الماتى قالاسىنىڭ ارنايى پروكۋرورلارى iرi مولشەردە ەسiرتكi زاتتارىن كونتراباندالاۋ فاكتiسi بويىنشا سوتقا دەيiنگi تەرگەپ-تەكسەرۋدi اياقتادى.

تەرگەۋ ناتيجەسىندە 2024 جىلى تامىزدا قازاقستان رەسپۋبليكاسىنىڭ ەكى ازاماتى امەريكا قۇراما شتاتتارىنان الماتىعا ەسىرتكى قۇرالى – ماريحۋانا سالىنعان سالەمدەمەلەردى جەتكىزۋدى ۇيىمداستىرعانى انىقتالدى.

كۇدىكتىلەردىڭ ءبىرى اقشالاي سىياقى ءۇشىن حالىقارالىق جونەلتىلىمدى راسىمدەۋ ءۇشىن ءوزىنىڭ جانە جۇبايىنىڭ ساۋالنامالىق دەرەكتەرىن ۇسىنعان.

جەدەل ءىس-شارالار ناتيجەسىندە «جەتىسۋ» كەدەن بەكەتىنەن ماريحۋانا سالىنعان سالەمدەمەلەر تاركىلەندى. ولار ءىس بويىنشا زاتتاي دالەلدەمەلەر دەپ تانىلدى.

تەرگەۋ جانە جەدەل-ىزدەستىرۋ ءىس-شارالارىنىڭ كەشەنى، سونداي-اق سوت ساراپتامالارىنىڭ ناتيجەلەرى، ءىس بويىنشا ايىپتالۋشىلاردىڭ قۇقىققا قارسى قىزمەتىن راستادى.

كۇدىكتىلەر ۇستالدى. ولارعا ەسىرتكى زاتتارىن كونتراباندالاعانى جانە ولاردى ساتۋعا وقتالعانى ءۇشىن جاۋاپتىلىقتى كوزدەيتىن باپتار بويىنشا ايىپ تاعىلعان.

قىلمىستىق ءىس ءمانى بويىنشا قاراۋ ءۇشىن الماتى قالاسىنىڭ تۇركسىب اۋداندىق سوتىنا جولداندى.

الماتى قالاسىنىڭ پروكۋراتۋراسى ەسىرتكى قۇرالدارىنىڭ زاڭسىز اينالىمى اۋىر قىلمىس بولىپ تابىلاتىنىن جانە قاتاڭ قىلمىستىق جاۋاپتىلىققا تارتىلاتىنىن ەسكەرتەدى. ءوزىنىڭ جەكە دەرەكتەرىن ءۇشىنشى تۇلعالارعا بەرۋ كەزىندە ساقتىق تانىتۋدى ەسكە سالادى.

Abai.kz