترلىگى ۇكىمەت اتىنان جوسپارلى جۇمىس جۇرگىزۋدە.

سۋرەت: primeminister.kz سايتىنان الىندى.

ەكولوگيا جانە تابيعي رەسۋرستار ءمينيسترى ەرلان نىسانباەۆ اتاپ وتكەندەي، بۇگىندە رەسپۋبليكادا ماتەريالدىق-تەحنيكالىق جابدىقتار جاڭارتىلۋدا، ورمان ءورت ءسوندىرۋ تەحنيكاسى ساتىپ الىنۋدا، ءورتتى ەرتە انىقتاۋ جۇيەلەرى ەنگىزىلۋدە، جاڭا ورمان تالىمباقتارى قۇرىلۋدا، ەرەكشە قورعالاتىن تابيعي اۋماقتار كەڭەيتىلۋدە، قالدىقتاردى كادەگە جاراتۋ جوبالارى جۇزەگە اسىرىلۋدا، ال سيرەك كەزدەسەتىن جانۋارلار – جولبارىستار، قۇلاندار جانە پرجەۆالسكي جىلقىلارى تابيعاتقا قايتا جىبەرىلۋدە.

سۋرەت: primeminister.kz سايتىنان الىندى.

ورمانداردى قورعاۋدى كۇشەيتۋ جانە ماتەريالدىق-تەحنيكالىق جاڭارتۋ ءۇشىن ورتالىق بيۋدجەتتەن ورتكە قارسى جانە ورمان ءورت ءسوندىرۋ تەحنيكاسىن ساتىپ الۋعا 5,4 ملرد تەڭگە باعىتتالدى، جەرگىلىكتى قۇرىلىمداردان 6,7 ملرد تەڭگە ءبولىندى. ورمان ورتتەرىن ءتيىمدى ءسوندىرۋ ءۇشىن تراكتورلار، ارنايى تەحنيكا مەن جابدىقتار ساتىپ الىنۋدا.

سۋرەت: primeminister.kz سايتىنان الىندى.

ورمان ورتتەرىن ەرتە انىقتاۋ جۇيەسى «قازاقتەلەكوممەن» بىرلەسىپ جۇزەگە اسىرىلۋدا. «جاسىل ايماق» پەن «سەمەي ورمانى» سياقتى 24 ورمان شارۋاشىلىعى اۋماقتارىن زەرتتەۋ جۇمىستارى باستالدى.

6 وڭىردە جاڭا ورمان تالىمباقتارىن قۇرۋ جۇمىستارى جۇرگىزىلۋدە. جالپى بيۋدجەت 21,2 ملرد تەڭگەنى قۇرايدى، ءاربىر تالىمباققا 3,5 ملرد تەڭگەدەن قارالعان. ونىڭ قۋاتى – 6 ملن كوشەت. قۇرىلىس 2025 جىلى باستالادى. بيوالۋانتۇرلىلىكتى ساقتاۋ تۇجىرىمداماسىن ازىرلەۋ باستالدى.

سۋرەت: primeminister.kz سايتىنان الىندى.

جاڭا ەرەكشە قورعالاتىن تابيعي اۋماقتار (ەقتا) – «مەركە» وڭىرلىك پاركى (86 مىڭ گا), «ارال» (471 مىڭ گا) جانە «جايىق ورمانى» (46,9 مىڭ گا) رەزەرۆاتتارى قۇرىلۋدا. ءۇش اۋماقتى – ءۇستىرت، قاراتاۋ، ىلە-بالقاش، 648 مىڭ گەكتارعا كەڭەيتۋ جوسپارلانۋدا. 6 ەقتا-دا باقىلاۋ وتكىزۋ پۋنكتەرىن اۆتوماتتاندىرۋ جانە ەلەكتروندىق تولەم جۇيەسى ەنگىزىلۋدە. ورمانشىلارعا ارنالعان ءبىلىم بەرۋ ورتالىعى اشىلادى.

سۋرەت: primeminister.kz سايتىنان الىندى.

2024 جىلدان باستاپ پرەزيدەنتتىڭ «تازا قازاقستان» باستاماسى جۇزەگە اسىرىلۋدا. ەكولوگيالىق قوزعالىسقا 6 ملن ادام، ونىڭ ىشىندە 230 مىڭ ەرىكتى قاتىستى. 1,1 ملن توننا قوقىس جينالىپ، 1,6 ملن اعاش وتىرعىزىلدى. ەكومادەنيەتتى دامىتۋدىڭ 2029 جىلعا دەيىنگى تۇجىرىمداماسى بەكىتىلدى، وڭىرلىك جوسپارلار ماقۇلداندى. ەكولوگيالىق باستامالار قوعام تاراپىنان بەلسەندى قولداۋعا يە بولۋدا.

سۋرەت: primeminister.kz سايتىنان الىندى.

2 ملرد ءتۇپ اعاش وتىرعىزىلۋدا. 2021 جىلدان باستاپ 1,145 ملرد اعاش ەگىلدى. سونداي-اق ارال تەڭىزىنىڭ قۇرعاعان تابانىن كوگالداندىرۋ جۇمىستارى جۇرگىزىلۋدە – 1,1 ملن گەكتارعا سەكسەۋىل وتىرعىزۋ جوسپارلانعان.

سۋرەت: primeminister.kz سايتىنان الىندى.

قاتتى تۇرمىستىق قالدىقتارعا قاتىستى ماسەلەلەردى شەشۋ ماقساتىندا 238 ملرد تەڭگەگە 94 جوبادان تۇراتىن پۋل قالىپتاستىرىلدى. زاماناۋي پوليگوندار سالۋ، قايتا وڭدەۋدى دامىتۋ جانە قالدىقتاردى بولەك جيناۋدى ەنگىزۋ نەگىزگى باعىتتار سانالادى.

سۋرەت: primeminister.kz سايتىنان الىندى.

سيرەك كەزدەسەتىن جانۋارلاردى تابيعاتقا قايتا جىبەرۋ جۇمىستارى جالعاسۋدا. جولبارىستاردى، قۇلانداردى جانە پرجەۆالسكي جىلقىلارىن قايتا جەرسىندىرۋ باعدارلامالارى جۇزەگە اسىرىلۋدا.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1500
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4218
46 - ءسوز

بىزگە بەيمالىم باراق حان

جامبىل ارتىقباەۆ 3116